యోబు
36 ఎలీహు ఇంకా ఇలా అన్నాడు:
2 “ఇంకాసేపు నేను చెప్పేది ఓపిగ్గా విను,
దేవుని తరఫున నేను మాట్లాడాల్సింది ఇంకా ఉంది.
3 నాకు తెలిసింది నేను సవివరంగా చెప్తాను,
నన్ను తయారుచేసిన వ్యక్తి నీతిమంతుడని ప్రకటిస్తాను.+
4 నా మాటలు అబద్ధం కాదు;
నువ్వు పరిపూర్ణ జ్ఞానం కలిగిన దేవుని+ ముందు ఉన్నావు.
7 నీతిమంతుల నుండి ఆయన తన కళ్లు పక్కకు తిప్పుకోడు;+
వాళ్లను రాజులతో పాటు* సింహాసనం మీద కూర్చోబెడతాడు,+ వాళ్లు శాశ్వతంగా హెచ్చించబడతారు.
8 కానీ వాళ్లు సంకెళ్లతో బంధించబడి ఉంటే,
కష్టాల తాళ్లలో చిక్కుకొని ఉంటే,
9 వాళ్లు చేసిన పనిని,
గర్వంతో వాళ్లు చేసిన అపరాధాల్ని వాళ్లకు తెలియజేస్తాడు.
10 దిద్దుబాటును వినేలా వాళ్ల చెవులు తెరుస్తాడు,
చెడ్డపనులు మానేయమని చెప్తాడు.+
11 వాళ్లు లోబడి ఆయన్ని సేవిస్తే,
తమ జీవితకాలమంతా వర్ధిల్లుతారు,
వాళ్ల సంవత్సరాలు ఆహ్లాదకరంగా సాగిపోతాయి.+
13 భక్తిహీనులు* లోపల కోపం పెట్టుకుంటారు.
దేవుడు వాళ్లను బంధించినప్పుడు కూడా వాళ్లు సహాయం కోసం మొరపెట్టరు.
15 కానీ దీనులు కష్టాల్లో ఉన్నప్పుడు ఆయన* వాళ్లను కాపాడతాడు;
వాళ్లు అణచివేతకు గురౌతున్నప్పుడు వాళ్ల చెవులు తెరుస్తాడు.
16 ఆయన నిన్ను విపత్తు అంచు నుండి దూరంగా,+
విశాలమైన స్థలంలోకి, ఎలాంటి ఆంక్షలూ లేని చోటికి తీసుకెళ్తాడు;+
నీ బల్ల మీద కొవ్విన ఆహారం పెట్టి నీకు ఊరట దయచేస్తాడు.+
17 తర్వాత తీర్పు తీర్చబడి న్యాయం స్థాపించబడినప్పుడు,+
దుష్టుల మీదికి వచ్చిన తీర్పును బట్టి నువ్వు సంతృప్తి చెందుతావు.
18 అయితే జాగ్రత్త, కోపంతో నువ్వు ద్వేషం పెంచుకుని చెడుగా ప్రవర్తించకు,*+
పెద్దపెద్ద లంచాల వల్ల తప్పుదారి పట్టకు.
19 సహాయం కోసం నువ్వు పెట్టే మొర గానీ,
నువ్వు చేసే తీవ్రమైన ప్రయత్నాలు గానీ విపత్తు నుండి నిన్ను కాపాడతాయా?+
20 ప్రజలు తమ స్థలాల నుండి కనుమరుగైపోయే రాత్రి కోసం ఎదురుచూడకు.
21 చెడు మార్గంలోకి వెళ్లే బదులు,
కష్టాలు సహించడాన్నే ఎంచుకో.+
22 చూడు! దేవుడు తన శక్తిని బట్టి హెచ్చించబడుతున్నాడు;
ఆయన లాంటి ఉపదేశకుడు ఎవరు?
25 మానవజాతి అంతా వాటిని చూసింది,
మనుషులు దూరం నుండి వాటిని గమనిస్తున్నారు.
27 ఆయన నీటి బిందువుల్ని పైకి చేదుతాడు;+
అవి ఘనీభవించి వర్షంలా మారతాయి;
28 మేఘాలు వాటిని కుమ్మరిస్తాయి;+
అవి మనుషుల మీద జల్లులా కురుస్తాయి.
32 ఆయన తన చేతులతో మెరుపుల్ని కప్పుతాడు,
వాటిని లక్ష్యం మీదికి పంపిస్తాడు.+
33 ఆయన ఉరుము ఆయన గురించి చెప్తుంది,
పశువులు కూడా ఎవరు వస్తున్నారో* చెప్తాయి.