Pasalami
Sha ci u orhemen u mbawanatsam; i̱ wa sha inja i Yedutun.* U Asav.+ Ka icam.
77 Me genger imo me vaa a Aôndo,
Me vaa a Aôndo nahan una ungwam.+
2 Sha iyange i ican tserem la m ker Yehova.+
Tugh kpaa m naregh ave hen a na, m hide a mi ga.*
Nahan kpa m zua a msurshima ga.
4 U kôrom akurashee sha er a lu ivegher yô;
Cier mo iyol, m fatyô u lamen ga.
5 Mbamhen av ka ve yem sha kwagh u ayange a ken ijime la.+
Anyom a a kar ken ijime ica la.
7 Yehova una ta se kera gbem sha wono?+
Mayange una kera zungwe se mhôônom gaa?+
8 Una kera tese se dooshima ga gbem sha wonoo?
Ityendezwa na ia saa gbilin sha ikyov ikyovoo?
9 Hungur Aôndo u tesen se erdoo?+
Shin ishima vihi un je yô a de u zungwen mhôônomo? (Sela)
10 “Kwagh u a zem iyol yô+
Mlu u Uhemban Cii a vese la gema.”*
Saa m̱ zer ôron kwagh nee?
11 Me umbur ityom i Yehova;*
Me umbur ityom you i kpilighyol i ngise ngise la.
13 Aôndo, igbenda you ka i wang.
Ka aôndo u han a kpilighyol er we, Aôndo?+
14 We u ngu Aôndo u mimi u u eren akaa a kpilighyol yô.+
U tese ior tahav ou.+
16 Zegemnger nenge a we, Aôndo;
Zegemnger nenge a we, cier un iyol.+
Aivamnger kpaa gbidye akarkase iyol.
19 Ijiir you i karen lu shin zegemnger;+
Gbenda wou kpaa shin mngerem ma kpishim.
Kpa i fatyô u tôvon avindir a angahar a ou ga.