Ngeren mba Timen sha Mi ken Antakerada u Mkombo u Uma Wase man Tom Wase
MAACI 4-10
“Er U Tese Dooshima u Mbakristu la Yô”
(Mbaromanu 12:10) Doo nen ayol a en tsung sha dooshima, hemen nen sha u nan ior icivir.
it-1-E 55
Doo Nen Ayol a En Tsung
Gba u mba ve lu ken tiônnongo u Kristu cii vea doo ayol a ve tsung (i gema ishember i “doo nen ayol a en tsung” la ken zwa Grika kpôghôô ér phi·la·del·phiʹa, inja na yô, ka “dooshima u anmgbianev mba sha tsombor”) je la. (Ro 12:10; Heb 13:1; shi nenge1Pe 3:8.) Sha nahan yô, gba u mlu u ken tiônnongo la una lu kangenaa shi una taver shi una lu kundu kundu, er ka mba ve lu tsombor môm nahan. Er mba ken tiônnongo ve lu vanden tesen dooshima u mba ve lu tsombor môm la nahan kpa, i taver ve ishima ér ve seer yemen hemen sha mi.—1Tes 4:9, 10.
I er tom a ishember i ken zwa Grika i phi·loʹstor·gos, i i til sha ityough ki “u tesen or dooshima tsung” la, u ôron kwagh u or lun a orgen kôôsôô, eren kwagh a nan kundu kundu. Ashighe kpishi, ka i er tom a vegher u ishember ne i i yer ér sterʹgo la, u ôron kwagh u imba dooshima u a lu hen atô u mba ve lu tsombor môm la. Apostoli Paulu yange taver Mbakristu ishima ér ve lu a dooshima. (Ro 12:10) Shi Paulu kaa ér a fa ayange a masejime ne sha ior “mbalun a dooshima ga” (ken zwa Grika yô, ér aʹstor·goi) shi a kaa ér ambaaior la nahan kuma ku.—2Ti 3:3; Ro 1:31, 32.
(Mbaromanu 12:17-19) De oron iyev i ifer sha ifer ga. Ver nen ishima u eren akaa a dedoo sha ishigh ki ior cii. 18 Aluer a fatyô yô, lu nen bem a ior cii ape kwagh wen a lu sha mi la. 19 Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la.
(Mbaromanu 12:20, 21) Aluer ijen ia kôr orihom wou yô, na nan kwaghyan, aluer imura ia kôr nan kpaa na nan kwaghman, ka sha gbenda ne man ú haa nan akausu a kpenger kpenger sha ityou ye. 21 Kwaghbo a̱ de hembe u ga, kpa we gema hemba kwaghbo sha kwagh u dedoo.
Ker Akaainjaa a ken Bibilo
(Mbaromanu 12:1) Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.
(Mbaromanu 13:1) Hanma or u uma nana̱ ungwan imo i tahav mbu nan lu mbu sha ikyev la, gadia ma tahav mbu ga, saa mbu mbu dugh her Aôndo la, mbu mbu lu her ne kpaa, ka Aôndo je A ver ye.
Bibilo i Ôron
(Mbaromanu 13:1-14) Hanma or u uma nana̱ ungwan imo i tahav mbu nan lu mbu sha ikev la, gadia ma tahav mbu ga, saa mbu mbu dugh her Aôndo la, mbu mbu lu her ne kpaa, ka Aôndo je A ver ye. 2 Nahan yô, or u nan hendan a tahav mbura yô, ka Aôndo u A ver mbu la je nan lu hendan a Na ye. Mba ve hendan a mbu kpaa vea tôô mtsaha sha ayol a ve. 3 Aluer or nana eren dedoo yô, mbatarev ka kwagh u cian ga, saa nana eren kwagh u bo. Sar u pe cian or u nan lu a tahav la ga zee? Yô, eren kwagh u dedoo tsô nana wuese we. 4 Gadia nan ka ortom u Aôndo sha u i̱ doo u. Kpa aluer wea er kwaghbo yô, cia, gadia ngu a sanker, ka gbilin ga. Nan ngu ortom u Aôndo sha u oron iyev tsahan or u nan eren kwaghbo yô. 5 Nahan yô, ka u ungwan imo i nan, ka sha u palegh iyugh tseegh tsô ga, kpa ka sha ci u imo i ken ishima la kpaa. 6 Ka sha ci u nahan ne lu tan kpandegh kpaa ye, gadia ve ka mbatomov mba Aôndo, ka sha kwagh ne je ve ver ishima sha mi ye. 7 Kimbi nen hanma or kwagh u a lu u á kimbi nan la, orngohol kpandegh yô, i̱ ta nan kpandegh, or u saven kpaa i̱ rumun nan u saven, or u i lu u á cia nan kpaa, i̱ cia nan, or u i lu u á civir nan kpaa i̱ civir nan je. 8 De luun ma or a ma injôr ga saa di mdoo u ma ne doo ayol a en la tseegh tsô, gadia or u orgen nan doo nan ishima yô, nan kura atindi ve. 9 Gadia atindi a a kaa er: De eren idya ga, de woo or ga, de iin ga, de tem ga, man hanma tindi ugen kpaa i fiir a cii ken kwaghôron môm ne er, or u nan we ndor a we yô, nana̱ doo u ishima er we iyol you nahan. 10 Dooshima eren or u nan we ndor a na la, kwaghbo ga, nahan kwagh u atindi a kur sha mi vough yô, ka dooshima. 11 Kwagh ugen kpaa, ne fa shighe ne gadia ka ihongo i ma ne nder ken mnya je ne, gadia hegen myom hemba mgbôghom a vese a shighe u se na jighjigh hiihii la. 12 Tugh za yum, sev sôôn aven. Nahan yô, se gbihi nen aeren a imegh kera se haa nen ikav mbi utyav mbi iwangerev iyol. 13 Se zenden nen sha inja, i̱ lu sha inja i atetan, i̱ de lu sha iniongo i msôr shin msôrom ma hunden ga, i̱ de lu sha idya shin ijimba i eren ga, i̱ de lu sha iyongo shin iwuhe i eren kpaa ga. 14 Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.
MAACI 11-17
“Ker Ishimawan man Ishimasurun hen Yehova”
(Mbaromanu 15:4) Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.
(Mbaromanu 15:5) Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la,
(Mbaromanu 15:13) Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.
Ker Akaainjaa a ken Bibilo
(Mbaromanu 15:27, NW) Sha mimi yô, ve nenge doo u vea er nahan, man jighilii yô, lu injô ve lu ve a mi ye; gadia aluer akuraior agen zua a kwar sha akaa a ken jijingi a uicighanmbaiorov mbara yô, gba u akuraior shon kpa aa na ve iwasen sha akaa a iyolough a ve lu a mi la.
w89-E 12/1 24 ¶3
‘Kar Fa Aluer Dooshima Wen Ka U Mimi Yô’
Jighilii yô, yange gba u ishima ma mgbegha anmgbianev vev mba ve lu Atôatyev la u eren kwagh sha u wasen ve shighe u ve lu yan ican la. Kera kpa, ve lu Mbakristu mba ken Yerusalem la a “injô” i vesen. Lu ken Yerusalem i samber a loho u dedoo ar a Atôatyev gaa? Bibilo i The New English Bible la, tese er Paulu a lumun a kwagh ne yô, ér: “Aluer Mbayuda mba ve lu Mbakristu la na Atôatyev akaa a ve a ken jijingi a injaa la yô, gba u Atôatyev la kpa, aa na ve iwasen sha ugbayol vev kpee je.”—Mbaromanu 15:27.
(Mbaromanu 16:25) Un u A lu a agee a taver ne sha ivangeli yam man sha myee u i lu yôôn kwagh u Yesu Kristu man sha mpase u kwaghmyer u a lu ken iuv hii sha ashighe a tsuaa la je zan zan.
it-1-E 858 ¶5
U Vanden Fan Kwagh u ken Hemen Shin u Vanden Tsuan Or Veren sha Kwagh
Lu u Mesiya shin Kristu una va lu Vor u ityendezwa u ior mba ve lu perapera ken icombor i shin tar la cii, vea zua a iveren yô. (Ga 3:8, 14) Yange i hii teren ishember i “vor” la shighe u ihyembeato hii ken Eden kera la, kpa cii ve i va mar Abel ye. (Ge 3:15) Kwagh ne er anyom kar er 4,000 nahan cii ve i va pase “kwaghmyer” u tese wang ér Mesiya ka “vor” la ye. Sha nahan yô, kwagh ne “lu ken iuv hii sha ashighe a tsuaa la je zan zan.”—Ro 16:25-27; Ef 1:8-10; 3:-11.
Bibilo i Ôron
(Mbaromanu 15:1-16) Se mba se lu a agee ne yô, ka u se̱ waan ishima a mbamyina mba mba ve taver ga la, se̱ keren kwagh u doon se ayol a ase la tsô ga. 2 Hanmô wase nana̱ nôngo u eren kwagh u doon or u nan we ndor a nan la i̱ lu sha gbenda u doon man shi u maan nan a maa kpaa. 3 Gadia Kristu kpaa ker kwagh u doon sha ci Na ga, kpa lu er i vande ngeren nahan la er: Aheen a ior ve lu heen We la gema haa sha a Mo. 4 Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la. 5 Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la, 6 sha u né civir Aôndo Ter u Ter wase Yesu Kristu sha ishima i môm man sha imo i môm kpaa. 7 Nahan yô, rumun nen ayol a en er Kristu kpaa A rumun ne sha ci u iengem i Aôndo nahan. 8 Inja na yô, er, Kristu hingir ortom u icôngo u tesen mimi u Aôndo sha u taver uityendezwa mba i tôndo a uter la, 9 sha u atôatyev a̱ civir Aôndo sha ci u mhôônom Nam. Kape i nger kpaa la er: Ka nahan man me wuese we ken atôatyev, me wa icam i civir iti You kpaa ye. 10 Shi i kaa er: Ember nen ne atôatyev a nongoior Na imôngo. 11 Man shi: Wuese nen Ter, ne atôatyev cii, ior ci ca cii, ve̱ wuese Un. 12 Man shi Yesaia kpaa kaa er, Mise u Yese Una va, ka Un u Una mough Una ya tor sha atôatyev la, ka sha a Na man atôatyev aa veren ishima aa keghen ye. 13 Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô. 14 Anmgbianev av, sha kwagh wen yô, m fa dedoo mer ne mgbough a mdoom shi ne iv a mfe gbing gbing kpaa, ne kuma u wan ayol a en kwagh kpaa. 15 Kpa sha akaa agen yô, m wa cihin m nger ne kwagh sha u umbur ne, lu sha mrumun u sha mhôôn u Aôndo A nem la er 16 m̱ lu ortom u Yesu Kristu hen atôatyev ken Icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô.
MAACI 18-24
“U Ngu Or u Nan Lu ken Uma u sha Marami Shin U Ngu Or u Nan Lu ken Mlu u Jijingi?”
(1 Mbakorinte 2:14) Kpa or u nan lu ken uma u sha marami la tsô yô, nan ngohol akaa a jijingi u Aôndo ga, gadia ka nan akaa a ibume, nan fatyô u kaven a kpaa ga, gadia mba kar a sha inja i jijingi.
(1 Mbakorinte 2:15, 16) Kpa or u nan lu ken mlu u jijingi yô, nan karen akaa cii, kpa nan iyol i nan yô, ma or karen nan ga. 16 Gadia ka an nan fe mhen u Ter je u nana tese Un kwagha? Kpa se yô, se mba a mhen u Kristu.
Ker Akaainjaa a ken Bibilo
(1 Mbakorinte 1:20) Orfankwagh ngu hana? Man orngeren ngu hana? Or u sendegh kwagh u hen ayange ne nan ngu hana? Aôndo kera gema mfe u tar ne hingir ibumekwagh gaa?
it-2-E 1193 ¶1
Kwaghfan
Nahan sha kwaghfan u taregh yô, u venda kwagh u Aôndo na se sha ikyev i Kristu la ér ka ibumekwagh; shin er alaghga mbavesen mba u kuma u lun mbaajiriv shi ve lu a kwaghfan u taregh nahan kpa, ve ‘mande Ter u iengem la sha kon.’ (1Kor 1:18; 2:7, 8) Nahan kpa, Aôndo gema tese ér kwaghfan u taregh u ior lu a mi la ka ibumekwagh. Yange hee mbafankwagh mbara sha u eren tom a kwagh u ve nenge ér ka “ibumegh ki Aôndo” la, man ior mba ve nenge ve ér ve ‘bume shi mba isheer shi mba a icivir’ ga la u kuren awashima na u bunden mayange ga la. (1Kor 1:19-28) Paulu yange umbur Mbakristu mba ken Korinte la ér, ‘mfe u tar ne [man] u mbavesen mba tar ne’ una va tim kera. Sha nahan yô, imba mfe la lu vegher u loho u ken jijingi u apostoli ne ga. (1Kor 2:6, 13) Paulu ta Mbakristu mba ken Kolose la icin ér or a de yemen a ve sha ‘kwaghfan [i gema ishember ne ken zwa Grika kpôghôô ér phi·lo·so·phiʹas, inja na yô, ka u kwaghfan doon or ishima je la] shin sha atseregh a gbilinigh ga. Akaa ne ka sha inja i ukaaer mba ior.’—Kol 2:8; nenge ivur i sha 20-23.
(1 Mbakorinte 2:3-5) Mo yô, lu sha isheer man sha mcie man sha ikyarkyase iyol kpishi yan m va hen a ven ye. 4 Kwaghôron wam man kwaghaôndo wam u pasen kpaa, lu sha mhanger u kwaghôron tsô ga, kpa ikav i Jijingi man i agee kpaa lu sha mi, 5 sha er jighjigh wen u nan a̱ de suur sha mfe u ior ga, kpa i̱ lu sha agee a Aôndo.
Bibilo i Ôron
(1 Mbakorinte 1:1-17) Paulu u i yila un a yila sha ishima i Aôndo sha u a̱ lu apostoli u Kristu Yesu, kua Sosetene, anmgbian, 2 mba sughun nongo u Kristu u Aôndo u u lu ken Korinte la, mba i tsegh ve ken Kristu Yesu, mba i yer ve er ve̱ lu uicighanmbaiorov a mba ve yilan sha iti i Ter wase Kristu la imôngo cii, sha hanma ijiir cii, ka Ter ve man Ter wase kpaa; 3 mrumun u sha mhôôn a̱ lu sha a ven man bem mba ve dugh ken Aôndo Ter wase man Ter Yesu Kristu. 4 Mba sughun Aôndo ayange ayange sha ci wen, sha ci u mrumun u sha mhôôn u Aôndo u i ne ne ken Kristu Yesu ne, 5 gadia sha hanma gbenda cii i gema ne ne hingir mbalun a akaa wuee ken a Na, sha hanma kwaghôron cii man hanma mfe cii kpaa — 6 er i taver shiada u i er sha Kristu la ken a ven nahan — 7 nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la, 8 u Una taver ne zan zan mkur sha u né kera lu a acôghor iyol sha iyange i Ter wase Yesu Kristu la ga yô. 9 Aôndo ka u jighjigh, A yila ne u lun ken mzough vea Wan Na Yesu Kristu Ter wase. 10 M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa. 11 Gadia, anmgbianev, ior mba ken ya u Kelue ôrom kwagh wen er ayongo nga ken atô wen. 12 Kwagh u m ver ishima sha mi jim je yô, ka er hanmô wen ka nan kaa er: Mo m ngu or u Paulu, mo di m ngu or u Apolo, mo yô, m ngu or u Kefa, mo ne yagh yô, m ngu u Kristu. 13 Nahan yô, i pav Kristu shinii? Ka Paulu man i mande un sha terankon sha ci wen yee? Shin ka ken iti i Paulu je i er ne batisema ase? 14 M wuese er m er mô wen batisema ga yô, saa di Krisepu man Gayu tsô, 15 sha er ma or nana̱ de kaan er: Ka ken iti yam i er ne batisema ga. 16 Mba ken ya u Sefana kpaa, m er ve batisema, sha mfe fana kpaa, m er ve batisema, sha mfe wam yô, m kera er orgen batisema ga. 17 Gadia Kristu tindim, lu sha u eren batisema ga, kpa lu sha u m̱ ôron Loho u Dedoo, i̱ de lu sha kwaghôron u fan yum kpaa ga sha u terankon u Kristu u̱ de hingir gbilinkwagh ga yô.
MAACI 25-31
“Wankwa u Kpeghee Ka a Zua sha Ijenmwe Cii”
(1 Mbakorinte 5:1, 2) Gwa ngu zan ne je er idya ngi her atô wen, man ka imbaidya i ken atôatyev je kpaa i lu ga yô, orgen ngu a kwase u ter u nan je. 2 Nahan kpaa ne mba gengese iyol; guda u ma i vihi ne, ma i dugh or u nan er kwagh la ken atô wen kera.
(1 Mbakorinte 5:5-8) i̱ na imbaor la sha ikyev i Satan sha u á vihi iyol i nan kera, kpa jijingi u nan yô, a̱ war sha iyange i Ter. 6 Ihagh yen la doo ga. Ne kera fa er wankwa u kpeghee ka a zua sha ijenmwe cii gaa? 7 Dugh nen kwa u tse la kera sha u né lu ijenmwe i he yô, gadia jim je yô, ne kera mba a kwa ga. Gadia Waniyôngo wase u Paseka kpaa i sôngo un kera, ka Kristu je la. 8 Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi.
(1 Mbakorinte 5:13) Mba ken won yô, ka Aôndo A er ve ijir ye. Dugh nen iferor la ken a ven kera.
it-2-E 230
Kwa
Apostoli Paulu kpa yange er tom a injakwagh ne shighe u kaa a tiônnongo u Kristu u ken Korinte la ér a dugh idyaor ugen ken tiônnongo kera la, ér: “Ne kera fa er wankwa u kpeghee ka a zua sha ijenmwe cii gaa? Dugh nen kwa u tse la kera sha u né lu ijenmwe i he yô, gadia jim je yô, ne kera mba a kwa ga. Gadia Waniyôngo wase u Paseka kpaa i sôngo un kera.” Maa pase inja i “kwa” u u lu ôron kwagh u u la wang, ér: “Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi.” (1Kor 5:6-8) Heen ne, Paulu lu pasen kwagh u tile sha ityough ki Iniongo i Bredi u I We Kwa sha mi Ga i Mbayuda, i yange a eren iniongo i Paseka a been pohola maa i er i la. Er ka a wa ankwa u cuku u angen sha ijenmwe i eren bredi ve, a zua sha ijenmwe la jimin cii nahan, kape tiônnongo la, u lu er iyol nahan la kpa, lu u una kera lu wang sha ishigh ki Yehova ga, aluer i dugh ieren i bo i idyaor la kera ga je la. Yange gba keng u mba ken tiônnongo la vea er kwagh sha u dughun “kwa” la hen atô ve kera, vough er gba u Mbaiserael vea lu a kwa ken ayou a ve ga shighe u iniongo la nahan.
it-2-E 869-870
Satan
Inja i kwagh u i kaa ér, ‘i na or la sha ikyev i Satan sha u á vihi iyol i nan kera’ la ér nyi?
Apostoli Paulu ngur wan tiônnongo u ken Korinte la kwagh sha kwagh u vea er a orgen ken tiônnongo, u lu eren iferkwagh i yaven a kwase u ter na la yô, a nger ér: “Na imbaor la sha ikyev i Satan sha u á vihi iyol i nan kera” yô. (1Kor 5:5) Tindi ne lu kaan ér i dugh or la ken tiônnongo kera, i de u eren kwagh a na kuaa. (1Kor 5:13) Aluer i na un sha ikyev i Satan yô, una kera lu ken tiônnongo ga, nahan a kende un ken tar u Satan a lu aôndo u u shi a hemen u la. Er “wankwa” u cuku ka a zua sha “ijenmwe cii” nahan, or ne lu “iyol” shin lu a ieren iyolough ken tiônnongo; nahan aluer i dugh idyaor ne kera yô, tiônnongo u lu a ior mba akaa a ken jijingi gba ve ishima la, una vihi “iyol” la hen atô na kera. (1Kor 5:6, 7) Kape Paulu kpa na Himeneu man Alekesander sha ikyev i Satan sha ci u ve undu jighjigh ve u nan shi ve kera lu a imoshima i wang ga, nahan tso ur ve sha kwagh u jighjigh ve u nan je la.—1Ti 1:20.
(1 Mbakorinte 5:9-11) M nger ne ken washika la mer, de zough nen a mbadyarev ga. 10 Kpa ka mbadyarev mba ken tar ne cii ga, shin mbahuav shin mbanumungbenda shin mbacivirakombo cii kpaa ga, a lu nahan yô, ma i gbe u né due shin tar kera kpee je. 11 Kpa hegen yô, m ngu ngeren ne mer: De zough nen a ma or u i yer nan er anmgbian kpa nan gem nan lu or u idya shin or u hua shin or u civir akombo shin or u ityuhwan shin or u hunden msôrom shin or u numun gbenda ga; imbaor la yô, kwaghyan tsô kpaa de ye a nan imôngo ga.
Ker Akaainjaa a ken Bibilo
(1 Mbakorinte 4:9) Gadia beem er Aôndo ver se mbaapostoli se hemba gban ijime cii, bee er ka ior mba i er ve ijir i kuugh yô; gadia se hingir kwagh u tar man mbatyomov mba Shaav kua ior kpaa ve kenger un yô.
(1 Mbakorinte 6:3) Ne kera fa er mbatyomov mba Shaav je kpaa sé va ôr ve ijir gaa? Man hire akaa a shin tar ne?
it-2-E 211
Tindi
Mbatyomov Mba sha Ikyev i Tindi. Mbatyomov mba ve hembe uumace la mba sha ikyev i tindi shi mba dondon akaa a Aôndo a kaa ér ve er la. (Heb 1:7, 14; Ps 104:4) Yehova yange wa Satan u a hendan a na la tindi shi pande un tahav je kpaa. (Yob 1:12; 2:6) Mikael ortyom u tamen la kpa fa ian i Yehova i Orjir u Hemban Cii la shi na i icivir shighe u un vea Diabolo ve gba anyiman la, a kaa ér: “Ter A̱ tsaha u.” (Yu 9; nenge Sek 3:2.) Yehova Aôndo na Yesu Kristu u i ne un icivir la tahav mbu hemen mbatyomov cii. (Heb 1:6; 1Pe 3:22; Mt 13:41; 25:31; Fil 2:9-11) Sha nahan yô, lu Yesu na zwa ve ortyom ugen za ôr Yohane loho ye. (Mp 1:1) Nahan kpa, ken 1 Mbakorinte 6:3 la, apostoli Paulu ôr kwagh u anmgbianev mba Kristu mba ken jijingi mbara ér i na ve ian i ôron mbatyomov ijir, alaghga tsô ka sha ci u ve kpa vea lu uwegh sha u van a tim sha ujijingi mbaaferev.
Bibilo i Ôron
(1 Mbakorinte 6:1-14) Aluer orgen ken a ven ikaa ia zua nan a orgen yô, nan cihi nan za yila ijir hen mbaaferev, i kera lu hen uicighanmbaiorov ga zee? 2 Shin ne kera fa er i lu uicighanmbaiorov je man vea ôr tar ijir gaa? Man aluer ka ne man nea ôr tar ijir yô, nahan ne kera kuma u ôron ajir a kiriki gaa? 3 Ne kera fa er mbatyomov mba Shaav je kpaa sé va ôr ve ijir gaa? Man hire akaa a shin tar ne? 4 Nahan aluer ne mba a ajir a sha kwagh u shin tar ne yô, mba i nengen ve er ve lu mba ikyoogh ga ken nongo u Kristu la, ve̱ tema ve̱ ôr. 5 M ngu ôron ne kwagh ne, ka u van ne ahenge je. Or u fan kwagh môm tsô kpaa ngu ken a ven u nana fatyô u ôron ikaa i hen anmgbianev mba nan gaa? 6 Wanmgbian ka a gema a za yila wanmgbian ijir man i lu hen mbanan jighjigh ga la jee? 7 Kera je kpaa kwagh hemba ne a hemba je er ne lu a ajir ayol a en yô. Kera guda u ne gba ngohol ibo sha apera tsô gaa? Kera guda u kwagh a̱ gba saan ne tsô gaa? 8 Kpa ne mba eren sha mi ga, ne mba ngohol kwagh sha apera kpaa, man gema ka anmgbianev je. 9 Ne kera fa er mbaaferev vea ya dyako u tartor u Aôndo ga zee? I̱ de tsughun ne ga, mbadyarev shin mbasôronakombo shin mbavihin ivaa sha idya shin nomso mba ve yaven a ayol a ve 10 shin mbaiv shin mbahuav shin mbahundenmsôrom shin mbauityuhwanev shin mbanumungbenda kpaa, vea ya dyako u tartor u Aôndo je ga. 11 Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase. 12 M ngu a ian sha akaa cii, kpa ka akaa cii man a lu iwasen ga, m ngu a ian sha akaa cii, kpa mo yô, me rumun ma kwagh u yan tor sha a mo ga. 13 Akaayan nga sha ci u iyav; iyav di kpaa mbu sha ci u akaayan, kpa mbu kua a kpaa. Aôndo Una kar a mi kera cii. Kpa iyol yô, ngi sha ci u idya ga, kpa ngi sha ci u Ter man Ter kpaa ngu sha ci u iyol. 14 Aôndo nder a Ter shin ku, se kpaa Una nder a vese sha agee a Na.
MAACI 2019
28 Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyon i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.
11 kape kwaghôron Wam, u a dugh ken zwa Wam, una lu la, una hide her a Mo gbilin ga, kpa una er kwagh u M we ishima yô, ikôr ia lagh un sha kwagh u M tindi un u eren yô.
10 Gadia shi côhin tsô iferor á kera lu ga; mimi je, ú nenge sha ijiir i nan, nan nan kpaa, kpa nana lu ga. 11 Kpa mbaasemaleghlegh yô, vea ya dyako u tar, á saan ve iyol sha mngee u bem.
12:1 Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la. 2 De hingir nen inja i môm a tar ne ga, kpa i̱ gema ne sha mgem u he u mhen wen sha er né kar er ishima i Aôndo i lu yô man kwagh u a doo man a kom u rumun un man shi a lu vough la kpaa yô. 3 M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la. 4 Er se lu a alegh kpishi ken iyol i môm man alegh cii a lu a tom môm ga yô, 5 kape se kpaa, se lu iyol i môm ken Kristu ne, shin er se ngee nahan kpaa, se mba alegh a ayol a ase. 6 Se mba a uiwua kposo kposo sha inja i mrumun u sha mhôôn u i ne se la, shin a lu u ôron kwaghôron u profeti, kpa i̱ lu sha inja i jighjigh u nan; 7 or u i ne nan tom u eren kpaa, nana̱ eren u je; or u i ne nan tom u tesen kpaa, nana̱ tesen je; 8 or u i ne nan u wan kwagh yô, nana̱ waan kwagh; or u nan iwua kpaa, nana̱ na sar sar; or u nan hemen ior kpaa i̱ lu sha ishima i tseen; or u nan zungu mhôônom kpaa nana̱ zungwen saan saan je. 9 Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo. 10 Doo nen ayol a en tsung sha dooshima, hemen nen sha u nan ior icivir. 11 Uwer u̱ de gbe ne sha gbashima ga, luun nen mbatseen asema, shiren nen Ter tom. 12 Ember nen sha ishimaverenkeghen, waan nen ishima ken ican, taver nen ishima sha msen u eren. 13 Wasen nen uicighanmbaiorov sha ugbayol vev, eren nen a mbavannya dedoo. 14 Veren nen mba ve tev ne a ican la dedoo. Veren nen ve dedoo de toho nen ve ga. 15 Ember nen a mba ve ember imôngo. Vaa nen a mba ve vaa imôngo. 16 Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga. 17 De oron iyev i ifer sha ifer ga. Ver nen ishima u eren akaa a dedoo sha ishigh ki ior cii. 18 Aluer a fatyô yô, lu nen bem a ior cii ape kwagh wen a lu sha mi la. 19 Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la. 20 Aluer ijen ia kôr orihom wou yô, na nan kwaghyan, aluer imura ia kôr nan kpaa na nan kwaghman, ka sha gbenda ne man ú haa nan akausu a kpenger kpenger sha ityou ye. 21 Kwaghbo a̱ de hembe u ga, kpa we gema hemba kwaghbo sha kwagh u dedoo.
13:1 Hanma or u uma nana̱ ungwan imo i tahav mbu nan lu mbu sha ikev la, gadia ma tahav mbu ga, saa mbu mbu dugh her Aôndo la, mbu mbu lu her ne kpaa, ka Aôndo je A ver ye. 2 Nahan yô, or u nan hendan a tahav mbura yô, ka Aôndo u A ver mbu la je nan lu hendan a Na ye. Mba ve hendan a mbu kpaa vea tôô mtsaha sha ayol a ve. 3 Aluer or nana eren dedoo yô, mbatarev ka kwagh u cian ga, saa nana eren kwagh u bo. Sar u pe cian or u nan lu a tahav la ga zee? Yô, eren kwagh u dedoo tsô nana wuese we. 4 Gadia nan ka ortom u Aôndo sha u i̱ doo u. Kpa aluer wea er kwaghbo yô, cia, gadia ngu a sanker, ka gbilin ga. Nan ngu ortom u Aôndo sha u oron iyev tsahan or u nan eren kwaghbo yô. 5 Nahan yô, ka u ungwan imo i nan, ka sha u palegh iyugh tseegh tsô ga, kpa ka sha ci u imo i ken ishima la kpaa. 6 Ka sha ci u nahan ne lu tan kpandegh kpaa ye, gadia ve ka mbatomov mba Aôndo, ka sha kwagh ne je ve ver ishima sha mi ye. 7 Kimbi nen hanma or kwagh u a lu u á kimbi nan la, orngohol kpandegh yô, i̱ ta nan kpandegh, or u saven kpaa i̱ rumun nan u saven, or u i lu u á cia nan kpaa, i̱ cia nan, or u i lu u á civir nan kpaa i̱ civir nan je. 8 De luun ma or a ma injôr ga saa di mdoo u ma ne doo ayol a en la tseegh tsô, gadia or u orgen nan doo nan ishima yô, nan kura atindi ve. 9 Gadia atindi a a kaa er: De eren idya ga, de woo or ga, de iin ga, de tem ga, man hanma tindi ugen kpaa i fiir a cii ken kwaghôron môm ne er, or u nan we ndor a we yô, nana̱ doo u ishima er we iyol you nahan. 10 Dooshima eren or u nan we ndor a na la, kwaghbo ga, nahan kwagh u atindi a kur sha mi vough yô, ka dooshima. 11 Kwagh ugen kpaa, ne fa shighe ne gadia ka ihongo i ma ne nder ken mnya je ne, gadia hegen myom hemba mgbôghom a vese a shighe u se na jighjigh hiihii la. 12 Tugh za yum, sev sôôn aven. Nahan yô, se gbihi nen aeren a imegh kera se haa nen ikav mbi utyav mbi iwangerev iyol. 13 Se zenden nen sha inja, i̱ lu sha inja i atetan, i̱ de lu sha iniongo i msôr shin msôrom ma hunden ga, i̱ de lu sha idya shin ijimba i eren ga, i̱ de lu sha iyongo shin iwuhe i eren kpaa ga. 14 Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.
14:1 Or u nan taver sha jighjigh u nan ga la kpaa, rumun nen nan, kpa i̱ de lu sha u hendan kwagh sha anyimanakaa ga. 2 Orgen ka nan na jighjigh er nan ngu a ian i yan akaa cii, kpa u nan taver ga la yô, ka ikaiue nan ye ye. 3 Or u nan ye la nana̱ de lahan or u nan ye ga la ze, man shi or u nan ye ga la nana̱ de ne or u nan ye la ibo ga, gadia Aôndo rumun nan. 4 We, u ngu nyi man u ne wanye u orgen ibo? Shin una tile, shin una gba kpaa ka kwagh u ter na je. 5 Orgen ka nan nenge er iyange igen i hemba igen yô. Orgen di yô nan nenge er ayange cii nga kwagh môm yô. Hanma or yô, i̱ wanger nan ken ishima i nan doo doo je. 6 Or u nan ver ishima sha iyange kpaa ka sha ci u Ter nan veren ishima ye, or u nan ye kpaa ka sha ci u Ter nan lu yan ye, gadia nan sughun Aôndo. Or u nan ye ga la kpaa, ka ken Ter nan ye ga ye, nan sughun Aôndo kpaa. 7 Ma or môm ken vese nan gbe lun uma sha ci u nan iyol i nan ga, man shi ma or gbe kpen sha ci u iyol i nan kpaa ga. 8 Gadia shin sea lu uma, kpa ka sha ci u Ter se lu uma ye, shin sea kpe kpaa, ka sha ci u Ter se kpe ye, nahan yô, shin sea lu uma shin sea kpe kpaa se mba kwagh u Ter. 9 Ka sha ci u nahan man Kristu kpaa A kpe shi A lu uma ye, ka sha u Una lu Ter u mbakpenev man mbaumav kpaa. 10 Kpa we yô, ka nyi u ne anmgbian ibo? Shin ka nyi u laha anmgbian wouwe? Gadia se cii sé va tile sha ikônough ki ijirigh ki Aôndo. 11 Gadia i nger er: Ter ngu kaan er: Er Mo M lu u uma ne, ka sha ishigh Yagh hanma inyu ia gure ye, hanma nombor kpaa ua wuese Aôndo. 12 Kape hanmô wase nana va ôr [Aôndo] kwagh u nan iyol i nan je la. 13 Nahan yô, se kera gbaa nan ayol ase ibo tsô ga, kpa guda yô, se wa nen ken ishima ser, sé kera na anmgbian anzughul ga shin ityôikaa i nôngon gbev kpaa ga. 14 Wanger mo, m fa dedoo ken Ter Yesu mer, ma kwagh gbe lun wang ga iyol na tsô ga, saa or u nan nenge er kwagh u lu wang ga la a lu nan kwagh u wang ga ye. 15 Aluer ka sha kwaghyan wou man ishima ia vihi anmgbian wou yô, kera ka sha dooshima u lu zenden ga. Kwaghyan u u ye la, a̱ de hingir kwagh u vihin uma u un u Kristu A kpe sha ci nan la kera ga. 16 I̱ de lamen dan sha kwagh wen u a lu a dedoo la ga. 17 Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye. 18 Or u nan eren Kristu tom sha gbenda ne yô, á doo Aôndo a nan, ior kpaa vea rumun nan. 19 Nahan yô, se keren nen kwagh u nan bem man shi kwagh u se maan a maa ayol a ase sha mi. 20 De vihin tom u Aôndo kera sha ci u kwaghyan ga. Akaa cii nga wang, kpa or u nan ye kwaghyan man nan ne orgen anzughul yô, hingir kwaghbo hen nan ve. 21 Doo u yan inyam ga, shin u man msôrom kpaa ga, shin u eren nyityô kwagh i nan anmgbian wou anzughul la kpaa ga. 22 Jighjigh u nan u u lu a mi la yô, a̱ lu kwagh wou iyol you vea Aôndo. Or u nan gbe nan iyol i nan ibo ga sha kwagh u nan nenge er ka kwagh u dedoo yô, saan nan iyol. 23 Kpa or u nan te akpelan ken ishima sha kwagh u nan ye la yô, i nan ibo kera je ve gadia nan ngu eren sha jighjigh u nan ga. Hanma kwagh u a dugh ken jighjigh u nan ga yô, ka isholibo je.
10 Doo nen ayol a en tsung sha dooshima, hemen nen sha u nan ior icivir.
17 De oron iyev i ifer sha ifer ga. Ver nen ishima u eren akaa a dedoo sha ishigh ki ior cii. 18 Aluer a fatyô yô, lu nen bem a ior cii ape kwagh wen a lu sha mi la. 19 Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la. 20 Aluer ijen ia kôr orihom wou yô, na nan kwaghyan, aluer imura ia kôr nan kpaa na nan kwaghman, ka sha gbenda ne man ú haa nan akausu a kpenger kpenger sha ityou ye. 21 Kwaghbo a̱ de hembe u ga, kpa we gema hemba kwaghbo sha kwagh u dedoo.
20 Aluer ijen ia kôr orihom wou yô, na nan kwaghyan, aluer imura ia kôr nan kpaa na nan kwaghman, ka sha gbenda ne man ú haa nan akausu a kpenger kpenger sha ityou ye.
15:1 Se mba se lu a agee ne yô, ka u se̱ waan ishima a mbamyina mba mba ve taver ga la, se̱ keren kwagh u doon se ayol a ase la tsô ga. 2 Hanmô wase nana̱ nôngo u eren kwagh u doon or u nan we ndor a nan la i̱ lu sha gbenda u doon man shi u maan nan a maa kpaa. 3 Gadia Kristu kpaa ker kwagh u doon sha ci Na ga, kpa lu er i vande ngeren nahan la er: Aheen a ior ve lu heen We la gema haa sha a Mo. 4 Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la. 5 Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la, 6 sha u né civir Aôndo Ter u Ter wase Yesu Kristu sha ishima i môm man sha imo i môm kpaa. 7 Nahan yô, rumun nen ayol a en er Kristu kpaa A rumun ne sha ci u iengem i Aôndo nahan. 8 Inja na yô, er, Kristu hingir ortom u icôngo u tesen mimi u Aôndo sha u taver uityendezwa mba i tôndo a uter la, 9 sha u atôatyev a̱ civir Aôndo sha ci u mhôônom Nam. Kape i nger kpaa la er: Ka nahan man me wuese we ken atôatyev, me wa icam i civir iti You kpaa ye. 10 Shi i kaa er: Ember nen ne atôatyev a nongoior Na imôngo. 11 Man shi: Wuese nen Ter, ne atôatyev cii, ior ci ca cii, ve̱ wuese Un. 12 Man shi Yesaia kpaa kaa er, Mise u Yese Una va, ka Un u Una mough Una ya tor sha atôatyev la, ka sha a Na man atôatyev aa veren ishima aa keghen ye. 13 Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô. 14 Anmgbianev av, sha kwagh wen yô, m fa dedoo mer ne mgbough a mdoom shi ne iv a mfe gbing gbing kpaa, ne kuma u wan ayol a en kwagh kpaa. 15 Kpa sha akaa agen yô, m wa cihin m nger ne kwagh sha u umbur ne, lu sha mrumun u sha mhôôn u Aôndo A nem la er 16 m̱ lu ortom u Yesu Kristu hen atôatyev ken Icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô. 17 M ngu a ityôikaa i tan ihagh ken Kristu Yesu sha akaa a Aôndo. 18 Gadia me cihi me ôr ma kwagh ugen ga saa kwagh u Kristu A er sha ikev yam sha u atôatyev a̱ ungwan kwagh yô, lu sha kwaghôron man sha ieren 19 man sha agee a uivande man akaa a kpilighyol man sha agee a Icighan Jijingi kpaa. Nahan hii hen Yerusalem ningir zan zan ar ken Ilirikum m ôr Loho u Dedoo u Kristu m tser. 20 M ver ishima mer me kera ôr Loho u Dedoo ape i vande teren Kristu la ga, sha u m̱ de maan sha imagh ki orgen ga yô. 21 Kape i vande ngeren kpaa la er: Ve mba i pase ve kwagh Na ga la, vea nenge a Na je, mba ve ungwa kwagh ga la kpaa, vea kav. 22 Ka nahan man acin imôngo je i bundum u van hen ven ye. 23 Kpa hegen yô, er ian i tom i kera shim ken avegher angan ga shi er anyom imôngo je m lu veren ishima u van ken ven, 24 zum u mea karen me zaan ken tar u Ishpania la yô, m ver ishima mer me zua ishigh a ven, me tema imôngo anyangem kpeghee, imôngo ia hômom yô, né wam ikav mbi zan keera. 25 Kpa hegen yô, m ngu zan sha Yerusalem sha kwagh u iwasen i sha ci u uicighanmbaiorov la, 26 gadia doo Masedonia man Akaia u nan iwasen sha ci u mbaatsanev mba ken uicighanmbaiorov mba ken Yerusalem la. 27 Doo ve man ka u ve̱ er a ve nahan kpee je, gadia aluer atôatyev zua a kwar a ve imôngo sha akaa a jijingi yô, ka u a kpaa a̱ wase ve sha akaa a iyolough kpee. 28 Nahan zum u me kure kwagh ne me za na ve kwagh u i kohol la yô, me kar ken ven man me za ken Ishpania ye. 29 M fa, zum u me va hen ven yô, me va a iveren i Kristu ia iv gbing. 30 Anmgbianev, m ngu zamber a ven sha Ter wase Yesu Kristu man sha dooshima u Jijingi mer, nôngon nen tsung a mo imôngo ken mbamsen mba ne lu sônon Aôndo sha ci wam yô, 31 sha u i̱ yimam sha ikev i mbanan jighjigh ga mba ken Yudia man sha u iwasen yam i sha ci u Yerusalem la i̱ doo uicighanmbaiorov, 32 sha u m̱ va hen ven sha ishima i Aôndo a iember, i̱ yôhôr mo iyol a ven imôngo yô. 33 Aôndo u bem A̱ lu a ven cii. Amen.
16:1 M ngu eren shiada u dedoo pasen ne kwagh u Fibi, anmgbian wase u kwase, un ka ortom ken nongo u Kristu u ken Kenkria la, 2 mer, rumun nen un ken Ter er i kom hen uicighanmbaiorov nahan. Wase nen un sha hanma kwagh u una gba un cii, gadia un wasen ior kpishi je, mo iyol yam kpaa a wasem. 3 Sugh nen Priseka man Akula, nam nen, ka mbaeren tom a mo imôngo ken Kristu Yesu. 4 Mban yô, ve ver mon ve sha ci u uma wam, ka mo tseegh m lu sughun ve ga, ka iniongo i Kristu i ken atôatyev cii kpaa. 5 Shi sugh nen nongo u Kristu u ken ya ve kpaa. Sugh nen Epineto, or u doon mo ishima la nam nen. Un ka iyiagh ki tsutswagh ki ken Ashia sha ci u Kristu. 6 Sugh nen Maria u a er tom kpishi ken a ven la nam nen. 7 Sugh nen Anderoniku man Yunia mba ve lu ityô yam shi ve lu mbakwarev a mo imôngo kpaa la. 8 Sugh nen Ampiliatu or u doon mo ken Ter la, nam nen. 9 Sugh nen Urbanu u a lu ortom a mo imôngo ken Kristu man Setaku or u doon mo la kpaa, nam nen. 10 Sugh nen Apele u i rumun un ken Kristu la nam nen. Shi sugh nen mba ve lu ken ya u Aristobulu kpaa nam nen. 11 Sugh nen Herodion or u ken ityô yam nam nen. Shi sugh nen mba ken ya u Narkisu mba ve lu ken Ter la nam nen. 12 Sugh nen Terufina man Terfosa mba ve eren tom tsung ken Ter nam nen. Sugh nen Perse un u a doom ishima, a er tom kpishi ken Ter la nam nen. 13 Sugh nen Rufu u a lu icuwanor ken Ter, shi sugh nen ngô na kpaa u a lum er ka ngôm la nam nen. 14 Sugh nen Asunkritu man Felegon man Herme man Pateroba man Herma kua anmgbianev mba ve lu a ve imôngo la cii nam nen. 15 Sugh nan Filologu man Yulia man Neriu kua anngô na u kwase man Olumpa kua uicighanmbaiorov mba ve lu a ve imôngo cii nam nen. 16 Sugh nen ayol a en sha icighanzwa u susen. Iniongo i Kristu cii ngi sughun ne. 17 Anmgbianev, m ngu wan ne kwagh mer, mbara mba ve lu van a mbampav man ameen, i lu sha ityesen i i tese ne la ga yô, palegh nen ve. 18 Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakaven kwagh ga la ye. 19 Iko yen i wan la i fa i sha won cii, ka nahan man m lu ember sha kwagh wen ye. Kpa sarem ka lu nen mbafankwagh sha kwagh u a lu u dedoo yô, kpa gema lu nen wang sha kwagh u bo la. 20 Ica ia gba ga je tsô Aôndo u bem Una cagh Satan shin angahar a en. Mrumun u sha mhôôn u Ter Yesu a̱ lu sha a ven. 21 Timoteu u a lu eren tom a mo imôngo ngu sughun ne kua Lukiu man Yason man Sosipater mba ve lu ityô yam. 22 Mo Tertiu u m lu ngeren washika ne kpaa, m ngu sughun ne ken Ter. 23 Gayu u mo kua nongo u Kristu cii ka se tsa her a na la ngu sughun ne. Erasetu ornengen sha inyaregh ki ken gar ngu sughun ne, Kwaretu anmgbian wase kpaa ngu sughun ne. 24 [Mrumun u sha mhôôn u Ter Yesu Kristu a̱ lu sha ven cii.] 25 Un u A lu a agee a taver ne sha ivangeli yam man sha myee u i lu yôôn kwagh u Yesu Kristu man sha mpase u kwaghmyer u a lu ken iuv hii sha ashighe a tsuaa la je zan zan. 26 Kpa i va a mi ken igbar hegen shi mba pasen un sha uruamabera mba uprofeti hen akuraior cii, sha u a̱ wa jighjigh u nan la iko — 27 Aôndo u A lu a kwaghfan Un tswen ne, iengem i̱ lu i Na ken Yesu Kristu gbem sha won. Amen.
4 Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la. 5 Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la, 6 sha u né civir Aôndo Ter u Ter wase Yesu Kristu sha ishima i môm man sha imo i môm kpaa. 7 Nahan yô, rumun nen ayol a en er Kristu kpaa A rumun ne sha ci u iengem i Aôndo nahan.
1:1 Paulu u i yila un a yila sha ishima i Aôndo sha u a̱ lu apostoli u Kristu Yesu, kua Sosetene, anmgbian, 2 mba sughun nongo u Kristu u Aôndo u u lu ken Korinte la, mba i tsegh ve ken Kristu Yesu, mba i yer ve er ve̱ lu uicighanmbaiorov a mba ve yilan sha iti i Ter wase Kristu la imôngo cii, sha hanma ijiir cii, ka Ter ve man Ter wase kpaa; 3 mrumun u sha mhôôn a̱ lu sha a ven man bem mba ve dugh ken Aôndo Ter wase man Ter Yesu Kristu. 4 Mba sughun Aôndo ayange ayange sha ci wen, sha ci u mrumun u sha mhôôn u Aôndo u i ne ne ken Kristu Yesu ne, 5 gadia sha hanma gbenda cii i gema ne ne hingir mbalun a akaa wuee ken a Na, sha hanma kwaghôron cii man hanma mfe cii kpaa — 6 er i taver shiada u i er sha Kristu la ken a ven nahan — 7 nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la, 8 u Una taver ne zan zan mkur sha u né kera lu a acôghor iyol sha iyange i Ter wase Yesu Kristu la ga yô. 9 Aôndo ka u jighjigh, A yila ne u lun ken mzough vea Wan Na Yesu Kristu Ter wase. 10 M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa. 11 Gadia, anmgbianev, ior mba ken ya u Kelue ôrom kwagh wen er ayongo nga ken atô wen. 12 Kwagh u m ver ishima sha mi jim je yô, ka er hanmô wen ka nan kaa er: Mo m ngu or u Paulu, mo di m ngu or u Apolo, mo yô, m ngu or u Kefa, mo ne yagh yô, m ngu u Kristu. 13 Nahan yô, i pav Kristu shinii? Ka Paulu man i mande un sha terankon sha ci wen yee? Shin ka ken iti i Paulu je i er ne batisema ase? 14 M wuese er m er mô wen batisima ga yô, saa di Krisepu man Gayu tsô, 15 sha er ma or nana̱ de kaan er: Ka ken iti yam i er ne batisema ga. 16 Mba ken ya u Sefana kpaa, m er ve batisema, sha mfe fana kpaa, m er ve batisema, sha mfe wam yô, m kera er orgen batisema ga. 17 Gadia Kristu tindim, lu sha u eren batisema ga, kpa lu sha u m̱ ôron Loho u Dedoo, i̱ de lu sha kwaghôron u fan yum kpaa ga sha u terankon u Kristu u̱ de hingir gbilinkwagh ga yô. 18 Gadia kwaghôron u terankon ka mba ve lu timin la ibumekwagh, kpa se mba i lu yiman se yô, gema ka se agee a Aôndo je. 19 Gadia i nger er: Me vihi mfe u mbafankwagh, man mkav u mbakavenkwagh kpaa; Me bunde un. 20 Orfankwagh ngu hana? Man orngeren ngu hana? Or u sendegh kwagh u hen ayange ne nan ngu hana? Aôndo kera gema mfe u tar ne hingir ibumekwagh gaa? 21 Gadia er i lu sha kwaghfan u Aôndo je man tar u kera fe Aôndo sha gbenda u kwaghfan la ga yô, nahan doo Aôndo u yiman mba ve ne jighjigh la sha ibumegh ki kwaghôron Na. 22 Gadia Mbayuda mba pinen uivande man Mbagrika yô, mba keren kwaghfan. 23 Kpa se yô, se mba pasen kwagh u Kristu u i mande Un sha terankon; Mbayuda yô, ka kwagh u nan ve gbev mbu nôngon je, man atôatyev yô, gema ka ve ibumekwagh je. 24 Kpa ve mba i yer ve yô, Kristu gema ka ve agee a Aôndo man kwaghfan u Aôndo kpaa, shin a lu Mbayuda, shin Mbagrika kpaa. 25 Gadia ibumegh ki Aôndo hemba kwaghfan u ior man isheer i Aôndo hemba agee a ior. 26 Gadia nenge nen sha myer u i yila ne la, anmgbianev, mbafankwagh sha inja i iyolough ngee ken ven ga, mbaageev kpaa ngee ga, shin mbaiciviriv kpaa ga. 27 Kpa akaa a a lu a ibume ken tar yô, Aôndo sange a sha u heen mbafankwagh man akaa a a lu a agee ga ken tar yô, Aôndo sange a sha u heen akaa a a lu a agee la, 28 man akaa a a lu a icivir ga ken tar la man a i laha a la, man a a gbe kwagh ga la, Aôndo sange a sha u Una vihi akaa a a gbe kwagh la kera yô, 29 sha er ma or nana̱ de te ihagh sha ishigh ki Aôndo ga yô. 30 Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa. 31 Nahan i̱ lu er i̱ nger nahan er: U nan te ihagh yô, nana̱ ta ihagh ken Ter.
2:1 Mo kpaa, anmgbianev, zum u m va hen ven la, lu sha kwaghôron u hemban shin sha kwaghfan man m ôr ne mpase u Aôndo ga. 2 Gadia m wa ken ishima mer me fa ma kwagh ken a ven ga, saa di Yesu Kristu man er i mande Un a mande sha terankon la. 3 Mo yô, lu sha isheer man sha mcie man sha ikarkase iyol kpishi yan m va hen a ven ye. 4 Kwaghôron wam man kwaghaôndo wam u pasen kpaa, lu sha mhanger u kwaghôron tsô ga, kpa ikav i Jijingi man i agee kpaa lu sha mi, 5 sha er jighjigh wen u nan a̱ de suur sha mfe u ior ga, kpa i̱ lu sha agee a Aôndo. 6 Nahan kpaa se mba ôron kwagh u mfe je hen mba ve vie dedoo yô, kpa ka mfe u tar ne ga shin u mbavesen mba tar ne mba vea tim kera ne kpaa ga. 7 Kpa se mba ôron kwaghfan u Aôndo, ka kwaghmyer u i yer un, u Aôndo vande veren un sha ci u iengem yase je er i lu a gba tar ga yô. 8 Ma or u mbavesen mba tar ne fa kwagh ne ga, gadia vea fe un yô, ma ve mande Ter u iengem la sha terankon ga. 9 Se mba ôron er i nger la nahan er: Akaa a ashe a nenge a mi ga, ato kpaa a ungwa a ga, a va or ken ishima kpaa ga, ka akaa a Aôndo A ser a sha ci u mba Un doo ve ishima la. 10 Kpa se yô, Aôndo gema pase se a sha Jijingi. Gadia Jijingi tev akaa cii, zan zan akaacimin a Aôndo je kpaa. 11 Gadia hen ior yô, ka an nan fe akaa a oro, saa jijingi u or u a lu ken a nan la gaa? Kape akaa a Aôndo kpaa ma or nan fe a ga la, saa Jijingi u Aôndo tseegh. 12 Kpa se yô, ka jijingi u taregh se ngohol ga, kpa ka jijingi u A dugh her Aôndo la, sha u se̱ fa akaa a Aôndo A ne se sha mhôôn yô. 13 Ka a je se lu ôron ye, ka sha asemberakaa a mfe u or a tesen la ga, kpa ka a Jijingi A tesen yô, nahan se mba karen akaa a jijingi sha akaa a jijingi. 14 Kpa or u nan lu ken uma u sha marami la tsô yô, nan ngohol akaa a jijingi u Aôndo ga, gadia ka nan akaa a ibume, nan fatyô u kaven a kpaa ga, gadia mba kar a sha inja i jijingi. 15 Kpa or u nan lu ken mlu u jijingi yô, nan karen akaa cii, kpa nan iyol i nan yô, ma or karen nan ga. 16 Gadia ka an nan fe mhen u Ter je u nana tese Un kwagha? Kpa se yô, se mba a mhen u Kristu.
3:1 Kpa mo yô, anmgbianev m fatyô u ôron ne kwagh er ka mbajijingiv nahan ga, kpa lu er mbaiyolov nahan tsô, er anikundanev ken Kristu nahan. 2 Lu sha atumba je m koso ne ye, lu sha kwaghyan u taver ga, gadia ne lu a kuma ga. Hegen je kpaa ne mba a kuma ga, 3 gadia ne mba mbaiyolov heregh di tsô, gadia aluer iwuhe man iyongo vea lu her a ven yô, kera ka mbaiyolov ne lu, man kera ka sha inja i or ne zenden gaa? 4 Gadia aluer orgen nana kaa er: Mo yô, m ngu or u Paulu, shin ugen er: Mo m ngu or u Apolo, yô, kera ka ior tsô ne lu gaa? 5 Apolo ngu di nyi je? Man Paulu yô, ngu di nyi? Ka mbatomov mba i lu tom ve man ne gem ne ne jighjigh ye, sha inja i Ter A ne hanmô wase la. 6 Mo m môôr. Apolo gema ur mngerem, kpa ka Aôndo A ne mvese ye. 7 Nahan un u a môôr la ngu ma kwagh ga, shin un u a ur mngerem la kpaa ga, saa Aôndo u A ne mvese la. 8 Un u a môôr la vea un u a ur mngerem la ka kwagh môm tsô, kpa hanmô ve nana zua a injar i nan iyol i nan sha inja i tom u nan. 9 Gadia se mba mbashirentom a Aôndo imôngo je, ne mba sule u Aôndo je, man shi mmaa u Aôndo jim kpaa. 10 Ka sha mrumun u sha mhôôn u Aôndo u i nem la man m tim imagh er orfanmaa nahan ye, orgen nan kar nan ngu maan sha mi, kpa hanma or nana̱ er teghelee sha mmaa u nan maan sha mi la. 11 Gadia ma or nana fatyô u shi timin imagh kigenegh kposo a ki i vande timin la ga, ka Yesu Kristu je la. 12 Aluer hanma or nan ngu maan sha imagh kira yô, shin a lu zenaria shin a lu azurfa shin a lu awen a injaa shin a lu ikon shin a lu toho shin a lu ayia kpaa, 13 tom u hanma or ua hingir ken igbar, gadia ka iyange la ia tese inja i u ye, gadia ka sha usu je á pase iyange la ye, man ka usu ua kar tom u hanma or, er u lu ye. 14 Aluer tom u hanma or u nan maa la ua lu heregh yô, nana zua a injar. 15 Aluer tom u hanma or ua hia kera yô, akaa a nan saa kera je ve, kpa nan iyol i nan yô, nana war, kpa á lu je er ka sha usu nahan. 16 Ne kera fa er ne lu tempel u Aôndo man Jijingi u Aôndo A tem ken a ven gaa? 17 Aluer anti or nana vihi tempel u Aôndo yô, Aôndo Una vihi nan, gadia tempel u Aôndo ka icighan je, man ka ne ne lu tempel la ye. 18 Ma or nana̱ de tsughun iyol i nan ga. Aluer anti or u ken a ven nan ngu henen er nan ngu orfankwagh ken kov u ainge ne yô, nana̱ hingir ibumeor, man nana fa kwagh ye. 19 Gadia kwaghfan u tar ne ka Aôndo ibumekwagh je. Gadia i nger er: Un u A ker mbafankwagh sha atseregh a ve la, 20 man shi: Ter fa mbamhen mba mbafankwagh la, ka gbilinkwagh tsô. 21 Nahan yô, ma or nana̱ de kera taan ihagh sha ior ga; gadia akaa cii ka a en, 22 shin a lu Paulu shin a lu Apolo shin a lu Kefa shin a lu tar shin a lu uma shin a lu ku shin a lu akaa a hegen, shin a lu akaa a a lu van ken hemen la kpaa, ka a en cii. 23 Kpa ne yô, ne mba kwagh u Kristu, man Kristu gema ka u Aôndo je.
14 Kpa or u nan lu ken uma u sha marami la tsô yô, nan ngohol akaa a jijingi u Aôndo ga, gadia ka nan akaa a ibume, nan fatyô u kaven a kpaa ga, gadia mba kar a sha inja i jijingi. 15 Kpa or u nan lu ken mlu u jijingi yô, nan karen akaa cii, kpa nan iyol i nan yô, ma or karen nan ga. 16 Gadia ka an nan fe mhen u Ter je u nana tese Un kwagha? Kpa se yô, se mba a mhen u Kristu.
23 Hingir nen hegh ken jijingi u mhen wen, 24 man haa nen orhe iyol u i gbe un sha inja i Aôndo ken perapera u mimi man mtsegh u mimi.
4:1 Se yô, i̱ nengen se er se lu mbatomov mba Kristu yô, man shi mbakarenkwar u akaa a myer a Aôndo kpaa. 2 Kwagh ugen u i veren ishima sha mi hen mbakarenkwar yô, ka u ve̱ lu ior mba jighjigh. 3 Kpa mo yô, u ne né time kwagh wam né kure, shin a lu ma mkohol u ior u ôron ijir kpaa, kam kwagh je ga. M time kwagh wam iyol yam, m kure kpaa ga. 4 M fa ma ityôikaa sha iyol yam ga, kpa heera tseegh yô, nam u me lu a ishô ga. Ka Ter A lu timen kwagh wam, kuren un ye. 5 Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye. 6 Akaa ne yô, anmgbianev, m gema a m zua sha iyol yam kua Apolo kpaa; ka sha ci wen sha u ne̱ zua a ityesen hen a vese er, i̱ de karen akaa a i nger la ken inya ga yô, sha er ma or nana̱ de gengese iyol a ma or sha kwagh u orgen la ga. 7 Ka an nan ver u u hembee? Ka nyi u lu a mi i u ngohol a ngohol ga? Man aluer u ngohol yô, ka nyi u gengese iyol er u ngohol a ngohol ga nahana? 8 Ne ide kera ve, ne hingir mbanyarev kera ve, ne ya tor, kpa se lu ga. Ma ne ye tor, se kpaa ma se ye tor a ven imôngo. 9 Gadia beem er Aôndo ver se mbaapostoli se hemba gban ijime cii, bee er ka ior mba i er ve ijir i kuugh yô; gadia se hingir kwagh u tar man mbatyomov mba Shaav kua ior kpaa ve kenger un yô. 10 Se yô, se mba abumeaior sha ci u Kristu, kpa ne yô, ne gema ne mba mbafankwagh ken Kristu. Se yô, se mba aseeraior, kpa ne yô, ne mba mbataveragee. Ne yô, ne mba mbaiciviriv, kpa se yô, se mba mbaaheenev. 11 Zan zan hegen je kpaa, se mba ijen, imura kpaa ngi ker se, se mba idyelegh, mba gbidi se, se mba mba azende azende sha won. 12 Man se mba eren tom sha ican sha ave ase ayol ase. Ka a tuhwan se kpaa, se gema se naan iveren i dedoo. Ka a lu tôvon se a ican kpaa, se gba wan ishima tsô; 13 ka a teren se sha dang kpaa, se gema se ôron kwagh bem bem. I gema se se hingir kwagh u hôngorough sha won, zan zan hegen se mba ingbôrakembegh hen ior cii. 14 M nger ne akaa ne ka u van ne ahenge ga, kpa m ngu wan ne kwagh er ônov av mba doon mo ishima nahan. 15 Gadia shin nea lu a mbakuran ken Kristu vea ngee gande u ôron je kpaa ne mba a uter imôngo ga, gadia ka mo m mar ne ken Kristu Yesu sha Loho u Dedoo ye. 16 M ngu wan ne kwagh mer: Hingir nen mbakaven mo. 17 Ka sha ci u nahan man m tindi Timoteu her a ven ye. Un ka wan wam u doon mo ishima man u jighjigh ken Ter kpaa. Una umbur ne igbenda i m lu zan sha mi ken Kristu Yesu la, er m tesen hanma ijiir ken hanma nongo u Kristu cii yô. 18 Kpa mbagenev gengese iyol, mba henen er m kera ngu van hen a ven ga. 19 Kpa me va her a ven fefa, aluer Ter Una rumun yô, man me fa agee a mbagengeseyol mbara, á kera lu kwaghôron ve la tsô ga. 20 Gadia tartor u Aôndo yô, ka sha kwaghôron u lu ga, kpa ka sha agee je. 21 Ka nyi i sar ne? M̱ va her a ven a akpa shinii, i̱ lu sha dooshima man jijingi u legh leghee?
5:1 Gwa ngu zan ne je er idya ngi her atô wen, man ka imbaidya i ken atôatyev je kpaa i lu ga yô, orgen ngu a kwase u ter u nan je. 2 Nahan kpaa ne mba gengese iyol; guda u ma i vihi ne, ma i dugh or u nan er kwagh la ken atô wen kera. 3 Gadia mo yô, shin er ken iyol yam m lu her ga yô, ken jijingi yô, m ngu heregh, man kera je kpaa m hen kwagh u or u nan er imbakwagh la, ma kure, bee er m ngu heregh yô. 4 Zum u ne kohol ken iti i Ter Yesu, ne kua jijingi wam man agee a Ter wase Yesu yô, 5 i̱ na imbaor la sha ikev i Satan sha u á vihi iyol i nan kera, kpa jijingi u nan yô, a̱ war sha iyange i Ter. 6 Ihagh yen la doo ga. Ne kera fa er wankwa u kpeghee ka a zua sha ijenmwe cii gaa? 7 Dugh nen kwa u tse la kera sha u né lu ijenmwe i he yô, gadia jim je yô, ne kera mba a kwa ga. Gadia Waniyôngo wase u Paseka kpaa i sôngo un kera, ka Kristu je la. 8 Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi. 9 M nger ne ken washika la mer, de zough nen a mbadyarev ga. 10 Kpa ka mbadyarev mba ken tar ne cii ga, shin mbahuav shin mbanumumgbenda shin mbacivirakombo cii kpaa ga, a lu nahan yô, ma i gbe u né due shin tar kera kpee je. 11 Kpa hegen yô, m ngu ngeren ne mer: De zough nen a ma or u i yer nan er anmgbian kpa nan gem nan lu or u idya shin or u hua shin or u civir akombo shin or u ityuhwan shin or u hunden msôrom shin or u numun gbenda ga; imbaor la yô, kwaghyan tsô kpaa de ye a nan imôngo ga. 12 Ka nyi i gbem u ôron mba ken won mbara ijiri? Kpa mba ve lu kimi yô, kera ka ne né ôr ve ijir gaa? 13 Mba ken won yô, ka Aôndo A er ve ijir ye. Dugh nen iferor la ken a ven kera.
6:1 Aluer orgen ken a ven ikaa ia zua nan a orgen yô, nan cihi nan za yila ijir hen mbaaferev, i kera lu hen uicighanmbaiorov ga zee? 2 Shin ne kera fa er i lu uicighanmbaiorov je man vea ôr tar ijir gaa? Man aluer ka ne man nea ôr tar ijir yô, nahan ne kera kuma u ôron ajir a kiriki gaa? 3 Ne kera fa er mbatyomov mba Shaav je kpaa sé va ôr ve ijir gaa? Man hire akaa a shin tar ne? 4 Nahan aluer ne mba a ajir a sha kwagh u shin tar ne yô, mba i nengen ve er ve lu mba ikoogh ga ken nongo u Kristu la, ve̱ tema ve̱ ôr. 5 M ngu ôron ne kwagh ne, ka u van ne ahenge je. Or u fan kwagh môm tsô kpaa ngu ken a ven u nana fatyô u ôron ikaa i hen anmgbianev mba nan gaa? 6 Wanmgbian ka a gema a za yila wanmgbian ijir man i lu hen mbanan jighjigh ga la jee? 7 Kera je kpaa kwagh hemba ne a hemba je er ne lu a ajir ayol a en yô. Kera guda u ne gba ngohol ibo sha apera tsô gaa? Kera guda u kwagh a̱ gba saan ne tsô gaa? 8 Kpa ne mba eren sha mi ga, ne mba ngohol kwagh sha apera kpaa, man gema ka anmgbianev je. 9 Ne kera fa er mbaaferev vea ya dyako u tartor u Aôndo ga zee? I̱ de tsughun ne ga, mbadyarev shin mbasôronakombo shin mbavihin ivaa sha idya shin nomso mba ve yaven a ayol a ve 10 shin mbaiv shin mbahuav shin mbahundenmsôrom shin mbauityuhwanev shin mbanumungbenda kpaa, vea ya dyako u tartor u Aôndo je ga. 11 Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase. 12 M ngu a ian sha akaa cii, kpa ka akaa cii man a lu iwasen ga, m ngu a ian sha akaa cii, kpa mo yô, me rumun ma kwagh u yan tor sha a mo ga. 13 Akaayan nga sha ci u iyav; iyav di kpaa mbu sha ci u akaayan, kpa mbu kua a kpaa. Aôndo Una kar a mi kera cii. Kpa iyol yô, ngi sha ci u idya ga, kpa ngi sha ci u Ter man Ter kpaa ngu sha ci u iyol. 14 Aôndo nder a Ter shin ku, se kpaa Una nder a vese sha agee a Na. 15 Ne kera fa er ayol a en a lu alegh a Kristu je gaa? Nahan me gema alegh a Kristu a̱ hingir alegh a agbagaa? Mayange ga. 16 Shin ne fa er or u nan zough a agbaga nan lu iyol i môm vea na gaa? Gadia i nger er: Ve uhar cii vea hingir iyôgh i môm je. 17 Kpa u nana var a Ter yô, nan ngu jijingi môm a Na je. 18 Yevese nen idya. Hanma isholibo igen i or nan eren yô, ka ken wonyolough tsô i lu ye. Kpa or u eren idya yô, ka iyol i nan je nan eren i kwaghbo ye. 19 Shin ne fa er iyol yen i lu tempel u Icighan Jijingi u A lu ken a ven u ne ngohol Un her Aôndo la gaa? Ne kera mba kwagh wen ayol a en ga. 20 Gadia i yam ne a yam sha ishe je. Civir nen Aôndo ken iyol yen.
Gwa ngu zan ne je er idya ngi her atô wen, man ka imbaidya i ken atôatyev je kpaa i lu ga yô, orgen ngu a kwase u ter u nan je.
2 Nahan kpaa ne mba gengese iyol; guda u ma i vihi ne, ma i dugh or u nan er kwagh la ken atô wen kera.
5 i̱ na imbaor la sha ikev i Satan sha u á vihi iyol i nan kera, kpa jijingi u nan yô, a̱ war sha iyange i Ter. 6 Ihagh yen la doo ga. Ne kera fa er wankwa u kpeghee ka a zua sha ijenmwe cii gaa? 7 Dugh nen kwa u tse la kera sha u né lu ijenmwe i he yô, gadia jim je yô, ne kera mba a kwa ga. Gadia Waniyôngo wase u Paseka kpaa i sôngo un kera, ka Kristu je la. 8 Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi. 9 M nger ne ken washika la mer, de zough nen a mbadyarev ga. 10 Kpa ka mbadyarev mba ken tar ne cii ga, shin mbahuav shin mbanumumgbenda shin mbacivirakombo cii kpaa ga, a lu nahan yô, ma i gbe u né due shin tar kera kpee je. 11 Kpa hegen yô, m ngu ngeren ne mer: De zough nen a ma or u i yer nan er anmgbian kpa nan gem nan lu or u idya shin or u hua shin or u civir akombo shin or u ityuhwan shin or u hunden msôrom shin or u numun gbenda ga; imbaor la yô, kwaghyan tsô kpaa de ye a nan imôngo ga.
13 Mba ken won yô, ka Aôndo A er ve ijir ye. Dugh nen iferor la ken a ven kera.
15 Kpa ne yô, lu nen uicighanmbaiorov ken mlu wen cii, er Un u A yer ne la A lu icighan nahan.
16 Gadia i nger er: Lu nen uicighanmbaiorov, gadia Mo M ngu u Icighan je.
6 Ihagh yen la doo ga. Ne kera fa er wankwa u kpeghee ka a zua sha ijenmwe cii gaa?
11 Hanma mkôôm yô, sha shighe la ka i bee er ka kwagh u iember ga, kpa i lu kwagh u ijungwen, kpa ken masejime yô, ka a ume atam a perapera bem bem sha ci u mba i tsaase ve a tsaase sha mi la i var ve yô.
5 Maa A due a na ken won, A kaa er: Kende ashe sha yôô, ôr iyenge i asan, aluer wea fatyô u ôron yô; shi A kaa a na er: Kape tsombor wou ua lu je la.
18:1 Kwaghôron ne due hen TER va hen Yeremia, er: 2 Mough za shin iyou i ormaantyegh, ka shin la man Me na, ú ungwa akaaôron Am ye. 3 Nahan m sen shin iyou i ormaantyegh; man nenge, a lu eren tom ave je, sha ikyekye. 4 Ityegh ki a lu maan la, ki vihin kera yô, er inyatyuu ka i er sha ave a ormaantyegh nahan, a maa a gema ki ityegh kigenegh kposo, er i doo ormaantyegh la u eren yô. 5 Tsô kwaghôron u TER va her a mo, er: 6 We ya u Iserael, Me kera fatyô u eren a ven er ormaantyegh ne nahan gaa? Kape TER A kaa ne. Nenge, er inyatyuu ka i lu ken uwegh ku ormaantyegh nahan, kape ne kpaa ne lu ken uwegh Agh ne, we ya u Iserael.
2 Tsô A yila wanye A va ver un her atô ve, 3 A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga. 4 Hanmô u nana hide a iyol i nan ijime er wanye ne nahan yô, ka nan je nan hembe sha tartor u Sha ye. 5 Man hanmô u nana rumun u môm ken imba i mbayev mba kiriki mban ken iti Yam yô, ka Mo je nan rumun ye. 6 Kpa hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i zer nan zegenase sha mon, ma i gbihi shin iv i zegemnger.
19 Tesem nen inyaregh ki kpandegh. Ve na Un sule. 20 A pine ve er: ityough kin man kwaghngeren ne ka u ana? 21 Ve kaa a Na er: Ka u Shisar je. Tsô A kaa a ve er: Na nen Shisar akaa a a lu a Shisar yô, Aôndo kpaa na nen Un akaa a a lu a Aôndo yô.