ఇంటర్‌నెట్‌లో సువార్త
మన సాంకేతిక యుగంలో, కొంతమంది సమాచారాన్ని ఇంటర్‌నెట్‌తో సహా ఎలక్ట్రానిక్‌ మూలాల నుండి తెలుసుకుంటారు. కనుక, యెహోవాసాక్షుల నమ్మకాలు మరియు కార్యశీలతలను గూర్చిన కచ్చితమైన కొంత సమాచారాన్ని ఇంటర్‌నెట్‌లో సొసైటీ ఉంచింది.
మన ఇంటర్‌నెట్‌ వెబ్‌ సైట్‌కు http://www.watchtower.org అనే అడ్రస్‌ ఉంది, అందులో ఇంగ్లీష్‌, చైనీస్‌ (సరళమైన), రష్యన్‌, స్పానిష్‌, అలాగే మరితర భాషల్లోని ఎంపిక చేయబడిన కరపత్రాలూ, బ్రోషూర్‌లూ, కావలికోట, మరియు తేజరిల్లు! పత్రికల్లోని శీర్షికలూ ఉన్నాయి. ఈ వెబ్‌ సైట్‌లో ఉన్న ప్రచురణలు సంఘాల ద్వారా లభ్యమౌతున్నవే. అవి పరిచర్యలో ఉపయోగించబడుతున్నవే. మన వెబ్‌ సైట్‌ ఉద్దేశం క్రొత్త ప్రచరణలను విడుదల చేయడం కాదు గానీ, ఎలక్ట్రానిక్‌ ఫార్మట్‌లో ప్రజలకు సమాచారాన్ని లభ్యం చేయాలన్నదే. యెహోవాసాక్షులను గురించీ, మన క్రియాశీలతలను గురించీ, మన నమ్మకాలను గురించీ మరొకరు ఇంటర్‌నెట్‌ పేజీలను తయారు చేయవలసిన అవసరం లేదు. మన అధికారిక సైట్‌ మన గురించి తెలుసుకోవాలని కోరుకునే ఎవరికైనా సరే కచ్చితమైన సమాచారాన్నిస్తుంది.
మన సైట్‌లో ఎలక్ట్రానిక్‌ సందేశాలను పంపే ఏర్పాటు (E-mail) లేకపోయినప్పటికీ, భూగోళవ్యాప్తంగా ఉన్న మన బ్రాంచ్‌ల పోస్టల్‌ అడ్రస్‌ల పట్టిక అందులో ఇవ్వబడింది. అలా, మరింత సమాచారం పొందేందుకు, లేదా స్థానిక యెహోవాసాక్షుల నుండి వ్యక్తిగత సహాయాన్ని పొందేందుకు ప్రజలు ఉత్తరం వ్రాయగల్గుతారు. ఈ ఫార్మట్‌ నుండి బైబిలు సత్యాన్ని నేర్చుకోనారంభించేందుకు సుముఖత చూపేదెవరైనా సరే వారికి పై ఇంటర్‌నెట్‌ అడ్రస్‌ను తెలిపే విషయంలో నిస్సంకోచంగా ఉండండి.