Pasalami
Ka icam i Davidi.
141 Yehova, m yila u.+
Va fese va wasem.+
Kegh ato a mo zum u m yila u yô.+
2 Msen wam ma a lu er ka insensi+ u i ve a mi sha ishigh you nahan,+
Ave a am a kenden sha kpaa
A̱ lu er ka nagh ku sha samuyia ku i ne aikighe nahan.+
3 Ver orkuran sha zwa wam, Yehova,
Ver orkuran sha ihinda i akurazwaagh a am.+
4 De den ishima yam i goom i yemen sha kwagh u bo,+
Sha er me za hingir u eren akaabo a mbaaferev imôngo ga yô;
Ma m ye akaayan a ve a dedoo la mayange ga.
5 Aluer orperapera nana gbidyem yô, a lum dooshima u been mayange ga;+
Aluer nan zôhô a mo kpaa, a lum er i haam mkurem sha ityo nahan,+
Ityough yagh kia venda ma ga.+
Me za hemen u eren msen her zum u kwagh a tser nan je kpaa.
6 Er i daa mbaajiriv mba iorov sha kur i kende shin ijem nahan kpa,
Ior vea kegh ato a mkaanem am her, gadia ma doo.
7 Er or ka nan hembe akpoghoranyaagh shighe u nan lu kahan kwagh nahan,
Kape i hembe akuhe a ase hen zwa u Uwaregh* je la.
8 Kpa m ver ashe hen a we, we Yehova Ter u Hemban Cii.+
Ka hen a we m yer ye.
De tee uma wam kera ga.*
9 Kuram sha zwa u kwagh u ve hônom la,
Sha akaahônon a aferaior.
10 Mbaaferev vea hide a gba ken ukper vev ayol a ve+
Kpa mo yô me kar bem bem.