4 Ieev vev ka azurufa man zanaria,

Tom u ave a ior.+

 5 Mbi a zwa kpa mbi lamen ga;+

Mbi a ashe kpa mbi nengen ga;

 6 Mbi a ato, kpa mbi ongo ga;

Mbi a ahenga kpa mbi ongo ihyumakwagh ga;

 7 Mbi a ave kpa mbi peven sha kwagh ga;

Mbi a angahar kpa mbi zenden ga;+

Imo kpa ngi dugh ken gôngor u mbi ga.+

 8 Mba ve gbe mbi la vea hingir vough er mbi nahan,+

Kape hanma or u nan suur sha mbi kpaa nana hingir je la.+

 9 Mba ve gban ieev la cii mba kwagh ga,

Shi akaa a ve a a doo ve ishima la, aa lu ve a iwasen ga.+

Hide mbashiada vev yô, mba* nengen a kwagh ga shi ve fa kwagh môm kpaa ga,+

Nahan a hee mba ve er ve la.+