Anzaakaa

20 Wain ka orpuunakaa,+ ikyôhô* ka orayôôso;+

Or u ve tsume a nan yô nan ngu a kwaghfan ga.+

 2 Mcieryol u tor ngu er ka kume u begha* nahan;+

Or u nan vihi un ishima ker yô, ka ku nan keren ye.+

 3 Ka kwagh u icivirigh u or palegh ayôôso,+

Kpa hanma ibumeor yô ka nan wa ityough ker.+

 4 Oruhwe kahan tom fam ga,

Nahan nana va zamber kwaghyan hen shighe u sunda, u nana lu a kwagh môm ga la.*+

 5 Mbamhen mba* ken ishima i or mba er mngerem ma zan yô,

Kpa orkavenkwagh yô ka nan kese ma.

 6 Ior kpishi ka ve pase dooshima u ve tese mbagen la ken igbar,

Kpa ka an nana zua a orjighjigh?

 7 Orperapera nan ngu zenden ken mimi u nan,+

Ônov mba nan mba ken ijime kpaa a saan ve iyol.+

 8 Zum u tor a tema sha ikyôn u ôron ijir yô,+

Ka a tsaa iferkwagh cii kera sha ashe na.+

 9 Ka an nana kaa ér: “M kire ishima yam;+

M wanger isholibo yam, m ngu wang” ase?+

10 Myohom ma icughugh man uikyaren mba aiev*

—Akaa ne cii ndôhôr Yehova ishima.+

11 Wanye* je kpa ka i fa nan sha aeren a nan,

Inja i nan ka ia lu wang man vough kpa i fa.+

12 Tough ku ungwan man ishe i nengen

—Akaa ne cii ka Yehova a er a ye.+

15 Zanaria ngu, awen a korali* kpa nga kpishi,

Kpa zwa u pasen kwaghfan yô hemba kan kwagh u injaa.+

16 Ngohol ikyondo i or nan ne sha u ngohol or u nan fe nan ga uwegh la;+

Ngohol kwagh u nan te ityumbu sha ci u kwasetyôtyev* la.+

17 Kwaghyan* u i zough a mi sha icugh yô, ka a nyoho or,

Kpa ken masejime yô zwa u nan u iv a agboghol.+

19 Or u zenden anger ka nan pasen akaamyer;+

Or u ka i doo nan u wan ior zwa iyol* cii, de nyer nongo a nan ga.

20 Or u nan toho ter u nan man ngô u nan yô,

A pir imenger i nan shighe u ime ia wa yô.+

21 Dyako u i hii zuan a mi sha hua yô,

A kera va lu iveren ga.+

22 De kaan wer: “Me or iyev i ifer!” ga,+

Kegh Yehova,+ nahan una yima u.+

23 Myohom ma icughugh* ndôhôr Yehova ishima,

Shi iyôgh ki karen kwagh a mi ki icughugh kpa ki doo ga.

24 Ka Yehova a kôôm angahar a or ye;+

Nahan a er nena ve or a fatyô u kaven gbenda u nana?*

Cii ve nan va mase henen sha kwagh u nan tende zwa sha mi la yô,

Ka kwaghhônon hen a nan.+

26 Tor u fan kwagh ka nan tsaa mbaaferev nan haa,+

Nan unde a ikyaver i ikyekye i shoghor iyiav sha a ve.+

27 Iôôn i or ka imenger i Yehova,

I tôvon mlu u nan u ken atô la.

28 Dooshima u been ga man mimi mba kor tor;+

Ka sha dooshima u been ga la ikyônough nagh ki torough ki lun gbem ye.+

29 Icivir i agumaior ka gbong gbong ve,*+

Urum u mbabeenyol di ka ivu ve.+

30 Agbir man avav nga kember* ifer kera,+

Gbidiv kpaa mbu wanger mlu u or u ken atô la.