సామెతలు
27 రేపటి గురించి గొప్పలు చెప్పుకోకు,
ఏ రోజు ఏం జరుగుతుందో నీకు తెలీదు.+
3 రాయి బరువు, ఇసుక భారం;
తెలివితక్కువవాడు పెట్టే చిరాకు ఆ రెండిటి కంటే బరువు.+
5 లోలోపల ప్రేమించడం కన్నా బహిరంగంగా గద్దించడం మేలు.+
7 కడుపు నిండినవాడు తేనెపట్టును కూడా తొక్కేస్తాడు,
ఆకలిగా ఉన్నవాడికి చేదు కూడా తియ్యగా ఉంటుంది.
8 తన ఇల్లు విడిచి తిరిగేవాడు
గూడు విడిచి తిరిగే పక్షి లాంటివాడు.
9 నూనె, ధూపం హృదయాన్ని సంతోషపెట్టినట్టే
నిజాయితీతో ఇచ్చిన సలహా నుండి చిగురించే తియ్యని స్నేహం హృదయాన్ని సంతోషపెడుతుంది.+
10 నీ స్నేహితుణ్ణి గానీ నీ తండ్రి స్నేహితుణ్ణి గానీ విడిచిపెట్టకు,
కష్టం వచ్చిన రోజున నీ సహోదరుడి ఇంటికి వెళ్లకు;
దూరంగా ఉన్న సహోదరుడి కన్నా దగ్గర్లో ఉన్న పొరుగువాడు మేలు.+
11 నా కుమారుడా, తెలివిని సంపాదించి నా హృదయాన్ని సంతోషపెట్టు,+
అప్పుడు నన్ను నిందించేవాడికి నేను జవాబివ్వగలుగుతాను.+
12 వివేకం* గలవాడు అపాయాన్ని చూసి దాక్కుంటాడు,+
అనుభవం లేనివాడు నేరుగా ముందుకెళ్లి పర్యవసానాలు* అనుభవిస్తాడు.
13 పరిచయంలేని వాడికి హామీగా ఉన్న వ్యక్తి వస్త్రాన్ని తీసుకో,
ఒకవేళ అతను హామీగా ఉన్నది అనైతిక* స్త్రీకైతే, అతను హామీగా పెట్టినదాన్ని లాక్కో.+
14 ఒక వ్యక్తి పొద్దుపొద్దున్నే బిగ్గరగా తన తోటివాణ్ణి దీవిస్తే
అది అతనికి శాపంగా ఎంచబడుతుంది.
15 గయ్యాళి* భార్య, వర్షం కురిసే రోజున అదేపనిగా కారే పైకప్పు లాంటిది.+
16 ఆమెను అదుపు చేసేవాళ్లు గాలిని అదుపు చేయగలరు,
కుడిచేతితో నూనెను పట్టుకోగలరు.
19 ఒక వ్యక్తి నీళ్లలో ముఖం చూసుకున్నట్టు,
ఎదుటివాడి హృదయంతో తన హృదయం చూసుకోవచ్చు.
21 మూసతో వెండిని, కొలిమిలో బంగారాన్ని పరీక్షించినట్టు+
ఒక వ్యక్తికి వచ్చే పొగడ్తలతో అతన్ని పరీక్షించవచ్చు.
22 రోట్లో నలగ్గొట్టిన ధాన్యంలా
తెలివితక్కువవాణ్ణి రోకలితో దంచినా
అతని తెలివితక్కువతనం పోదు.
23 నీ పశువులు ఎలా ఉన్నాయో నీకు బాగా తెలిసుండాలి.
25 పచ్చగడ్డి మాయమైపోతుంది, కొత్త గడ్డి మొలుస్తుంది,
పర్వతాల మీది పచ్చిక సమకూర్చబడుతుంది.
26 మగ గొర్రెపిల్లల వల్ల నీకు బట్టలు వస్తాయి,
మేకపోతులతో పొలం కొనుక్కోవచ్చు.
27 నీకు, నీ ఇంటివాళ్లకు, నీ సేవకురాళ్ల పోషణకు
సరిపడా మేక పాలు ఉంటాయి.