కీర్తనలు

40 యెహోవా కోసం నేను ఓపిగ్గా ఎదురుచూశాను,*

సహాయం కోసం నేను పెట్టిన మొరను ఆయన చెవిపెట్టి* ఆలకించాడు.+

 2 ఘోషించే నీళ్ల గోతిలో నుండి,

లోతైన ఊబిలో నుండి ఆయన నన్ను పైకి లాగాడు.

నా పాదాల్ని బండ మీద నిలిపాడు;

నా అడుగుల్ని స్థిరపర్చాడు.

 3 తర్వాత నా నోట ఒక కొత్త పాటను,+

మన దేవుని స్తుతి పాటను పెట్టాడు.

అది చూసి చాలామంది సంభ్రమాశ్చర్యాలకు లోనై

యెహోవా మీద నమ్మకం ఉంచుతారు.

 4 యెహోవా మీద నమ్మకముంచే వ్యక్తి,

తిరుగుబాటు చేసేవాళ్లను, అబద్ధాలాడేవాళ్లను అనుసరించని వ్యక్తి సంతోషంగా ఉంటాడు.

 5 యెహోవా, నా దేవా,

నువ్వు మా కోసం ఎన్నో అద్భుతమైన పనులు చేశావు,

మా విషయంలో నీకున్న ఆలోచనలు ఎన్నెన్నో;+

నీకు సాటి ఎవరూ లేరు;+

నేను వాటి గురించి వివరించి చెప్పాలని ప్రయత్నిస్తే,

అవి నేను లెక్కించలేనన్ని ఉంటాయి!+

 6 బలిని, అర్పణను నువ్వు కోరుకోలేదు,*+

కానీ నేను వినేలా నువ్వు నా చెవులు తెరిచావు.+

 8 నా దేవా, నీ ఇష్టాన్ని నెరవేర్చడం నాకు సంతోషం,*+

నీ ధర్మశాస్త్రం నా అంతరంగంలో ఉంది.+

నా పెదాల్ని మూసుకోను,+

యెహోవా, అది నీకు బాగా తెలుసు.

నేను ఎన్నో తప్పులు చేశాను, ఎటు వెళ్లాలో నాకు తెలియట్లేదు;+

అవి నా తలవెంట్రుకల కన్నా ఎక్కువగా ఉన్నాయి,

నా గుండె జారిపోయింది.

14 నా ప్రాణం తీయాలని చూసేవాళ్లంతా

సిగ్గుపడాలి, అవమానాలపాలు అవ్వాలి.

నా ఆపద చూసి సంతోషించేవాళ్లు

అవమానంతో పారిపోవాలి.

16 కానీ నిన్ను వెదికేవాళ్లు+

నిన్ను బట్టి సంతోషించి, ఉల్లసించాలి.+

17 అయితే నేను నిస్సహాయుణ్ణి, దీనస్థితిలో ఉన్నాను;

యెహోవా, నన్ను పట్టించుకో.

నా సహాయకుడివి, రక్షకుడివి నువ్వే;+

నా దేవా, ఆలస్యం చేయకు.+