Yesaia
55 Va nen, ne mba imura i ker ne la cii,+ va nen hen mnger!+
Ne mba ne lu a inyaregh ga la, va nen, va yam nen kwagh ya nen!
Een, va nen, va yam nen wain man atumba+ a inyaregh shio man a kwagh u kimbin sha mi shio.+
2 Er nan ne ze hemen u kimbin inyaregh sha kwagh u a lu kwaghyan ga,
Shi er nan ne vihin akaa a en a ne zough a mi la* sha kwagh u ka a va a mkom ga laa?
Kegh nen ato a mo zulee, shi ya nen kwagh u a doo yô,+
Nahan ne zua a msaanyol kpishi ken kwagh u a lu yôughyôugh jim jim yô.*+
3 Bugh nen ato a en, va nen hen a mo.+
Kegh nen ato, nahan ne za hemen u lun uma,
Maa me ya ikyur i tsôron a ven fese je,+
U zuan sha erdoo u mimi, u m tôndo zwa a Davidi la.+
5 Nenge! U yila ikyurior i u fe i ga yô,
Shi ior mba ken ikyurior i i fe u ga yô, vea yevese a va hen a we
Sha ci u Yehova Aôndo wou,+ un u a lu Icighan u Iserael la,
Gadia una na u icivir.+
6 Ker Yehova hen shighe u a fatyô u zuan a na ne.+
Yila un hen shighe u a lu ikyua ne.+
7 Iferor nana undu gbenda u nan+
Shi or u wan ifer nana undu mbamhen mba nan;
Nana hide hen Yehova, un u a zungu mhôônom la,+
Hen Aôndo wase, sha ci u una de kwaghbo sha gbenda u vesen.*+
8 “Gadia mbamhen av mba kposo a mbamhen enev,+
Shi igbenda yam kpa ngi kposo a igbenda yen,” kape Yehova a kaa la.
9 “Gadia er usha ve hembe taven a tar nahan,
Kape igbenda yam kpa i hembe taven a igbenda yen
Shi mbamhen av ve hembe taven a mbamhen enev la.+
10 Gadia er ura man senou ka ve sen sha, ve haa shin inya,
Ve kera hide ve yem sha ga zan zan ve ndôhôr tar, iyiav mbi mende mbi vese,
Mbi na orlôônyiav samuyia man oryankwagh kwaghyan nahan,
Una hide hen a mo a u eren kwagh shio ga,+
Una er kwagh u a lu sha ishima yam cii a bunde ga,+
Shi kwagh u m tindi un mer a er la, una er un a kure doo doo.
13 Kon u yunipa ua mende sha ityough ki mbaasaa,+
Shi kon u metul ua mende sha ityough ki kon u kuman.
Akaa ne aa na yô, Yehova una za iti,+
Aa lu ikyav i tsôron i ia bee mayange ga yô.”