Pasalami
Sha ci u orhemen u mbawanatsam. Ka icam i Davidi.
2 A due a mo shin ihyungwa i mngerem ma lu toron shimi yô,
Kua shin angbiôr a lyemen.
A verem angahar sha vande;
A na angahar a am tile dông.
3 Maa a na zwa wam dugh icam i he,+
I wuese Aôndo wase.
Ior kpishi vea nenge, ihindi a ta ve iyol,
Vea suur sha Yehova.
4 Saan or u nan suur sha Yehova la iyol,
U nan veren ashe hen ior mba hemban ato shin mbaicughugh* ga la.
Kwagh môm ngu u a fatyô u karen un sha a we ga.+
Aluer m nôngo mer me pase shin me ôr kwagh u i kpaa,
Ia ngee a gande u ôron!+
U sôn iniav mbi nanden kua iniav mbi isholibo ga.+
7 Tsô m kaa mer: “Nenge, m va.
I nger kwagh wam ken ihyurenruamabera.*+
9 M pase loho u dedoo u perapera hen atô u zegemkohol.+
Nenge, m kusu zwa wam ga,+
Er we Yehova u fe dedoo nahan.
10 M cir perapera ken ishima yam ga.
M pase kwagh u mimi wou man myom wou.
M pase zegemkohol dooshima wou u been ga la kua mimi wou, m yer ga.”+
11 Yehova, de nyumen mo mhôônom ou ma zungwen ga.
Dooshima wou u been ga man mimi wou ma ve kuran mo hanma shighe.+
12 Mbamzeyol mba ve kasem la ngee gande u ôron.+
Aferakaa a am tserem je m kera fatyô u nengen a gbenda wam ga;+
A ngee je hemba ice i sha ityough yagh,
Nahan m yina ishima.
13 Yehova, ma u kegh iyol u yiman mo.+
Yehova, va fese va wasem.+
14 Mba ve keren mo a ku la cii
Ve̱ va ahenge shi ve̱ ya kunya.
Mba ka i doo ve u kwagh a tserem la kpaa
Ve̱ hide ijime a ihyeen iyol.
15 Mba ve kaan a mo ér: “Enhen! Enhen!” la,
I kondo ve iyol sha ci u ihyeen ve.
Mba myom wou a doo ve ishima la cii ve kaan ér:
“Yehova a̱ hemba tseer tseer.”+
17 Kpa m ngu a orwasen ga, shi m ngu icanor;
Yehova ma a kegh ato a mo.