కీర్తనలు
సంగీత నిర్దేశకునికి సూచన; యెదూతూను* అనే రాగంలో పాడాలి. ఆసాపు+ కీర్తన. శ్రావ్యగీతం.
77 నేను బిగ్గరగా దేవునికి మొరపెడతాను;
నేను దేవునికి మొరపెడతాను, ఆయన నా మొర వింటాడు.+
2 కష్టకాలంలో నేను యెహోవాను వెదుకుతాను.+
రాత్రంతా నా చేతులు ఆయన వైపే చాపి ఉంచుతాను.
నా ప్రాణం ఓదార్పు పొందలేకపోతోంది.
3 దేవుణ్ణి గుర్తుచేసుకున్నప్పుడు నేను నిట్టూర్పు విడుస్తున్నాను;+
నా మనసు బాధగా ఉంది, నా బలం క్షీణిస్తోంది.+ (సెలా)
4 నువ్వు నా కళ్లను మూతపడనివ్వట్లేదు;
నేను కలవరపడుతున్నాను, మాట్లాడలేకపోతున్నాను.
5 నా ఆలోచనలు వెనకటి రోజుల వైపు,
పాత సంవత్సరాల వైపు మళ్లుతున్నాయి.+
7 యెహోవా మమ్మల్ని శాశ్వతంగా వదిలేస్తాడా?+
ఇంకెప్పుడూ మామీద తన అనుగ్రహం చూపించడా?+
8 ఆయన విశ్వసనీయ ప్రేమ చూపించడం శాశ్వతంగా ఆపేశాడా?
ఆయన వాగ్దాన నెరవేర్పును ఏ ఒక్క తరమూ చూడదా?
9 దేవుడు దయ చూపించడం మర్చిపోయాడా?+
కోపంతో కరుణ చూపించడం ఆపేశాడా? (సెలా)
10 “సర్వోన్నతుడు మాకు సహాయం చేయడం మానేశాడన్న
ఆలోచనే నన్ను తొలిచేస్తుంది” అని నేను అంటూ ఉండాలా?+
11 నేను యెహోవా* పనుల్ని గుర్తుచేసుకుంటాను;
చాలాకాలం క్రితం నువ్వు చేసిన ఆశ్చర్యకార్యాల్ని గుర్తుచేసుకుంటాను.
13 దేవా, నీ మార్గాలు పవిత్రమైనవి.
దేవా, నీ అంత గొప్ప దేవుడు ఎవరు?+
14 నువ్వు సత్యదేవుడివి, ఆశ్చర్యకార్యాలు చేస్తావు.+
దేశదేశాల ప్రజల మధ్య నువ్వు నీ బలాన్ని చూపించావు.+
16 దేవా, జలాలు నిన్ను చూశాయి;
నీళ్లు నిన్ను చూసి వణికిపోయాయి.+
అగాధ జలాలు అల్లకల్లోలంగా తయారయ్యాయి.
17 మేఘాలు వర్షించాయి.
మేఘాలతో నిండిన ఆకాశం ఉరిమింది,
బాణాల్లాంటి నీ మెరుపులు అంతటా మెరిశాయి.+
18 నీ ఉరుముల శబ్దం+ రథ చక్రాల శబ్దంలా ఉంది;
నీ మెరుపులు లోకానికి వెలుగిచ్చాయి;
భూమి వణికింది, కంపించింది.+
19 నీ దారి సముద్రంలో నుండి వెళ్లింది,+
నీ మార్గం అనేక జలాల్లో నుండి వెళ్లింది;
కానీ నీ అడుగుల జాడలు ఎక్కడా కనిపించలేదు.