Оё рӯзҳои якшанбе мавъиза карда метавонед?
1. Мо аз намунаи Павлус ва ҳамроҳонаш чӣ дарсе гирифта метавонем?
1 Он рӯз, рӯзи шанбе буд ва аксари яҳудиёни шаҳри Филиппӣ истироҳат мекарданд. Павлус ва ҳамроҳонаш ҳангоми сафари миссионериашон ба ин шаҳр омаданд. Онҳо низ барои хизматашон сазовори истироҳат буданд ва ягон кас онҳоро барои ин танқид карда наметавонист. Лекин Павлус ва ҳамроҳонаш медонистанд, ки яҳудиён барои дуо гуфтан дар беруни шаҳр ҷамъ мешуданд ва онҳо ин имкониятро истифода бурда ба яҳудиён мавъиза карданд. То чӣ андоза шояд Павлус ва ҳамроҳонаш хурсанд шуданд, вақте ки Лидия онҳоро гӯш кард ва бо аҳли хонаводааш таъмид гирифт (Аъм. 16:13–15). Азбаски бисёр одамон имрӯзҳо дар рӯзи якшанбе истироҳат мекунанд, хуб мебуд, ки як қисми ин рӯзро истифода бурда, ба онҳо мавъиза кунем.
2. Халқи Яҳува кадом душвориҳоро паси сар кард, то ки дар рӯзҳои якшанбе бе душворӣ мавъиза кунад?
2 Мубориза барои дар рӯзи якшанбе мавъиза кардан. Дар давоми соли 1927 халқи Яҳува даъват карда шуда буд, ки қисми ҳар якшанберо барои хизмат сарф кунад. Ин дарҳол ба муқобилият оварда расонд. Дар Америка барои дар рӯзи якшанбе вайрон кардани қонуни рӯзи шанбе, вайронкунии оромӣ ва бе иҷозат савдо кардан, бисёриҳоро ба ҳабс гирифтанд. Лекин халқи Худо мавъизаро бас накард. Солҳои 1930 онҳо «маъракаҳои гурӯҳӣ» ташкил карданд, ки ба воситаи ин маъракаҳо воизон аз ҷамъомадҳои гирду атроф ҷамъ мешуданд, то ки дар минтақаашон мавъиза кунанд. Боре, вақте ки воизонро ба ҳабс гирифтанд, онҳо чунон бисёр буданд, ки кормандони давлат намедонистанд, ки чӣ кор кунанд. Ба туфайли қурбониҳои бародаронамон имрӯз мо бе душворӣ рӯзҳои якшанбе мавъиза карда метавонем. Оё мо ин қурбониҳои кардаи онҳоро қадр мекунем?
3. Барои чӣ рӯзи якшанбе барои мавъиза рӯзи хуб мебошад?
3 Рӯзи олиҷаноб барои мавъиза кардан. Бисёр одамон рӯзҳои якшанбе дар хона мебошанд. Дар ин рӯз онҳо аллакай каме истироҳат кардаанд. Ҳамчунин дар ин рӯз баъзе масеҳиён майли бештари дар бораи Худо сухан гуфтанро доранд. Агар вохӯрии мо рӯзи якшанбе бошад, сару либосамон аллакай барои мавъиза мувофиқ аст, барои ҳамин хуб мебуд, ки пеш ё баъд аз вохӯрӣ ба хизмат равем. Агар лозим бошад, бо худ каме чизи хӯрданӣ гиред.
4. Агар мо як қисми рӯзи якшанберо барои хизмат сарф кунем, чӣ гуна хурсандиро ҳис хоҳем кард?
4 Агар мо як қисми якшанберо барои хизмат истифода барем, бароямон ба ҳар ҳол барои истироҳат кардан вақт мемонад. Ва ин истироҳат ба мо қаноатмандие мебахшад, ки онро аз хизмати муқаддас гирифта будем (Мас. 19:23). Ва ҳатто метавонем шахсеро мисли Лидия ёфта, хурсандиамонро зиёдтар гардонем.