-
“Ve Hen Makeranta Ga shi Ve Lu Ior mba sha Kwarkyaa Ga”“Eren Shiada” sha Kwagh u Tartor u Aôndo “Vighe Vighe”
-
-
18. Ka nyi mbahenen mba ken tiônnongo u ken Yerusalem la yange ve er sha u wasen ayol a ve?
18 Yange ica i gba ga je maa tiônnongo u he u ken Yerusalem ne lu a mbahenen hemba 5,000.d Er ve due sha ajiir kposo kposo nahan kpa, ve ‘cii ve lu ishima i môm shi uma ve kpa lu môm.’ Ve lu ken mzough shi ve nôngon u henen kwagh kwaghmôm. (Aer. 4:32; 1 Kor. 1:10) Mbahenen mbara sôn Yehova ér a ver iniôngon ve tseegh ga, ve er kwagh ugen kpaa. Ve lu taver ayol a ve asema u tilen sha mimi shi wasen ayol a ve sha akaa agen kpaa. (1 Yoh. 3:16-18) Ikyav i tesen yô, orhenen Yosev u mbaapostoli yilan un ér Banaba la, tee inya na va gema inyaregh kira cii na mbaapostoli. Yange ve er tom a inyaregh kira u wasen mbahev mba ve hide ve lu tsan ken Yerusalem sha er vea seer taver jighjigh ve u nan la, sha ci u ve mough sha ajiir a icaa ve va ken Yerusalem.
-
-
“Ve Hen Makeranta Ga shi Ve Lu Ior mba sha Kwarkyaa Ga”“Eren Shiada” sha Kwagh u Tartor u Aôndo “Vighe Vighe”
-
-
d Ken inyom i 33 la, alaghga Mbafarishi lu ken Yerusalem kuma er 6,000 nahan tseegh kua Mbasadushi mba ve kpa ve vese iyenge ga la. Mbafarishi kua Mbasadushi mban soo ér vea eren tahav her, sha nahan yô alaghga lu ityôkyaa i na ve ve soo ér mbaapostoli ve za hemen u pasen kwagh u Yesu ga je la.
-