Mpase u Hen Yohane
21 Tsô m nenge a sha u he man tar u he;+ gadia sha u tse man tar u tse la kar kera,+ shi zegemnger+ kera lu ga. 2 Shi m nenge a icighangar, ka Yerusalem u He je la, due sha, hen Aôndo, lu senen,+ i wuha un iyol er ka kwasehe u i wuhu nan iyol sha ci u nom u nan nahan.+ 3 Tsô m ungwa imo due hen ikyônough ki torough kira genger genger, kaa ér: “Nenge! Tenti u Aôndo ngu hen atô u uumace, una tema a ve imôngo, vea lu ior nav. Aôndo iyol na una lu a ve.+ 4 Una ese ve mliam sha ashe kera cii,+ ku ua kera lu ga,+ shin ijungwen shin mliam shin mnyoon kpaa ga.+ Akaa a tse la kar kera.”
5 Un u a tem sha ikyônough ki torough la+ kaa ér: “Nenge! M ngu eren akaa cii hingir a he.”+ Shi a kaa ér: “Nger kwagh ne, gadia mkaanem man ma kuma u nan ma jighjigh, shi ka ma mimi.” 6 Shi a kaa a mo ér: “Akaa ne hingir mimi ve! Mo m ngu Alefa man Omega,* mhii man mkur.+ Or u imura i ker nan cii, me na nan mngerem ma shin imbor* i mngerem ma uma la gbilin.+ 7 Man or u nan hembe yô, me na nan dyako sha akaa ne, shi me lu Aôndo u nan, nan di nana lu wan wam. 8 Kpa mbaciankwagh man mba ve ban a jighjigh u nan,+ man mba ve ndôhôrshima sha hôngor ve, man mbawuanior+ man mbadyarev*+ man mba eren kwagh a ujijingi mba bov man mbacivirakombo man mbaerenaie cii,+ ka ber u a lu yeghen usu man sulfur la a lu keghen ve ye;+ ka ku u sha uhar je la.”+
9 Môm ken mbatyomov mba utaankaruhar mba ve lu a agbande, atsan ataankarahar a masetyô iv shimi poo poo la,+ va kaa a mo ér: “Va, m tese u kwasehe, kwase u Waniyôngo.”+ 10 Tsô a tôôm sha tahav mbu jijingi, a yem a mo sha uwo u taven tsung, a za tesem icighangar, ka Yerusalem je la, due sha hen Aôndo, lu senen+ 11 a iengem i Aôndo.+ A engem er ka iwen i injaa i hemban cii nahan, lu er ka iwen i yasepa nahan; engem shi nenge tsura er ka krista yô.+ 12 Girgar na lu civirii shi tav sha geng, shi lu a ihindagar 12, mbatyomov 12 lu sha ihindagar la, shi i nger ati a uipyaven mba 12 mba ônov mba Iserael la sha ihindagar la. 13 Vegher u sha ityoughkitaregh la, ihindagar lu itiar, vegher u ken imbusutarimese la kpa ihindagar lu itiar, shi vegher u ken imbusutariyan la, ihindagar lu itiar, vegher u shin ityôtar la kpa ihindagar lu itiar.+ 14 I wa girgar la ityô sha awen 12, i nger ati a 12 a mbaapostoli mba 12+ mba Waniyôngo mbara sha mi.
15 Nahan un u lu ôron kwagh a mo la kôr aga u karen kwagh a mi u sha zanaria sha uwe, sha u una kar gar la, kua ihindagar na man girgar na.+ 16 Gar la lu azongo anyiin, kehe kpishi, iniembe na man igbanger na lu kwaghmôm. Tsô a kar gar la sha aga la, lu er ukilomita 2,220* nahan; iniembe na man igbanger na kua ityaven na cii lu kwaghmôm. 17 Shi a kar gir* u gar la, lu aseva 144,* sha ikyaren i orumace, kua sha ikyaren i ortyom kpaa. 18 I maa girgar la sha awen a yasepa,+ gar la lu u sha zanaria u wang, er ka gelase u engem* nahan. 19 I wa girgar la ityô sha hwe, sha hanma inja iwen i injaa cii: iwen i hiihii lu yasepa, i sha uhar lu safir, i sha utar lu casedoni, i sha unyiin lu emeradi, 20 i sha utaan lu sadoni, i sha ataratar lu sadiu, i sha utaankaruhar lu krisolati, i sha anigheni lu beri, i sha utaankarunyiin lu topashi, i sha pue lu krisoperase, i sha puekarmôm lu haisenti, i sha puekaruhar lu ametese. 21 Shi ihindagar i 12 la lu utagbede 12; hanma hundagar yô, i er u sha tagbede môm. Shi gbenda u vesen ken gar la lu zanaria u wang, lu er ka gelase u nengen tsura nahan.
22 M nenge a tempel ker ga, sha ci u ka Yehova* Aôndo u Hemban Agee Cii a lu tempel na ye,+ shi Waniyôngo kpa ka tempel na. 23 Shi ityôkyaa lu i iyange shin uwer vea ta iwanger ken gar la ga, sha ci u iengem i Aôndo mondo iwanger ker,+ shi imenger i gar shon lu Waniyôngo.+ 24 Shi akuraior aa zenden sha iwanger i gar shon,+ shi utor mba sha tar vea nyôr a iengem ve ker. 25 Mayange a wuhe ihindagar na atetan ga, sha ci u tugh mbua lu ker ga.+ 26 Shi a va nyôr a iengem man icivir i akuraior ker.+ 27 Kpa ma kwagh môm u hôngorough una nyôr ker mayange ga, kua or u nan eren kwagh u ndôhôrshima man u aiegh cii;+ ka mba i nger ati a ve ken ihyurenruamabera u uma u Waniyôngo la tseegh vea nyôr ker ye.+