3. Ka iniongo i nyi yange i er ken Kana ve Yesu er kwagh u na ior seer emberee?

³ Mbaiserael yange ve fa ér zum u orkwasehe nan hidi a kwase u nan hen ya u nan shin hen ya u ter u nan ken igbar yô, nan er a er ivese je. Vea hiden yô, ve er iniongo, imba i̱ í er kwagh u i̱ ken Yohane 2:1 la nahan. Í gema ivur ne ken Ubibilo mbagen ér: “I er ivese ken Kana.” Kpa ken zwa u yange i hii ngeren Bibilo ker la yô i nger ér, “inionogo i kwasehe.”a (Mateu 22:2–10; 25:10; Luka 14:8) Ivur ne tese wang ér Yesu yange za iniongo igen i ivese i Mbayuda, shi er kwagh u na ior seer ember iniongo shon yô. Kpa kwagh u vesen u i gbe u se fa yô, gbenda u yange i eren ivese sha shighe la kaha kposo a u ior ve eren ivese nyian ne.