Pasen Kwagh a Ijiir Yase i jw.org La—“Hingir Ijende i Yehova”

Vegher u jw.org u i yer ér “Atesen a Bibilo” la ngu a anijiir ugen mba yer ér “Hingir Ijende i Yehova.” I ver atsam man uvidio man ngeren mbagenev her. I lu nahan u pase kwagh a anijiir ne vee? Aluer u ngu henen Bibilo a ormaren u nan lu a mbayev mba kiriki yô, u fatyô u tesen nan akaa a i ver hen anijiir ne la. Adooga tsô kwagh ne una mgbegha nan u zan avegher agen kpaa, hen ijiir yase i sha Intanet ne.

Shighe u i lu nan ior Abaver a Tartor Namba 38 la, anmgbian ugen za na kwase ugen trak ne, maa kwase shon hii u ôron her ave ave je. Kwase ne lu a mbayev mba kiriki kpishi, mba trak la doo ve yô. Anmgbian ne maa pase kwase ne kwagh u i nger ker la kpase, shi tese un adereshi u zan hen yase i jw.org la, ken ijime i trak shon. Er kwagh ne doo kwase ne kpishi yô, orpasenkwagh ne bugh hanseeti na tese un kua wan na vidio u Kernen la ugen.

Anmgbian u kwase ugen ôr kwase ugen hen ijiirtom na, u a lu a mbayev mba kiriki yô, kwagh u ijiir yase i sha Intanet ne kua akaa a i ver her sha ci u icombor la. Kwase ne maa za bugh ijiir i jw.org la nenge vea mbayev nav. Shighe kar yô, kwase ne pase anmgbian u kwase la ér yange un za bugh icam i i lu a itinekwagh ér “Preach the Word” la, hen ijiir yase i sha Intanet la, hen vegher u “Hingir Ijende i Yehova” la, nahan mbayev nav mba wan icam ne hen ya ningir.

We kpa nôngo er tom a anijiir u sha jw.org ne i hoghor we, shi danlood ma vidio shin atsam shin ngeren ken mba i ver her la, ken fon wou. Nahan we kpa u wa ago a pasen kwagh a vegher u Intanet ne. Kwagh ne ka ikyagh ki tomov ki injaa ki wasen se u shiren Ter tom je zua ga!​—Aer. 20:19.