Pasalami
Icam i tseghan iyou. Ka icam i Davidi.
2 Yehova Aôndo wam, m vaa a we, nahan u beem angev.+
3 Yehova, u due a mo* shin Uwar* kera,+
U na m ngu uma her, u kuram sha er me sen shin ihungwa* ga yô.+
4 Wa nen icam* wuese nen Yehova, ne mbacivir un sha mimi,+
5 Sha ci u vihin ishima a or sha anshighe kpuaa tseegh,+
Kpa ka una lumun or yô, i lu sha ayange a uma u nan cii.+
Alaghga a vaa aikighe, kpa sev a aven yô, a lu iember.+
6 Shighe u kwagh lu a zam iyol ga la, m kaa mer:
“Mayange me tenger ga.”*
7 Yehova, shighe u doo u a mo la, u erem m taver er ka uwo nahan,+
Kpa u va yeren ishigh you yô cier mo iyol.+
8 Ka we Yehova m zer yilan ye.+
M zer zamber Yehova mer i doo un a mo.
Aluer m yem shin ihyungwa* yô, a lu a inja sha nyi?+
Vuulevu ua wuese wee?+ Ua ôr kwagh u mimi wouwee?+
10 Ungwam, Yehova. Zungwem mhôônom.+
Yehova, lu orwasen mo.+
11 U gema ijungwen yam hingir amar a sha iember;
U erem ikyondo i mzungu iyol kera, u gema u haam iember iyol,
12 Sha er me* wa icam, me wuese we, me lu ving ga yô.
Yehova Aôndo wam, me wuese we gbem sha won.