దినవృత్తాంతాలు రెండో గ్రంథం

23 ఏడో సంవత్సరంలో, యెహోయాదా ధైర్యంగా ప్రవర్తించాడు. అతను శతాధిపతులతో,* అంటే యెరోహాము కుమారుడైన అజర్యాతో, యెహోహానాను కుమారుడైన ఇష్మాయేలుతో, ఓబేదు కుమారుడైన అజర్యాతో, అదాయా కుమారుడైన మయశేయాతో, జిఖ్రీ కుమారుడైన ఎలీషాపాతుతో ఒక ఒప్పందం* చేశాడు.+ 2 అప్పుడు వాళ్లు యూదా అంతటికీ వెళ్లి యూదా నగరాలన్నిట్లో నుండి లేవీయుల్ని,+ ఇశ్రాయేలు పూర్వీకుల కుటుంబాల పెద్దల్ని సమకూర్చారు. వాళ్లు యెరూషలేముకు వచ్చినప్పుడు, 3 ఆ సమాజమంతా సత్యదేవుని మందిరంలో రాజుతో ఒక ఒప్పందం చేసింది.+ తర్వాత యెహోయాదా వాళ్లతో ఇలా అన్నాడు:

“ఇదిగో! దావీదు కుమారుల గురించి యెహోవా వాగ్దానం చేసినట్టు రాజు కుమారుడు పరిపాలిస్తాడు.+ 4 మీరు ఏమి చేయాలంటే: విశ్రాంతి రోజున పని చేయడానికి వచ్చే యాజకుల్లో, లేవీయుల్లో మూడోవంతు మంది ద్వారపాలకులుగా+ ఉండాలి;+ 5 ఇంకో మూడోవంతు మంది రాజభవనం+ దగ్గర, మరో మూడోవంతు మంది పునాది ద్వారం దగ్గర కాపలా కాయాలి; ప్రజలందరూ యెహోవా మందిర ప్రాంగణాల్లో+ ఉంటారు. 6 పరిచారం చేస్తున్న యాజకుల్ని, లేవీయుల్ని+ తప్ప యెహోవా మందిరంలోకి ఎవ్వర్నీ రానివ్వొద్దు. వాళ్లు ప్రతిష్ఠించబడినవాళ్లు కాబట్టి లోపలికి రావచ్చు; ప్రజలందరూ యెహోవా పట్ల తమ బాధ్యతను నెరవేర్చాలి. 7 లేవీయుల్లో ప్రతీ ఒక్కరు ఆయుధాలు చేతపట్టుకుని రాజుకు అన్నివైపులా కాపలా కాయాలి. ఎవరైనా మందిరంలోకి ప్రవేశిస్తే వాళ్లు చంపబడతారు. రాజు ఎక్కడికి వెళ్లినా* మీరు అతని వెంట ఉండాలి.”

8 లేవీయులు, యూదావాళ్లందరూ యాజకుడైన యెహోయాదా ఆజ్ఞాపించినట్టే చేశారు. కాబట్టి వాళ్లలో ప్రతీ ఒక్కరు విశ్రాంతి రోజున పని చేస్తున్న తమ మనుషుల్ని, అలాగే విశ్రాంతి రోజున పనికి వెళ్లాల్సిన అవసరం లేని తమ మనుషుల్ని వెంటబెట్టుకొని వెళ్లారు.+ ఎందుకంటే యాజకుడైన యెహోయాదా ఆయా విభాగాలవాళ్లకు+ తమ బాధ్యతల నుండి సెలవు ఇవ్వలేదు. 9 తర్వాత యాజకుడైన యెహోయాదా, సత్యదేవుని మందిరంలో+ ఉన్న దావీదు రాజు ఈటెల్ని, చిన్న డాళ్లను,* గుండ్రటి డాళ్లను+ శతాధిపతులకు+ ఇచ్చాడు. 10 తర్వాత ఆయుధాలు* చేతపట్టుకొని ఉన్న వాళ్లందర్నీ అతను మందిరం కుడివైపు నుండి ఎడమవైపు వరకు, బలిపీఠం పక్కన, మందిరం పక్కన, రాజు చుట్టూ నిలబెట్టించాడు. 11 అప్పుడు వాళ్లు రాజు కుమారుణ్ణి+ బయటికి తీసుకొచ్చి అతని తలమీద కిరీటాన్ని, దేవుని ధర్మశాస్త్ర గ్రంథపు చుట్టను+ పెట్టి అతన్ని రాజును చేశారు. యెహోయాదా, అతని కుమారులు అతన్ని అభిషేకించారు. తర్వాత వాళ్లు, “రాజు దీర్ఘకాలం జీవించాలి!” అని అరిచారు.+

12 ప్రజలు పరుగెత్తుతున్న శబ్దం, రాజును స్తుతిస్తున్న శబ్దం విన్నప్పుడు అతల్యా వెంటనే యెహోవా మందిరంలో ఉన్న ప్రజల దగ్గరికి వచ్చింది.+ 13 అక్కడ ప్రవేశ ద్వారం దగ్గర రాజు స్తంభం పక్కన నిలబడి ఉండడం ఆమె చూసింది. అధిపతులు,+ బాకాలు ఊదేవాళ్లు రాజు పక్కన ఉన్నారు, దేశంలోని ప్రజలందరూ సంతోషిస్తూ+ బాకాలు ఊదుతున్నారు. సంగీత వాద్యాలు పట్టుకొని ఉన్న గాయకులు స్తుతి పాటల్ని నిర్దేశిస్తున్నారు.* అప్పుడు అతల్యా తన బట్టలు చింపుకొని, “కుట్ర! కుట్ర!” అని అరిచింది. 14 కానీ యాజకుడైన యెహోయాదా, సైన్యం మీద నియమించబడిన శతాధిపతుల్ని బయటికి రప్పించి ఇలా ఆజ్ఞాపించాడు: “పంక్తుల మధ్య నుండి ఆమెను బయటికి తీసుకెళ్లండి, ఎవరైనా ఆమె వెనక వస్తే వాళ్లను కత్తితో చంపండి!” అయితే, “యెహోవా మందిరంలో ఆమెను చంపొద్దు” అని అతను చెప్పాడు. 15 దాంతో వాళ్లు ఆమెను పట్టుకున్నారు; రాజభవనానికి చెందిన గుర్రపు ద్వార ప్రవేశం దగ్గరికి తీసుకురాగానే ఆమెను చంపేశారు.

16 అప్పుడు యెహోయాదా, యెహోవా ప్రజలుగా కొనసాగుతామని తనకూ, ప్రజలందరికీ, రాజుకూ మధ్య ఒప్పందం చేశాడు.+ 17 తర్వాత ప్రజలందరూ బయలు గుడికి వచ్చి దాన్ని పడగొట్టారు,+ దాని బలిపీఠాల్ని, దాని విగ్రహాల్ని ముక్కలుముక్కలు చేశారు;+ బయలు పూజారైన మత్తానును బలిపీఠాల ఎదురుగా చంపారు.+ 18 ఆ తర్వాత యెహోయాదా యెహోవా మందిరాన్ని చూసుకునే బాధ్యతను, యెహోవా మందిర పర్యవేక్షణ కోసం దావీదు విభాగాలుగా నియమించిన యాజకుల, లేవీయుల చేతికి అప్పగించాడు. మోషే ధర్మశాస్త్రంలో రాయబడినట్టు+ యెహోవాకు అర్పించాల్సిన దహనబలుల్ని దావీదు నిర్దేశం ప్రకారం ఉల్లాసంగా పాటలు పాడుతూ అర్పించాలని అలా నియమించాడు.+ 19 అంతేకాదు, ఏవిధంగానైనా అపవిత్రులైనవాళ్లు యెహోవా మందిరంలోకి ప్రవేశించకుండా దాని ద్వారాల దగ్గర ద్వారపాలకుల్ని+ కూడా ఉంచాడు. 20 తర్వాత అతను శతాధిపతుల్ని,+ ప్రముఖుల్ని, ప్రజల పాలకుల్ని, దేశ ప్రజలందర్నీ వెంటబెట్టుకొని యెహోవా మందిరం నుండి రాజును తీసుకెళ్లాడు. వాళ్లు పైద్వారం గుండా రాజభవనానికి వచ్చి, రాజును రాజ్య సింహాసనం+ మీద కూర్చోబెట్టారు.+ 21 అతల్యా కత్తితో చంపబడింది కాబట్టి దేశ ప్రజలందరూ సంతోషించారు, నగరం ప్రశాంతంగా ఉంది.