యోబు

 3 అవి పిల్లల్ని కనేటప్పుడు నేలకు వంగుతాయి,

అప్పుడు వాటి పురిటినొప్పులు పోతాయి.

 4 వాటి పిల్లలు బలంగా ఎదుగుతాయి, మైదానాల్లో పెరుగుతాయి;

అవి తల్లుల్ని విడిచి వెళ్లిపోతాయి, మళ్లీ రావు.

 5 అడవి గాడిదను స్వేచ్ఛగా తిరగనిచ్చింది ఎవరు?+

దాని తాళ్లను విప్పింది ఎవరు?

 6 నేను ఎడారి మైదానాన్ని దానికి ఇల్లుగా ఇచ్చాను,

ఉప్పు నేలను దానికి నివాసంగా చేశాను.

 7 నగరంలోని కోలాహలాన్ని అది పట్టించుకోదు;

దాన్ని తోలేవాడి కేకల్ని వినిపించుకోదు.

 8 అది మేత కోసం వెతుక్కుంటూ కొండల్లో తిరుగుతుంది,

పచ్చని మొక్కల కోసం చూస్తుంది.

10 నువ్వు అడవి ఎద్దుకు తాడు కట్టి, దానితో పొలం దున్నించగలవా?

లోయను చదును చేయడానికి అది నీ వెంట వస్తుందా?

11 దాని బలం గొప్పదని దాన్ని నమ్ముకుంటావా?

దానికి బరువైన పనులు అప్పగిస్తావా?

12 నీ పంటను ఇంటికి తెచ్చుకోవడానికి దానిమీద ఆధారపడతావా?

అది కళ్లం* దగ్గరికి నీ పంటను పోగుచేస్తుందా?

13 నిప్పుకోడి ఆనందంతో రెక్కలు ఆడిస్తుంది,

కానీ దాని రెక్కలు, ఈకలు సంకుబుడి కొంగకు ఉన్న లాంటివా?+

14 అది దాని గుడ్లను నేల మీద వదిలేస్తుంది,

మట్టిలో వాటిని వెచ్చగా ఉంచుతుంది.

15 అవి దేని కాలి కిందైనా పడి చితికిపోవచ్చని,

అడవి జంతువు వాటిని తొక్కేయవచ్చని అది మర్చిపోతుంది.

16 దాని పిల్లలు దానివి కావన్నట్టుగా కఠినంగా ప్రవర్తిస్తుంది;+

తన కష్టం వృథా అయిపోతుందనే భయం దానికి ఉండదు.

17 ఎందుకంటే దేవుడు దానికి తెలివిని, అవగాహనను ఇవ్వలేదు.

18 కానీ అది లేచి రెక్కలు ఆడించినప్పుడు

గుర్రాన్ని, దాని రౌతును చూసి ఎగతాళిగా నవ్వుతుంది.

21 అది లోయలో కాలు దువ్వుతూ, తన బలాన్ని బట్టి సంతోషిస్తుంది;+

యుద్ధానికి కదం తొక్కుతుంది.+

23 అంబులపొది దానికి తగిలి గలగలమంటుంది,

ఈటె, బల్లెం తళతళ మెరుస్తాయి.

24 అది ఉత్సాహంతో ముందుకు దూకుతుంది,*

బూర* శబ్దం విన్నప్పుడు దాని కాలు నిలవదు.*

25 బూరను ఊదినప్పుడు, అది ‘ఆహా!’ అంటుంది.

అది దూరం నుండే యుద్ధ వాసనను పసిగడుతుంది,

26 నీ అవగాహనను బట్టే డేగ రెక్కలు చాచి

దక్షిణం వైపు ఎగురుతుందా?

27 నీ ఆజ్ఞను బట్టే గద్ద పైకి ఎగిరి+

ఎత్తైన చోట గూడు కట్టుకుంటుందా?+

28 నీ ఆజ్ఞను బట్టే అది కొండ అంచుల్లో రాత్రి గడుపుతుందా?

గుట్ట మీద ఎవరూ రాలేని చోట నివసిస్తుందా?

29 అక్కడి నుండి అది ఆహారం కోసం వెతుకుతుంది;+

దాని కళ్లు చాలా దూరం చూస్తాయి.

30 దాని పిల్లలు రక్తం పీలుస్తాయి;

కళేబరం ఎక్కడ ఉంటే, అది అక్కడ ఉంటుంది.”+