“ሽማግለታት ክትሸይም”

ቲቶ 1:5-9

ቲቶስ ‘ኣብ ከከተማኡ ሽማግለታት ኪሸይም’ ተመዚዙ ነበረ። ኣብዚ ግዜ እዚ፡ ሓለውቲ ወረዳ ኣብ ጉባኤ ሽማግለታት ኪሸሙ ኸለዉ፡ ነቲ ኣብ መጽሓፍ ቅዱስ ተጠቒሱ ዘሎ ኣሰራርሓ እዮም ዚስዕቡ።

ኣመሓዳሪ ኣካል

ኣመሓዳሪ ኣካል ነቲ ኣብ ቀዳማይ ዘመን ዝነበረ መስርሕ ብምስዓብ፡ ንሓለውቲ ወረዳ፡ ሽማግለታትን ኣገልገልቲ ጉባኤን ኪሸሙ ኸቢድ ሓላፍነት ብሓደራ ሂብዎም።

ሓላውቲ ወረዳ

ነፍሲ ወከፍ ሓላው ወረዳ ነቶም ብሽማግለታት ዝቐረቡሉ ሕጹያት ብጥንቃቐን ብጸሎትን ምስ ሓሰበሉ፡ ድሕሪኡ ነቶም ብቑዓት ዝዀነ ይሸሞም።

እተሸሙ ሽማግለታት

ሽማግለታት ምስ ተሸሙ እውን ከይተረፈ፡ ነቲ ቕዱስ ጽሑፋዊ ብቕዓታት ንምምላእ ብቐጻሊ ኺጽዕሩ ይግብኦም።