13. పారిపొమ్మని యేసు యిచ్చిన హెచ్చరికను క్రైస్తవులు ఎందుకు అనుసరించగల్గారు?

¹³ రోమన్లు యెరూషలేము నుండి వెనక్కి వెళ్లిపోయారు, గనుక ఎవరైన ఎందుకు పారిపోవాలి? ఎందుకంటే ‘యెరూషలేము నాశనం సమీపమైంది’ అని అనడానికి అక్కడ సంభవించినది రుజువని యేసు పలికిన మాటలు స్పష్టం చేశాయి. (లూకా 21:20) అవును, నాశనము. ‘లోకారంభమునుండి ఇప్పటివరకును అట్టి శ్రమ కలుగలేదు, ఇక ఎన్నడునూ కలుగబోదని’ యేసు ముందే ప్రవచించాడు. దాదాపు మూడున్నర సంవత్సరాల తర్వాత అంటే సా.శ. 70లో సైన్యాధిపతియైన టైటస్‌ నాయకత్వంలోని రోమా సైన్యాల చేతుల్లో యెరూషలేము నిజంగా “మహాశ్రమ” అనుభవించింది. (మత్తయి 24:21; మార్కు 13:19) కాని, అప్పటివరకు గాని అంతకుముందుగాని సంభవించిన శ్రమలకన్నా యిది గొప్పదని యేసు ఎందుకు వర్ణించాడు?

14. అంతకు ముందుగానీ దాని తర్వాత గాని సంభవింపనిది సా.శ. 70 నందు జరిగిన “మహాశ్రమ” అని మనం ఎలా చెప్పవచ్చు?

¹⁴ సా.శ.పూ. 607లో బబులోనీయులు యెరూషలేమును బొత్తిగా పాడుచేశారు, ఆలాగే మన ప్రస్తుత శతాబ్దంలో కూడా భయంకర యుద్ధాల్ని ఆ పట్టణం చవిచూసింది. అయినా సా.శ. 70లో జరిగింది మాత్రం ఎన్నడూ ఎరుగని మహాశ్రమే. రమారమి ఐదు నెలలు సాగిన ఆ యుద్ధదాడిలో టైటస్‌ నాయకత్వంలోని రోమా సైన్యం యూదులను ఓడించి, వారిలో యించుమించు 11,00,000 మందిని హతమార్చి, దాదాపు 1,00,000 మందిని బానిసలుగా తీసుకువెళ్లారు. ఆ పిమ్మట రోమన్లు యెరూషలేమును నిర్మానుష్యం చేశారు. కాబట్టి, దేవాలయమే కేంద్రంగావున్న యూదుల ఆరాధనా విధానాన్ని ఆ వినాశనం అంతమొందించింది. (హెబ్రీయులు 1:2) అవును సా.శ. 70 నాటి సంఘటనలను ‘లోకారంభము నుండి యిప్పటివరకు [ఆ పట్టణం, రాజ్యం, విధానంపై] కలుగ లేదు ఇక ఎప్పుడును కలుగబోని శ్రమగా’ సరిగానే పరిగణించవచ్చును.—మత్తయి 24:21.d

[10వ పేజీలోని చిత్రం]

సా.శ. 70లో సంభవించిన మహాశ్రమ యెరూషలేము, యూదా జనాంగము అంత వరకూ అనుభవించిన వాటిలోకెల్లా అతి భీకరమైంది