Orpasenkwagh

12 Sha nahan yô, umbur U Hemban Cii u a gbe u la sha ayange a iyev ou,+ shighe u ayange a ican* a lu a va ga,+ shi anyom a u va kaa wer: “Kera gbam ishima ga” la kpaa a lu a va ga la; 2 cii man iyange man iwanger man uwer man asan cii vea wa ime,+ shi abeen kpa aa hide a kohol shighe u ura u nôô kera la;* 3 sha iyange i mbakuranya vea lu kunden,* shi ior mba taver agee kpa vea ngurum, kasev kpa vea de kwaghwuan sha ci u ve kera vese iyenge ga, shi kasev mba nengen sha uwindou kpaa ime ia wa ve la;+ 4 zum u a wuhe ihinda i duen sha gbenda, iov i nase kpa ia pande, shi imo i inyon kpa ia lu nderen ior, shi amo a ônkasev mba wan atsam kpa aa gba kurkur la.+ 5 Heela tseegh ga, or ka nan cian ajiir a taven, shi akaa a cieryol a lu sha godobi. Kon u amondi kpaa u kpar,+ shi ahungwa kpa a shalegh a yemen zumbee zumbee, isharen i yan kwagh kpa i kera lu ga,* sha ci u or ngu zenden yemen hen ya u nan u tsôron,+ shi mbavaanku kpa mba zenden sha godobi;+ 6 cii ve kor u azurufa ua tôndo, shi gbande u zanaria kpa una hembe vughô vughô, ityegh ki hen imbormnger kpaa kia hembe, shi ikyaver i ikyekye i tsuen mngerem shin ijôr kpaa ia hembe la. 7 Maa vuulevu u hide u yem hen inya,+ vough er yange vande lun nahan, jijingi* di a hide a yem hen Aôndo u mimi u yange na un la.+

8 “Ka gbilinkwagh u hemban agbilinakaa cii!” kape orpasenkwagh a kaa la.+ “Hanma kwagh cii ka gbilinkwagh.”+

9 Orpasenkwagh lu di a kwaghfan tseegh tsô ga, kpa a za hemen u tesen ior kwagh u a fe la,+ a hen sha akaa zulee shi a tôv sha akaa vighe vighe, sha er una kohol anzaakaa kpishi yô.+ 10 Orpasenkwagh yange ker u zuan a mkaanem ma doon ungwan,+ shi a nger akaaôron a mimi a vough.

11 Mkaanem ma mbafankwagh ma er ka igbough i horon ijô nahan,*+ akaaôron a ve kpaa nga er ukusa mba i mande sha kwagh i taver nahan; a due hen orkuran môm. 12 Dugh akaa ne sha yô, wan wam, wa ikyo: Ityakeda i ngeren kpishi yô ngi a ikighir ga, man u nan ishima sha mi kpishi la ka a na i tume or iyol.+

13 Ka mkur u hanma kwagh u i ongo cii je ne: Cia Aôndo u mimi la+ shi kuran atindi a na,+ gadia ka cii kwagh u i gbe u orumace nana er je ne.+ 14 Gadia Aôndo u mimi la una ôr ior ijir sha hanma kwagh u ve eren cii, kua akaa a i yer a la kpaa, sha er a lu a dedoo shin a bo kpa a fa yô.+