మన క్రైస్తవ జీవితం

వినోదాన్ని తెలివిగా ఎంచుకోండి

మనం వినోదాన్ని ఎందుకు జాగ్రత్తగా ఎంచుకోవాలి? ఎందుకంటే, మనం ఒక సినిమాని గానీ, పాటని గానీ, వెబ్‌సైట్‌ని గానీ, పుస్తకాన్ని గానీ, వీడియో గేమ్‌ని గానీ ఎంచుకుంటున్నామంటే, మన మనసును దేనితో నింపుకోవాలో ఎంచుకుంటున్నామని అర్థం. మన ఎంపికలు మన ప్రవర్తన మీద ప్రభావం చూపిస్తాయి. విచారకరంగా, నేడు అందుబాటులోవున్న వినోదంలో యెహోవా తప్పు అని చెప్పే విషయాలే ఎక్కువగా ఉన్నాయి. (కీర్త 11:5; గల 5:19-21) అందుకే బైబిలు, యెహోవాను ఘనపర్చే విషయాల గురించి ఆలోచిస్తూ ఉండమని మనల్ని ప్రోత్సహిస్తుంది.—ఫిలి 4:8.

నేను ఎలాంటి వినోదాన్ని ఎంచుకోవాలి? అనే వీడియో చూసి, ఈ ప్రశ్నలకు జవాబు చెప్పండి:

ప్రాచీన రోములోని గ్లాడియేటర్‌ గేమ్‌లు ఏ రకంగా ఈ రోజుల్లోని వినోదంలా ఉన్నాయి?
యౌవనులు వినోదాన్ని తెలివిగా ఎంచుకోవడానికి సంఘంలోని వాళ్లు ఎలా సహాయం చేయవచ్చు?
వినోదాన్ని ఎంచుకునే విషయంలో రోమీయులు 12:9 ఎలా సహాయం చేస్తుంది?
మీ ప్రాంతంలో ఆరోగ్యకరమైన ఎలాంటి వినోదాలు అందుబాటులో ఉన్నాయి?

రెండు రకాల వినోదాలు

ఈ రోజుల్లో ఎక్కువమంది ఆస్వాదించే వినోదం, ఇతరులు చేస్తున్న దాన్ని చూసి ఆనందించేలా ఉంటోంది తప్ప మనమే ఏదోకటి చేసేలా ఉండట్లేదు. సినిమాలు, పుస్తకాలు, టీవీ కార్యక్రమాలు మీ ఐడియాలను కాకుండా వేరేవాళ్ల ఐడియాలను చూపిస్తాయి. అలాంటి వినోదం తప్పు కాకపోయినా, దానికన్నా మీరే ఏదో ఒకటి చేయగలిగితే ఇంకా ప్రయోజనం ఉంటుంది. ఉదాహరణకు, సంగీత వాయిద్యం ప్లే చేయడం లేదా బొమ్మలు వేయడం కొంతమందికి ఇష్టం. ఇంకొంతమందికి బయటికి వెళ్లి ఆటలు ఆడడం, సరదాగా నడవడం, పిక్నిక్‌కి వెళ్లడం లాంటివి నచ్చుతాయి. మనం ఏ వినోదాన్ని ఎంచుకున్నా, “అన్నీ దేవునికి మహిమ తీసుకొచ్చేలా” చూసుకుందాం.—1 కొరిం 10:31.