యెషయా
51 “నీతిని వెంటాడుతున్న ప్రజలారా,
యెహోవాను వెతుకుతున్న ప్రజలారా, నేను చెప్పేది వినండి.
మీరు ఏ బండ నుండి చెక్కబడ్డారో ఆ బండ వైపు,
ఏ గని నుండి తవ్వి తీయబడ్డారో ఆ గని వైపు చూడండి.
3 ఎందుకంటే, యెహోవా సీయోనుకు ఊరటనిస్తాడు.+
దాని శిథిలాలన్నిటికీ ఆయన ఊరట దయచేస్తాడు,+
ఆయన దాని ఎడారిని ఏదెనులా,+
దాని ఎడారి మైదానాన్ని యెహోవా తోటలా చేస్తాడు.+
ఉల్లాసం, సంతోషం దానిలో ఉంటాయి,
కృతజ్ఞతా స్తుతులు, శ్రావ్యమైన గీతాలు అందులో వినిపిస్తాయి.+
6 ఆకాశం వైపు మీ తలలు ఎత్తి చూడండి,
కిందున్న భూమిని చూడండి.
ఎందుకంటే ఆకాశం ముక్కలైపోయి పొగలా చెదిరిపోతుంది;
భూమి వస్త్రంలా పాతబడుతుంది,
దానిలో నివసించేవాళ్లు దోమల్లా చనిపోతారు.
నశించిపోయే మనుషుల బెదిరింపులకు భయపడకండి,
వాళ్ల దూషణలకు హడలిపోకండి.
8 ఎందుకంటే వస్త్రాన్ని తినేసినట్టు చిమ్మెట వాళ్లను తినేస్తుంది,
కానీ నా నీతి ఎప్పటికీ ఉంటుంది,
నా రక్షణ తరతరాలపాటు ఉంటుంది.”+
ఒకప్పటి రోజుల్లో, ముందటి తరాల్లో లేచినట్టు లే.
10 సముద్రాన్ని, అగాధ జలాల్ని ఎండిపోజేసింది,+
తిరిగి కొనబడినవాళ్లు దాటివెళ్లేలా సముద్ర గర్భంలో దారిని ఏర్పాటు చేసింది+ నువ్వు కాదా?
11 విడిపించబడిన యెహోవా ప్రజలు తిరిగొస్తారు.+
ఉల్లాసం, సంతోషం వాళ్ల సొంతమౌతాయి,
వేదన, నిట్టూర్పు ఎగిరిపోతాయి.+
12 “స్వయంగా నేనే నిన్ను ఓదారుస్తాను.+
చనిపోయి నశించిపోయే మనిషికి,
పచ్చగడ్డిలా వాడిపోయే మనిషికి నువ్వెందుకు భయపడాలి?+
13 నిన్ను తయారుచేసిన యెహోవాను,+
ఆకాశాన్ని విస్తరింపజేసి,+ భూమికి పునాది వేసిన దేవుణ్ణి నువ్వెందుకు మర్చిపోతున్నావు?
అణచివేసే* వ్యక్తి కోపాన్ని బట్టి నువ్వు రోజంతా అదేపనిగా భయపడుతున్నావు,
అతనేదో నిన్ను నాశనం చేసే స్థానంలో ఉన్నట్టు బెదిరిపోతున్నావు.
అణచివేసే వ్యక్తి కోపం ఇప్పుడు ఏమైంది?
14 సంకెళ్ల వల్ల వంగిపోయిన వాళ్లు త్వరలోనే విడుదల చేయబడతారు;+
వాళ్లు చనిపోరు, గోతిలోకి వెళ్లరు,
వాళ్లకు ఆహారం ఉండకుండా పోదు.
15 అయితే నేను నీ దేవుడైన యెహోవాను,
నేను సముద్రంలో అలజడి రేపి, దాని అలలు ఎగసిపడేలా చేస్తాను,+
సైన్యాలకు అధిపతైన యెహోవా నా పేరు.+
16 ఆకాశాన్ని దాని స్థానంలో పెట్టడానికి, భూమికి పునాది వేయడానికి,+
సీయోనుతో, ‘నువ్వు నా జనం’+ అని చెప్పడానికి
నేను నా మాటల్ని నీ నోట ఉంచుతాను,
నా చేతి నీడతో నిన్ను కప్పుతాను.+
నువ్వు ఆ గిన్నెలో ఉన్నదంతా తాగావు;
తూలేలా చేసే గిన్నెలోది నువ్వు పూర్తిగా తాగేశావు.+
18 ఆమె కన్న కుమారులందరిలో ఆమెకు దారి చూపించేవాళ్లు ఒక్కరూ లేరు,
ఆమె పెంచిన కుమారులందరిలో ఒక్కరు కూడా ఆమె చేతిని పట్టుకోలేదు.
19 నాశనం-వినాశనం, ఆకలి-ఖడ్గం!
ఈ రెండూ నీ మీదికి వచ్చాయి.+
ఎవరు నీ మీద సానుభూతి చూపిస్తారు?
ఎవరు నిన్ను ఓదారుస్తారు?+
20 నీ కుమారులు స్పృహ తప్పి పడిపోయారు.+
వలలో చిక్కుకున్న అడవి గొర్రెల్లా
వాళ్లు ప్రతీ వీధి మూల దగ్గర పడివున్నారు.
యెహోవా ఉగ్రత, నీ దేవుని గద్దింపు వాళ్ల మీద పూర్తిగా విరుచుకుపడ్డాయి.”
21 కాబట్టి కష్టాల్లో ఉన్న ఓ స్త్రీ, దయచేసి ఈ మాట విను,
నువ్వు మత్తుగా ఉన్నావు, కానీ ద్రాక్షారసం వల్ల కాదు.
22 నీ ప్రభువూ, తన ప్రజల్ని రక్షించే నీ దేవుడూ అయిన యెహోవా ఇలా అంటున్నాడు:
“ఇదిగో! తూలేలా చేసే గిన్నెను,+
అంటే ఆ పాత్రను, నా ఉగ్రతపాత్రను నేను నీ చేతిలో నుండి తీసేసుకుంటాను.
దానిలో ఉన్నది నువ్వు మళ్లీ ఎప్పుడూ తాగవు.+
23 నిన్ను హింసలు పెట్టినవాళ్ల చేతిలో నేను దాన్ని పెడతాను,+
వాళ్లు నీతో, ‘మేము నీ మీద నడిచివెళ్లేలా నేలకు వంగు!’ అన్నారు.
కాబట్టి నువ్వు నీ వీపును నేలగా చేశావు,
వాళ్లు నడిచివెళ్లడానికి దాన్నొక వీధిలా చేశావు.”