సామెతలు

6 నా కుమారుడా, నీ పొరుగువాడికి నువ్వు హామీగా* ఉంటే,+

అపరిచితునితో ఒప్పందం చేసుకునివుంటే,+

 2 ఇచ్చిన మాటవల్ల నువ్వు చిక్కుకుపోతే,

నీ నోటి మాటలవల్ల ఇరుక్కుపోతే,+

 3 నా కుమారుడా, ఇలా చేసి తప్పించుకో:

వెళ్లి, నిన్ను నువ్వు తగ్గించుకొని, నీ పొరుగువాణ్ణి పదేపదే బ్రతిమాలు.

 4 నీ కంటికి నిద్ర గానీ,

నీ కనురెప్పలకు కునుకు గానీ రానివ్వకు.

 5 వేటగాడి చేతిలో నుండి కొండజింక,

బోయవాడి చేతిలో నుండి పక్షి తప్పించుకున్నట్టు తప్పించుకో.

 6 సోమరీ,+ చీమల దగ్గరికి వెళ్లు;

అవి చేసే పనులు చూసి తెలివి తెచ్చుకో.

 7 వాటికి సైన్యాధికారి గానీ, అధికారి గానీ, పరిపాలకుడు గానీ లేకపోయినా,

 8 అవి వేసవికాలంలో ఆహారం సిద్ధం చేసుకుంటాయి,+

కోతకాలంలో ఆహారం సమకూర్చుకుంటాయి.

10 కాసేపు నిద్రపోవడం, కాసేపు కునికిపాట్లు పడడం,

కాసేపు చేతులు ముడుచుకొని పడుకోవడం+

11 వాటివల్ల, దోపిడీ దొంగలా పేదరికం,

ఆయుధాలు ధరించిన మనిషిలా లేమి నీ మీదికి వస్తాయి.+

12 పనికిమాలిన దుష్టుడు వంకర మాటలు మాట్లాడుతూ తిరుగుతుంటాడు;+

13 అతను కన్ను గీటి,+ కాళ్లతో, వేళ్లతో సైగలు చేస్తాడు.

14 కపట హృదయంతో అతను ఎప్పుడూ

కుట్రలు పన్నుతూ,+ గొడవలు పెడుతూ+ ఉంటాడు.

15 కాబట్టి అకస్మాత్తుగా అతని మీదికి విపత్తు వస్తుంది;

అతను ఒక్క క్షణంలో కూలిపోతాడు, మళ్లీ కోలుకోడు.+

16 యెహోవా ద్వేషించేవి ఆరు ఉన్నాయి;

నిజానికి ఏడు విషయాల్ని ఆయన అసహ్యించుకుంటాడు, అవేంటంటే:

17 అహంకారంతో నిండిన కళ్లు,+ అబద్ధాలాడే నాలుక,+ అమాయకుల రక్తం చిందించే చేతులు,+

18 కుట్రలు పన్నే హృదయం,+ కీడు చేయడానికి పరుగులు తీసే పాదాలు,

19 నోరు తెరిస్తే అబద్ధాలే చెప్పే దొంగ సాక్షి,+

సహోదరుల మధ్య గొడవలు పెట్టేవాడు.+

20 నా కుమారుడా, మీ నాన్న ఆజ్ఞను పాటించు,

మీ అమ్మ ఉపదేశాన్ని విడిచిపెట్టకు.+

21 వాటిని ఎప్పుడూ నీ హృదయంలో ఉంచుకో;

నీ మెడకు కట్టుకో.

22 నువ్వు నడుస్తున్నప్పుడు అవి నీకు దారి చూపిస్తాయి;

నువ్వు పడుకున్నప్పుడు నీకు కాపలా కాస్తాయి;

నువ్వు మేల్కొని ఉన్నప్పుడు నీతో మాట్లాడతాయి.*

23 ఎందుకంటే ఆజ్ఞ దీపం,+

ఉపదేశం వెలుగు;

గద్దింపు, క్రమశిక్షణ జీవానికి నడిపిస్తాయి.+

24 అవి నిన్ను చెడ్డ స్త్రీ నుండి,

అనైతిక* స్త్రీ మాట్లాడే మాయమాటల నుండి కాపాడతాయి.+

25 ఆమె సౌందర్యాన్ని నీ హృదయంలో ఆశించకు,+

తన అందమైన కళ్లతో నిన్ను కట్టిపడేయనివ్వకు;

26 ఎందుకంటే, వేశ్య వల్ల చివరికి రొట్టె ముక్క మాత్రమే మిగులుతుంది,+

వ్యభిచార ప్రవృత్తి గల స్త్రీ అమూల్యమైన ప్రాణాన్ని వేటాడుతుంది.

29 తన పొరుగువాడి భార్యతో సంబంధాలు పెట్టుకునే వ్యక్తి పరిస్థితి అలాగే ఉంటుంది;

ఆమెను ముట్టుకునేవాడికి శిక్ష తప్పదు.+

30 ఆకలిగా ఉన్న దొంగ కడుపు నింపుకోవడానికి దొంగతనం చేస్తే,

ఎవరూ అతన్ని నీచంగా చూడరు.

31 కానీ, అతను దొరికితే ఏడంతలు తిరిగి చెల్లించాల్సి ఉంటుంది;

తన ఇంట్లోని విలువైన వాటన్నిటినీ ఇచ్చేయాల్సి వస్తుంది.+

32 వ్యభిచారం చేసేవాడు వివేచన లేనివాడు;

అతను తన మీదికి తానే నాశనం కొనితెచ్చుకుంటాడు.+

33 అతనికి గాయాలు, తలవంపులే మిగులుతాయి,+

అతని అవమానం తొలగిపోదు.+

34 ఎందుకంటే, రోషం వల్ల భర్తకు విపరీతమైన కోపం వస్తుంది;

ప్రతీకారం తీర్చుకునేటప్పుడు అతను ఏమాత్రం కనికరం చూపించడు.+

35 అతను ఎలాంటి పరిహారం* అంగీకరించడు;

నువ్వు ఎంత పెద్ద బహుమతి ఇచ్చినా అతను శాంతించడు.