సామెతలు
19 మూర్ఖుడిగా ఉండి అబద్ధాలాడడం కన్నా
పేదవాడిగా ఉండి యథార్థంగా నడుచుకోవడం మంచిది.+
3 మనిషి తెలివితక్కువతనం అతన్ని తప్పుదారి పట్టిస్తుంది,
అతని హృదయం యెహోవా మీద కోపగించుకుంటుంది.
4 ధనవంతులకు చాలామంది స్నేహితులుంటారు,
పేదవాడికి ఉన్న ఒకేఒక్క స్నేహితుడు కూడా అతన్ని విడిచిపెట్టేస్తాడు.
5 అబద్ధ సాక్షి తప్పకుండా శిక్షించబడతాడు,+
నోరు తెరిస్తే అబద్ధాలే చెప్పేవాడు తప్పించుకోలేడు.
6 ప్రముఖుడి* అనుగ్రహం పొందడానికి చాలామంది ప్రయత్నిస్తారు,
బహుమతులు ఇచ్చేవాడికి అందరూ స్నేహితులే.
7 పేదవాడి సహోదరులందరూ అతన్ని ద్వేషిస్తారు;+
అలాంటిది అతని స్నేహితులు అతన్ని ఇంకెంతగా దూరం పెడతారో కదా!+
అతను వేడుకుంటూ వాళ్ల వెనకాల పడతాడు, కానీ ఎవ్వరూ పట్టించుకోరు.
8 వివేకం సంపాదించేవాడు తన ప్రాణాన్ని ప్రేమించుకుంటున్నాడు.+
ఎప్పుడూ వివేచన చూపించేవాడు విజయం సాధిస్తాడు.*+
9 అబద్ధ సాక్షి తప్పకుండా శిక్షించబడతాడు,
నోరు తెరిస్తే అబద్ధాలే చెప్పేవాడు నాశనమౌతాడు.+
10 తెలివితక్కువవాడు సుఖభోగాలు అనుభవించడం తగదు;
సేవకుడు అధిపతుల మీద పరిపాలించడం కూడా ఏమాత్రం తగదు!+
12 రాజు కోపం సింహగర్జన లాంటిది,+
అతని అనుగ్రహం పచ్చిక మీది మంచు బిందువుల లాంటిది.
14 ఇల్లు, ఆస్తి తండ్రుల నుండి వారసత్వంగా వస్తాయి,
బుద్ధిగల భార్య యెహోవా ఇచ్చే బహుమతి.+
15 సోమరి ఎప్పుడూ పడుకునే ఉంటాడు,
బద్దకంగా పనిచేసేవాడు ఆకలితో అలమటిస్తాడు.+
16 ఆజ్ఞను పాటించేవాడు తన ప్రాణాన్ని కాపాడుకుంటాడు;
తన మార్గాల విషయంలో నిర్లక్ష్యంగా ఉండేవాడు చనిపోతాడు.
19 ముక్కోపి తగిన మూల్యం చెల్లిస్తాడు;
నువ్వు అతన్ని తప్పించడానికి ప్రయత్నిస్తే, మళ్లీమళ్లీ అలా చేయాల్సి వస్తుంది.+
22 మనిషి విశ్వసనీయ ప్రేమే అతనికి అందం;+
అబద్ధాలకోరుగా ఉండడం కన్నా పేదవాడిగా ఉండడం మేలు.
23 యెహోవా మీదుండే భయం జీవానికి నడిపిస్తుంది;+
ఆ భయం ఉన్న వ్యక్తి హాయిగా విశ్రమిస్తాడు, అతనికి ఏ కీడూ రాదు.
24 సోమరి విందుపాత్రలో చెయ్యి ఉంచుతాడు
కానీ దాన్ని నోటి దాకా తెచ్చుకోవాలని కూడా అనుకోడు.+
25 ఎగతాళి చేసేవాణ్ణి కొడితే, అనుభవం లేనివాడు వివేకాన్ని* సంపాదిస్తాడు,+
అవగాహన ఉన్నవాణ్ణి గద్దిస్తే, అతను జ్ఞానాన్ని పెంచుకుంటాడు.
26 తండ్రితో దురుసుగా ప్రవర్తించి, తల్లిని వెళ్లగొట్టే కుమారుడు
అవమానాన్ని, తలవంపుల్ని తీసుకొస్తాడు.+
27 నా కుమారుడా, నువ్వు క్రమశిక్షణను స్వీకరించడం ఆపేస్తే
జ్ఞానవంతమైన మాటల నుండి తప్పిపోతావు.