Pasalami
Sha ci u orhemen u mbawanatsam. Ka icam i Davidi wanakiriki u Yehova, i a wa a ter Yehova sha iyange i Yehova yima un sha ikyev i mbahyomov nav cii, kua sha ikyev i Saulu la. A kaa ér:+
18 U doom ishima, Yehova, we u u lu agee a am ne.+
2 Yehova ka vande wam man ijiir yam i taver, shi ka un a yiman mo ye.+
Aôndo wam ka vande wam,+ ka hen a na m yeren ye,
Ngu perutya wam man korough* agh ku myom,* man ijiir yam i yeren i taver.*+
3 M yila Yehova, un u a kom iwuese la,
Nahan a yimam sha ikyev i mbahyomov av.+
6 Shighe u m lu yan ican la, m yila Yehova,
M zer vaan a Aôndo wam mer a wasem.
7 Maa tar gba tenger shi yoghol;+
Atine a iwoogh kunde
Shi tenger hide ken ijime, yem ken hemen, sha ci u i vihi un ishima ker.+
8 Mnyim due un ken ahenga,
Shi usu u timin kwagh due ken zwa na;+
Akaausu a kpenger kpenger due hen a na.
10 A henda cerubi a purugh a va.+
A sen fugh sha akper a jijingi.*+
11 Maa a cir ime iyol,+
Kua mngerem ma wan ime man abeen a uragh,
A kase un er ka ijiir i tsan nahan.+
12 Awombo man aka a yeghen usu due ken abeen,
Ken iwanger i i lu sha ishigh nagh la.
13 Maa Yehova gba duran sha;+
Uhemban Cii la er i ungwa ikyenge na+
Awombo man akaausu a kpenger kpenger lu haan.
15 I nenge a tareghnyaagh u shin ukungwambamngerev;*+
Yehova, u ôr kwagh taver taver shi iôôn due ken ahenga a ou sha agee,+
Nahan amagh a tar due sha won.
16 A sen sha a va kôrom;
A urugh mo a due a mi shin mngerem ma zan.+
17 A yimam sha ikyev i orhyom wam u ageegh,+
Man sha ikyev i mba ve kerem ihyom, mba yange ve hembam agee la.+
18 Ve hendan kwagh a mo sha iyange i kwagh tserem la,+
Kpa Yehova wasem.
19 A due a mo, a nyôr a mo hen ijiir i kwagh a erem ga yô.*
A yimam sha ci u doo un a mo.+
21 Gadia m dondo igbenda i Yehova,
Shi m undu Aôndo wam ga,
Gadia ka iferkwagh je la.
22 Ajiraôron a na cii nga sha ishigh yagh;
Me venda atindi a na ga.
25 Or u nan eren kwagh sha mimi yô, ka u er kwagh a nan sha mimi;+
Or u nan lu a ibo ga yô, u ne nan ibo ga;+
26 Or u nan eren kwagh wang yô, ka u er kwagh a nan wang,+
Kpa or u nan eren kwagh sha mimi ga yô, ka u er kwagh a nan sha kwaghfan.+
28 Gadia ka we Yehova u tsaren imenger yam ye,
Aôndo wam ka a gema ime i i kesem la, i hingir iwanger.+
29 Sha iwasen you yô, me fatyô u tan num sha mbayanishar;+
Shi sha tahav mbu Aôndo yô, me fatyô u unden kpekpe.+
Ngu perutya hen mba ve yeren hen a na cii.+
31 Gadia dugh Yehova kera yô, Aôndo ugen shi ngu kpa?+
Man dugh Aôndo wase kera yô, vande ugen shi ngu je he?+
33 A er angahar a am nga er angahar a iyar nahan;
A erem m tile sha ajiir a taven.+
34 Ka a tsaase ave a am u nôngon ityav;
Ave a am aa fatyô u nerem ada u togula.
36 U gbanger a gbenda sha er me ndyar me kar yô;
Nahan angahar a am aa dorough ga.+
37 Me zenda mbahyomov av me za kôr;
Me hide ga zan zan vea kar timin kera.
38 Me njighe ve sha er vea kera fatyô u moughon sha ga yô;+
Vea gba shin angahar a am.
39 U nam agee a nôngon ityav;
U er mbahyomov av vea gba sha ishigh yagh.+
41 Ve vaa ér i wase ve, kpa or ngu u yiman ve ga;
Ve vaa a Yehova je kpaa, kpa a ungwa ve her ga.
42 Me kume ve vea hingir lueneen er ihyundu i sha ahumbe nahan;
Me tsenda ve kera er angbiôr a sha igbenda nahan.
43 U yimam sha ikyev i vegh vegh u ior.+
U verem me lu orhemen u akuraior.+
Ior mba m fe ve ga yô, vea erem tom.+
44 Vea ungwa a ungwa kwagh wam tseegh kpa, vea er sha imo yam;
Ushirmbaiorov vea va ngurum sha ishigh yagh sha mcie.+
45 Ishima ia kera taver ushirmbaiorov ga;*
Vea due sha ajiir a ve a taver, vea lu gbidyen akarkase iyol.
46 Yehova ngu uma! I̱ wuese vande wam!+
I̱ kende a Aôndo u myom wam sha.+
47 Aôndo u mimi oron iyev sha ci wam;+
Ka a na ior sha ikyev yam.