Orpasenkwagh

9 Tsô m hen sha akaa ne cii ken ishima, nahan m mase kuren mer mbaperapera man mbafankwagh cii mba sha ikyev i Aôndo u mimi la, kua ityom ve kpaa.+ Ior mba fe kwagh u dooshima man ihyom i yange i za hemen cii ve i mar ve la ga. 2 Hanma or cii ka kwaghmôm una er nan ye,*+ orperapera man iferor,+ or u dedoo man or u wang man or u lun wang ga kpaa, mba nan nagh man mba ve lu nan nagh ga cii. Or u dedoo nan ngu kwaghmôm a orisholibo; or u bumun kpaa, nan ngu kwaghmôm a or u nan gbe bumun dang dang ga la. 3 Ka kwagh u ka a za hemen shin tar u a ze ior iyol kpishi je ne: Er ior cii ve lu a mkur môm yô,*+ ishima i uumace i iv a kwaghbo; shi ihundugh ka ki lu ken ishima ve shighe u ve lu uma la, maa ve kpe kera!

4 Or u nan lu uma a mbaumav imôngo cii nan ngu a ishimaverenkeghen, sha ci u iwa i uma hemba begha u kpen.+ 5 Gadia mbaumav fa er vea va kpe yô,+ kpa mbakpenev yô ve fa ma kwagh ga,+ shi kera mba a injar kpaa ga, sha ci u i hungur a ve gbindigh gbindigh.+ 6 Shi dooshima ve man ihyom ve i kôron kua iyuhwe ve cii saa ishe, kera mba a kwar môm ken kwagh u i eren shin tar ga.+

7 Yô za ya kwaghyan wou a iember, shi ma wain wou a ishima i saan saan,+ gadia vande saan Aôndo u mimi la iyol a ityom you.+ 8 Hanma shighe yô, akondo a ou a kungu,* shi de hungur u shighen mkurem shin ityo ga.+ 9 I saan we iyol vea kwase wou u doon we ishima,+ ken ayange a ou a gbilinigh a A ne u shin tar la, ayange a ou a gbilinigh la cii. Gadia ka kwar wou* ken uma man ken tom wou u sha ican u u eren kpoghuloo shin tar la je la.+ 10 Hanma kwagh u uwegh ough ku zough a mi u eren yô, er un sha agee a ou cii, gadia ma tom shin mhen shin mfe shin kwaghfan mba shin Uwar*+ hen ape u lu zan la ga.

11 M nenge a kwagh ugen kpaa shin tar, ka hanma shighe cii or u fefa nan hembe ayem ga, ka hanma shighe orageegh nan hembe ityav kpaa ga,+ shi ka hanma shighe cii or u fan kwagh nan zough a kwaghyan ga, or u bughun ashe kpaa ka hanma shighe nan zough a inyaregh ga,+ shi ka hanma shighe or u lun a mfe kpa nan ze ikyura ga,+ sha ci u shighe man akaa a van aburabur* nga ve sha a ve cii. 12 Gadia orumace fe shighe u nan ga.+ Er ka i kôr ishu ken bokper shi i kôr inyon ken kwaghhônon nahan, kape ônov mba iorov kpaa ka i kôr ve sha shighe u ican* je la, zum u i ve sha a ve aburabur yô.

13 Shi m nenge a kwagh ugen sha kwagh u kwaghfan shin tar u a kpiligh mo iyol yô: 14 Angar ugen lu a ior ker kpuaa, maa tor u ageegh ugen va u va tan ityav sha mi, a kase un a wa un zegeigyar i utya. 15 Icanor ugen u fan kwagh gema lu ker, u yima gar la sha kwaghfan na yô, kpa or môm kera umbur icanor la ga.+ 16 Nahan m kaa a iyol yam mer: ‘Kwaghfan hemba agee;+ nahan kpa kwaghfan u icanor yô ka i laha un, shi mba we mkaanem ma nan ikyo kpaa ga.’+

17 Guda u ungwan mkaanem ma kundu kundu ma orfankwagh a mbamnande mba or u a lu hemen abumeaior la.

18 Kwaghfan hemba ikyav mbi utyaav, kpa orisholibo môm tseegh kpa ka nan vihi akaa a dedoo kpishi.+