Duteronomi

19 “Zum u Yehova Aôndo wou una tim akuraior a Yehova Aôndo wou a lu nan we tar u a la, shi u zenda a kera, u tema ken agar a ve kua uya vev yô,+ 2 tsua agar atar ken tar wou u Yehova Aôndo wou a lu nan we ér we u tema ker la.+ 3 Pav tar u Yehova Aôndo wou a lu nan we ér we u tema ker la avegher atar, shi sôr igbenda tsembelee, sha er zum u or nan woo or yô, nana fatyô u yevese za tan ken môm ken agar shon yô.

4 “Nahan, ka kwagh u una za hemen shighe u or u nan woo or la nan yevese nan za te ker sha er nana war je ne: Aluer nan wua or la ka sha apera ga, shi nan vande kôron nan ihyom ga,+ 5 er zum u nan ze ken ikyô vea nan u za taven ikyon, man nan kende ijembe ér nana gber kon, maa gbengerjembe la u tsua sha hondo kera u za tume or shon nan kpe nahan yô, orwuanor la nana yevese nana za ta ken môm ken agar ne nana war.+ 6 Gayô, ishima a vihi or u oron iyev i awambe la,+ nana zenda or u nan woo or la, nana za kôr nana wua, sha ci u gar la gba ica ngee gande. Nahan kpa nan kuma ku ga, sha ci u nan vande kôron orgen la ihyom ga.+ 7 Ka nahan ve m lu kaan a we mer: ‘Tsegha agar atar’ ye.

8 “Yehova Aôndo wou una gbanger a tar wou er yange bum a uter ou nahan,+ shi una na u tar u yange tôndo zwa ér una na uter ou la cii+ 9 —kpa saa u kuran atindi a m lu wan we nyian ne cii sha mimi, Yehova Aôndo wou una doo u ishima, shi u zenden sha igbenda na hanma shighe cii ve una er kwagh ne ye+—nahan zum u una gbanger a tar wou yô, seer agar atar sha a atar agen la.+ 10 Nahan a kera haa awambe a ishôôgh inya+ ken tar wou u Yehova Aôndo wou a lu nan we ér u lu dyako wou la ga, shi u lu a iboawambe kpaa ga.+

11 “Kpa aluer or kôr orgen ihyom,+ man nan ngu za keghen nan sha gbenda ér nana ta num sha nan, man nan vihi nan iyol kehelee nan kpe, man or u a woo or la yevese yem ken môm ken agar ne yô, 12 mbatamen mba hen gar u nan ve tindi i za va a nan, i va na nan sha ikyev i or u oron iyev i awambe la, nana kpe kpee.+ 13 Kunya u de kôron we* a nan ga, kar a ibo i awambe a orishôôgh hen Iserael kera,+ sha er kwagh a za a we a doo yô.

14 “Zum u u ngohol dyako wou ken tar u Yehova Aôndo wou a lu nan we ér we u tema ker la yô, de karen a ikyav i ndor u orwanndor a we+ hen ijiir i yange uter mba ngise ver akighir la kera ga.

15 “A lu nyityô kwaghbo shin isholibo or nan er kpa, i de kur nan ijir* sha shiada u or môm tseegh ga.+ I lu shiada u iorov* uhar shin shiada u iorov utar a wanger kwagh ye.+ 16 Aluer or er shiada u ifer sha orgen, nan kaa ér or shon er kwaghbo yô,+ 17 iorov mba uhar mba kwagh a zough ve la ve va tile sha ishigh ki Yehova, man sha ishigh ki upristi man mbaajiriv mba vea lu hen shighe shon la.+ 18 Mbaajiriv mbara ve tôv sha kwagh la tsembelee.+ Aluer or la er ka shiada u aiegh, a wa a wa anngô na kwagh iyol yô, 19 er nen a nan vough er nan we ishima u bulan anngô u nan la nahan;+ nahan dugh iferkwagh her atô wou kera.+ 20 Mba ve shi her la vea ungwa, mciem ma a gba ve iyol, nahan mayange vea kera er imba iferkwagh ne ken a we ga.+ 21 Mhôônom ma de kôron we ga.*+ Uma a za sha uma, ishe sha ishe, inyigh sha inyi, uwegh sha uwe, nguhar sha nguha.+