Anzaakaa

 3 De vihin agee a ou sha ukase ga,+

Shi de dondon igbenda i i timin utor la kpaa ga.+

 4 Wain doo sha ci u tor ga, Lemuel wam,

Doo u utor vea maan wain ga,

Shin u mbahemenev vea kaa ér,

“Kwaghman wam ngu hana?”+ kpaa ga.

 5 Sha er vea ma vea hungur a tindi,

Nahan vea hingir u za nzughul a ijir i mbaatsanev ga yô.

 6 Na mba ve lu timin la msôrom ma taver,*+

Mba ve ure kpishi la kpaa na ve wain.+

 7 Ve̱ ma ve hungur ibanave ve;

Ve de kera umbur mbamzeyol vev ga.

 8 Bugh zwa ôr kwagh sha ci u mba ve lamen ga la;

Nôngo kwagh sha ci u mba ve lu timin la kpaa.+

 9 Bugh zwa ôr ijir sha perapera;

Nôngo kwagh sha ci u* mbaibanave man mbaatsanev.+

11 Nom na na un jighjigh a ishima na i môm,

Kwagh môm u injaa ban nom na ga.

12 Kwase na ka a er a na doo doo, eren un kwagh u vihin ga,

Ken ayange a uma na cii.

13 Ka a za zua a aive man mou;

Ka i saan un iyol u eren tom sha ave a na.+

14 Ngu er ka utso mba mbakasuav nahan,+

Ka a va a kwaghyan na ica je.

15 Ka a nder er sev mbu lu a wanger ga la je,

A na ya na kwaghyan

Shi a na ikpan na i ukase ci ve.+

16 Ka a ver ishima sha sule ugen, shi a yam u;

Ka a lôô sule u wain sha iusa na.*

17 Ka a wa iyol u eren tom u taver,+

Shi a taver ave a na kpaa.

18 Ka a nenge er kasua na a lu van un a mtsera yô;

Imenger na i pirin tugh ga.

19 Ave a na ka a kôr gura,

Shi akevaveegh a na a kôr majir.*+

20 Ka a naregh akevaveegh a na hen oribanave,

Shi a bugh ave a na hen icanor kpaa.+

21 Ishima ze un iyol sha kwagh u mba hen ya na hen shighe u senou ga,

Gadia mba hen ya na cii mba a akondo a wuhegh.*

23 I fa nom na hen ihindagar tsembelee,+

Hen ape a teman vea mbatamen mba hen tar la imôngo la.

24 Ka a er akondo sha mou u dedoo* a tee,

Shi a teen mbakasuav ikyange.

25 A haa agee man icivir iyol er ka ikyondo nahan,

Ishima te un kwe sha kwagh u ken hemen ga.*

26 Ka a bugh zwa na sha kwaghfan;+

Tindi u erdoo* ngu un sha nombor.

27 Ka a nenge sha tom u hen ya na tsembelee,

Ye kwaghyan u hweev ga.+

28 Ônov nav ka ve mough sha ve wuese un;

Nom na kpaa ka a mough a wuese un.

29 Kasev mba injaav* mba kpishi,

Kpa we u hemba ve cii.

30 Kumashe a fatyô u lun icugh, dooashe kpa una fatyô u karen kera,*+

Kpa kwase u nan cie Yehova yô, ka nan a wuese nan ye.+

31 Na nan injar i tom u nan er la,*+

Shi ityom i nan i̱ wuese nan sha ihindagar.+