ካብ መጽሓፍ ዮናስ ዚርከብ ትምህርቲ

የሆዋ ንትምህርትና ኢሉ ታሪኽ ህይወት እሙናት ዝዀኑ ሰብኡትን ኣንስትን ኣብ ቃሉ ኸም ዝጸሓፍ ገይሩ እዩ። (ሮሜ 15:4) ካብ መጽሓፍ ዮናስ እንታይ ተማሂርካ፧ ነታ ኣምልኾ ስድራ ቤት፦ ዮናስ—ካብ ምሕረት የሆዋ ተምሃር ዘርእስታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• ኣብዛ ቪድዮ ኸም ዝረኣኻዮ፡ እቶም ሰለስተ ኣስፋሕቲ እንታይ ጸገማት እዩ ኣጋጢምዎም፧

• ተግሳጽ ምስ ዚውሃበና ወይ ድማ ፍሉይ መሰል ኣገልግሎት ምስ እንስእን፡ መጽሓፍ ዮናስ ብኸመይ ከተተባብዓና ትኽእል፧ (1ሳሙ 16:7፣ ዮና 3:1, 2)

• ዛንታ ዮናስ፡ ኣብ ክልና ብዛዕባ ዘለዉ ሰባት ኣወንታዊ ኣረኣእያ ኸነማዕብል ኺሕግዘና ዚኽእል ብኸመይ እዩ፧ (ዮና 4:11፣ ማቴ 5:7)

• ሕዱር ሕማም ምስ ዜጋጥመና ተመክሮ ዮናስ ኬጸናንዓና ዚኽእል ብኸመይ እዩ፧ (ዮና 2:1, 2, 7, 9)

• ካብዛ ቪድዮ እዚኣ፡ መጽሓፍ ቅዱስ ምንባብን ምስትንታንን ብዛዕባ ዘለዎ ጥቕሚ እንታይ ተማሂርካ፧