Pasalami
94 Aôndo u oron iyev, Yehova+
We Aôndo u oron iyev, ma u shi te iwanger!
2 Mough sha, we Orjir u tar cii.+
Kimbi mbamoronyol injar i i kom sha a ve la vough.+
3 Mbaaferev vea hemba a kuma shighe nan je, Yehova?
Een, mbaaferev mban, a kuma shighe nan je?+
4 Ka ve gbaa lamen ôron uzegembaakaav tsô;
Mbaerenakaabo cii mba er kwagh ve ayol a ve sha ihyagh.
5 Mba njighen ior ou, Yehova,+
Mba eren dyako wou ican.
6 Ka ve wua kwasecôghol kua shiror,
Shi ve wua ônov mba ve lu a ter ga la* kpaa.
8 Fa nen kwagh ne, ne mba ne lu a mkav ga ne;
Ne abumeaior, ka hanma shighe jim ne tese ner ne mba a mfe?+
9 Un u a gbe* tough la, una kera ungwa gaa?
Man un u a er ishe la yô, una kera nenge gaa?+
10 Un u a kôôm akuraior la, una kera kôôm or gaa?+
Ka un a ne ior kwaghfan ye!+
11 Yehova fa mbamhen mba iorov,
A fa er ve lu di humbe tsô yô.+
12 Saan or u u kôôm nan la iyol, Yehova,*+
Or u u tese nan tindi wou,+
13 Sha er u na nan mmem ken ayange a ican,
Zan zan a kar timen ihyungwa sha ci u mbaaferev la.+
15 Gadia ijirôron shi ia va hide a lu i perapera,
Nahan mba ve lu a ishima i mimi cii vea dondo i.
16 Ka an nana mough sha sha ci wam u hendan kwagh a mbaafereve?
Ka an nana mough a ta ikyaa a mo u hendan kwagh a mba eren akaabo?
20 Ikyônough ki torough ki ifer kia fatyô u yan ikyar a we,
Er ki lu yeren ken tindi geman eren ifer laa?+
23 Una na aeren a ve a ifer la aa hide sha ityough vegh.+
Ka ifer ve la je una hide a tim ve* a mi ye.