యెషయా

62 సీయోను నీతి తేజోవంతమైన వెలుగులా ప్రకాశించేవరకు,+

దాని రక్షణ కాగడాలా మండేవరకు+

దాని విషయంలో నేను మౌనంగా ఉండను,+

యెరూషలేము విషయంలో నేను ఊరుకోను.

 2 “ఓ స్త్రీ, దేశాలు నీ నీతిని చూస్తాయి,+

రాజులందరూ నీ మహిమను చూస్తారు.+

యెహోవా స్వయంగా తన నోటితో పెట్టిన

కొత్త పేరుతో నువ్వు పిలవబడతావు.+

 3 నువ్వు యెహోవా చేతిలో సౌందర్య కిరీటంలా,

నీ దేవుని అరచేతిలో రాచ తలపాగాలా ఉంటావు.

 4 ఇకమీదట నువ్వు వదిలేయబడిన స్త్రీ అని పిలవబడవు,+

నీ దేశం నిర్జన ప్రదేశమని పిలవబడదు.+

నువ్వు, ‘దానిలోనే నా సంతోషం ఉంది’ అనే పేరుతో పిలవబడతావు,+

నీ దేశం ‘వివాహిత’ అని పిలవబడుతుంది.

ఎందుకంటే యెహోవా నిన్ను బట్టి సంతోషిస్తాడు,

నీ దేశం వివాహమైన స్త్రీలా ఉంటుంది.

 5 యువకుడు కన్యను పెళ్లిచేసుకున్నట్టు

నీ నివాసులు నిన్ను పెళ్లిచేసుకుంటారు.

పెళ్లికుమారుడు పెళ్లికూతురి విషయంలో సంతోషించినట్టు

నీ దేవుడు నీ విషయంలో సంతోషిస్తాడు.+

యెహోవాను స్తుతించే ప్రజలారా,

విశ్రమించకండి,

 7 ఆయన యెరూషలేమును స్థిరంగా స్థాపించేవరకు,

అవును, దాన్ని భూమికి స్తుతిగా చేసేవరకు+ ఆయనకు ఏమాత్రం విశ్రాంతినివ్వకండి.”

“ఇకమీదట నేను మీ ధాన్యాన్ని మీ శత్రువులకు ఆహారంగా ఇవ్వను,

మీరు ఎంతో కష్టపడి తయారుచేసుకున్న కొత్త ద్రాక్షారసాన్ని పరదేశులు తాగరు.+

 9 ఎవరైతే ధాన్యాన్ని సమకూర్చారో వాళ్లే దాన్ని తిని యెహోవాను స్తుతిస్తారు;

ద్రాక్షారసాన్ని సమకూర్చిన వాళ్లే దాన్ని నా పవిత్ర ప్రాంగణాల్లో తాగుతారు.”+

“సీయోను కూతురుకు ఇలా చెప్పండి:

‘ఇదిగో! నీ రక్షణ వస్తోంది.+

ఇదిగో! ఆయనిచ్చే ప్రతిఫలం ఆయన దగ్గరే ఉంది,

ఆయనిచ్చే జీతం ఆయన ముందే ఉంది.’ ”+

12 వాళ్లు పవిత్రమైన ప్రజలు అని, యెహోవా తిరిగి కొన్నవాళ్లు+ అని పిలవబడతారు,

నువ్వేమో ‘కోరదగినది’ అని, ‘వదిలేయబడని నగరం’+ అని పిలవబడతావు.