29 Fa nen ner Yehova na ne Iyange i Memen.+ Ka nahan ve a lu nan ne kwaghyan u ayange ahar sha iyange i sha ataratar la ye. Hanma or nana lu ape nan lu la; or môm nana de undun ijiir i nan sha iyange i sha utaankaruhar la ga.”

8 “Umbur Iyange i Memen la sha er u tsegha i yô.+ 9 Er ityom you cii ken ayange ataratar,+ 10 kpa iyange i sha utaankaruhar la yô, ka Iyange i Memen i Yehova Aôndo wou. De eren ma tom sha i ga, we shin wan wou u nomso shin wan wou u kwase shin kpan wou u nomso shin kpan wou u kwase shin zendenya wou shin shiror u nan va tem hen ijiir you* la kpaa ga.+ 11 Gadia Yehova yange gba sha man tar man zegemnger kua akaa a a lu shin ve cii, ken ayange ataratar, sha iyange i sha utaankaruhar la yô, a gba memen.+ Ka nahan ve Yehova ver Iyange i Memen la doo doo, shi tsegha i kpaa ye.

12 “‘Kuran Iyange i Memen sha er u tsegha i yô, vough er Yehova Aôndo wou a kaa u nahan.+ 13 Er ityom you cii ken ayange ataratar,+ 14 kpa iyange i sha utaankaruhar la yô, ka iyange i memen i Yehova Aôndo wou.+ De eren ma tom sha i ga,+ we shin wan wou u nomso shin wan wou u kwase, shin kpan wou u nomso shin kpan wou u kwase, shin bua wou shin jaki you shin ma zendenya wou, shin shiror u nan va tem hen agar a ou* la kpaa ga,+ sha er kpan wou u nomso man kpan wou u kwase vea mem a we imôngo yô.+