కీర్తనలు
సంగీత నిర్దేశకునికి సూచన. యెహోవా సేవకుడైన దావీదు కీర్తన. యెహోవా దావీదును అతని శత్రువులందరి చేతిలో నుండి, సౌలు చేతిలో నుండి రక్షించిన రోజున దావీదు యెహోవాకు పాడిన పాట. అతను ఇలా పాడాడు:+
18 యెహోవా, నా బలమా,+ నేను నిన్ను ప్రేమిస్తున్నాను.
2 యెహోవా నా శైలం,* నా కోట, నన్ను రక్షించే దేవుడు.+
3 స్తుతిపాత్రుడైన యెహోవాకు నేను ప్రార్థిస్తాను,
నా శత్రువుల నుండి ఆయన నన్ను రక్షిస్తాడు.+
6 నా శ్రమలో నేను యెహోవాకు ప్రార్థించాను,
సహాయం కోసం నా దేవునికి మొరపెడుతూ వచ్చాను.
7 అప్పుడు భూమి అదిరింది, కంపించింది;+
పర్వతాల పునాదులు వణికిపోయాయి, అవి ముందుకీ వెనక్కీ కంపించాయి,
ఎందుకంటే ఆయనకు కోపం వచ్చింది.+
8 ఆయన ముక్కు రంధ్రాల నుండి పొగ లేచింది,
ఆయన నోటి నుండి దహించే అగ్ని వచ్చింది;+
ఆయన నుండి మండుతున్న నిప్పులు బయల్దేరాయి.
9 ఆయన ఆకాశాన్ని వంచుతూ కిందికి దిగాడు,+
ఆయన పాదాల కింద కటిక చీకటి ఉంది.
10 ఆయన కెరూబు మీద ఎగురుతూ వచ్చాడు.+
దేవదూత* రెక్కల+ మీద వేగంగా దిగివచ్చాడు.
11 అప్పుడు ఆయన నల్లని నీళ్లు, దట్టమైన మేఘాలు+ ఉన్న చీకటిని
డేరాలా తన చుట్టూ కప్పుకున్నాడు.
12 ఆయన ఎదుట ఉన్న కాంతి నుండి,
మబ్బుల గుండా వడగండ్లు, నిప్పులు వచ్చాయి.
13 అప్పుడు యెహోవా ఆకాశంలో గర్జించసాగాడు;+
వడగండ్లతో, నిప్పులతో సర్వోన్నతుడు తన స్వరం వినిపించాడు.+
14 ఆయన తన బాణాలతో వాళ్లను చెదరగొట్టాడు;+
తన మెరుపుల్ని కురిపించి వాళ్లను గందరగోళంలో పడేశాడు.+
15 యెహోవా, నీ గద్దింపుకు, నీ ముక్కు రంధ్రాల నుండి వేగంగా వచ్చిన ఊపిరికి
భూమి పునాదులు బయటపడ్డాయి.+
16 ఆయన పైనుండి తన చెయ్యి చాపి,
నన్ను పట్టుకొని లోతైన నీళ్లలో నుండి పైకి లాగాడు.+
17 నా బలమైన శత్రువు నుండి, నాకన్నా బలవంతులైన నా పగవాళ్ల నుండి
ఆయన నన్ను రక్షించాడు.+
18 నాకు విపత్తు వచ్చిన రోజున వాళ్లు నన్ను ఎదిరించారు,+
అయితే యెహోవా నన్ను ఆదుకున్నాడు.
19 ఆయన నన్ను సురక్షితమైన* స్థలంలోకి తీసుకొచ్చాడు;
ఆయన నా విషయంలో సంతోషించాడు కాబట్టి నన్ను రక్షించాడు.+
20 నా నీతిని బట్టి యెహోవా నాకు ప్రతిఫలమిస్తాడు;+
21 ఎందుకంటే, యెహోవా మార్గాల్ని నేను అనుసరించాను,
నా దేవుణ్ణి విడిచిపెట్టడమనే తప్పు నేను చేయలేదు.
22 ఆయన తీర్పులన్నీ నా ముందు ఉన్నాయి;
నేను ఆయన శాసనాల్ని నిర్లక్ష్యం చేయను.
24 నా నీతిని బట్టి, ఆయన ముందు నా చేతుల నిర్దోషత్వాన్ని బట్టి
యెహోవా నాకు ప్రతిఫలమివ్వాలి.+
26 నిజాయితీపరులతో నువ్వు నిజాయితీగా ఉంటావు,+
వంకరబుద్ధి గలవాళ్లతో యుక్తిగా వ్యవహరిస్తావు.+
28 యెహోవా, నా చీకటిని వెలుగుగా మార్చే నా దేవా,
నువ్వే నా దీపాన్ని వెలిగిస్తావు.+
తనను ఆశ్రయించేవాళ్లందరికీ ఆయన ఒక డాలు.+
31 యెహోవా తప్ప దేవుడు ఎవరు?+
మన దేవుడు తప్ప ఆశ్రయదుర్గం* ఎవరు?+
33 ఆయన నా కాళ్లను జింక కాళ్లలా చేస్తాడు;
ఎత్తైన స్థలాల మీద నన్ను నిలబెడతాడు.+
34 ఆయన, యుద్ధం కోసం నా చేతులకు శిక్షణ ఇస్తాడు;
నా చేతులు రాగి విల్లును వంచగలవు.
35 నువ్వు నీ రక్షణ డాలును నాకు ఇస్తావు,+
నీ కుడిచెయ్యి నాకు సహాయం చేస్తుంది,*
నీ వినయం నన్ను గొప్పవాణ్ణి చేస్తుంది.+
36 నువ్వు నా అడుగుల కోసం దారిని వెడల్పు చేస్తావు;
నా పాదాలు జారవు.+
37 నేను నా శత్రువుల్ని తరిమి పట్టుకుంటాను;
వాళ్లు తుడిచిపెట్టుకుపోయేంత వరకు నేను వెనక్కి రాను.
38 వాళ్లు మళ్లీ లేవకుండా నేను వాళ్లను పూర్తిగా నలగ్గొడతాను;+
వాళ్లు నా పాదాల కింద కూలతారు.
39 యుద్ధం కోసం నువ్వు నాకు శక్తినిస్తావు;
నా విరోధులు నా ఎదుట కూలిపోయేలా చేస్తావు.+
40 నా శత్రువులు నా దగ్గర నుండి పారిపోయేలా చేస్తావు;
నన్ను ద్వేషించేవాళ్లను నేను అంతం చేస్తాను.+
41 వాళ్లు సహాయం కోసం మొరపెడతారు, కానీ రక్షించేవాళ్లెవ్వరూ ఉండరు;
వాళ్లు యెహోవాకు కూడా మొరపెడతారు, కానీ ఆయన వాళ్లకు జవాబివ్వడు.
42 నేను వాళ్లను గాలిలో ధూళి అంత మెత్తగా నలగ్గొడతాను;
వీధుల్లో మట్టిలా వాళ్లను బయట పడేస్తాను.
43 తప్పులుపట్టే ప్రజల నుండి నువ్వు నన్ను రక్షిస్తావు.+
దేశాల అధిపతిగా నన్ను నియమిస్తావు;+
నాకు తెలియని ప్రజలు నన్ను సేవిస్తారు.+
44 కేవలం నా గురించి విన్నదాన్ని బట్టి వాళ్లు నాకు లోబడతారు;
విదేశీయులు వచ్చి నాకు వంగి నమస్కారం చేస్తారు.+
45 వాళ్లు ధైర్యం కోల్పోతారు;*
వాళ్లు వణుక్కుంటూ తమ కోటల్లో నుండి బయటికి వస్తారు.
46 యెహోవా సజీవుడు! నా ఆశ్రయదుర్గం*+ స్తుతించబడాలి!
నా రక్షకుడైన దేవుడు హెచ్చించబడాలి.+
47 సత్యదేవుడు నా తరఫున పగతీర్చుకుంటాడు;+
దేశదేశాల ప్రజల్ని నాకు లోబరుస్తాడు.
48 కోపంగా ఉన్న నా శత్రువుల నుండి నన్ను కాపాడతాడు;
నామీద దాడిచేసే వాళ్లకన్నా నన్ను నువ్వు పైకి ఎత్తుతావు;+
దౌర్జన్యం చేసేవాడి నుండి నన్ను కాపాడతావు.