Pasalami

 2 Ôô akaabo a am kera cica cii,+

Shi wanger mo sha isholibo yam.+

 3 Gadia m fa akaabo a am tsembelee,

Shi isholibo yam ka i lum sha ishi* hanma shighe cii.+

 4 Ka we m er u isholibo ye—ka we jighilii;*+

M er kwagh u a lu u bo sha ishigh you yô.+

Nahan u lu perapera zum u u ôr kwagh yô,

Shi u ngu a ishô sha ijirôron you.+

 5 Nenge, i marem ken ifer,

Ngôm wa iyav av ken isholibo je.*+

 6 Nenge! Mimi u ken atô u ishima i or la doo u;+

Tese ishima yam kwaghfan u mimi.

 7 Ôô isholibo yam sha hisop sha er me hingir wang yô,+

Kirem sha er me kungu me hemba senou yô.+

 8 Na m ungwa amo a iemberegh man a msaanyol,

Sha er a saan akuhe a u hembe a la iyol yô.+

 9 Gema ishigh you sha asorabo a am kera,*+

Shi ese* aferakaa a am cii kera.+

10 Gba ishima i wang ken a mo, Aôndo,+

Wa jijingi u he u lun taveraa ken a mo.+

11 De zendan mo sha ishigh you kera ga;

De ngohol icighan jijingi wou hen a mo kera ga.

12 Hidem a iember i myom wou;+

Na m lu a ishima i ungwan imo you.*

13 Me tese mba eren akaabo igbenda you,+

Sha er mbaasorabo vea hide hen a we yô.

14 Yimam sha iboawambe kera,+ Aôndo, we Aôndo u myom wam;+

Sha er nombor wam ua pase perapera wou saan saan yô.+

15 Yehova, bugh ityumbujôôgh yam,

Sha er zwa wam ua wuese we yô.+

16 Gadia ka nagh u soo ga—gayô ma m ne u;+

Ka saan we iyol a nagh ku nanden ku jimin kpaa ga.+

17 Nagh ku Aôndo a lumun yô, ka jijingi u zamber kwagh;

Ishima i zamber i i ure yô, Aôndo, u venda* i ga.+

18 Er kwagh u dedoo a Shion sha erdoo wou la;

Maa ugir mba Yerusalem.

19 Nahan a saan we iyol a iniav mbi perapera,

Kua iniav mbi nanden man iniav mbi jimin;

A na nagh sha atse ou a nanden nagh a anomabua.+