Pasalami

103 Uma wam a wuese Yehova;

Hanma kwagh u a lu ken a mo cii a wuese icighanti na.

 2 Uma wam a wuese Yehova;

Ma kwagh môm ken akaa a a er la cii a de hungur mo ga.+

 3 Ka a de u a akaabo a ou cii+

Shi a bee u iangev cii kera;+

 4 Ka a dugh uma wou shin ihyungwa* kera+

A cir u dooshima na u a been ga la, man mhôônom ma zungwen sha ityo.+

 5 Ka a iv u a akaa a dedoo+ ken uma wou cii,

Nahan iyev ou mbu za hemen u lun hegh er ka igyuve yô.+

 6 Mba i kighir ve la cii+

Yehova eren kwagh a ve sha perapera+ man sha mimi.

 7 A pase Mose igbenda na,+

Man aeren a na kpaa hen ônov mba Iserael.+

 8 Yehova zungwen mhôônom shi kunya ngu ker un a ior,+

Vihin ishima fele ga, shi tesen dooshima wuee.+

 9 Una zer keren mshi ga,+

Shi ishima ia vihi un gbem kpaa ga.+

10 A tsaha se sha asorabo a ase ga,+

Shi a kimbi se injar i i kom sha akaabo a se er la kpaa ga.+

11 Er usha ve tav i kar tar i yem ica nahan,

Kape dooshima na a mba ve cie un la kpaa a kehe je la.+

12 Er ityoughkitaregh ki gbe ica a ityôtar nahan,*

Kape a pav asorabo a ase a kende ica a vese la.+

13 Er ter ka a zungwe ônov nav mhôônom nahan,

Kape Yehova kpa a zungu mba ve cie un la mhôônom je la.+

14 Gadia a fa mlu wase tsembelee,+

Ka a umbur er se lu vuulevu yô.+

15 Orumace yô, ayange a nan nga er toho nahan;+

Ka nan hôm er ikparen i ken toho yô.+

16 Kpa ahumbe ka aa karen yô, i kera lu ga,

I lu inja er yange i vande lun sha won ga nahan.*

Ngu zan zan gbem sha won,*+

Perapera na kpaa ngu zan zan sha ônov mba ônov vev je,+

18 Sha mba ve we ikyuryan na ikyo+

Man sha mba ve ver ishima zulee sha u kuran atindi a na la kpaa.

19 Yehova tim ikyônough ki torough nagh sha usha, ki dông;+

Hementor na kpaa, ngu sha hanma kwagh cii.+

20 Wuese nen Yehova, ne mbatyomov nav cii,+ ne mbaageev,

Mba ne eren sha kwaghôron na,+ ne ongo imo na la.*

21 Wuese nen Yehova, ne akum a na cii,+

Ne mbatomov nav mba ne eren ishima na la.+

22 Wuese nen Yehova, ne ityom na cii,

Sha ajiir a a hemen cii.