IJIIR I Watchtower a KOSON ITYAKERADA SHA INTANET YÔ

Wuese Kwagh u Yehova man Yesu Ve Er sha Ci Wou La

U Fatyô u Lun Uma Gbem sha Won shi a Saan We Iyol!—Nenge Kwagh u Bibilo i Ôr Yô.
- 3. Ka nyi se er ve se tese ser se mba a iwuese?
  
  Tôô wer u ngu kuan shin mnger, maa orgen va yima u. Nahan u hungur a kwagh u or shon nan er a we la fese? Shin u ker igbenda i u tese nan wer u wuese kwagh u nan er a we laa?
  
  Ka Yehova a yima se ve se lu uma ye. Ôr 1 Yohane 4:8-10, maa lam nen sha mbampin mban:
  
  Er nan ve nagh ku Yesu kura ku lu iyua injaa yumu?
  
  U nenge kwagh u Yehova man Yesu ve er sha ci wou la nena?
  
  Se tese ser se wuese kwagh u Yehova man Yesu ve er sha ci wase la nena? Ôr 2 Mbakorinte 5:15 man 1 Yohane 4:11; 5:3. Zum u ne ôr hanma ivur ne bee yô, lam nen sha mpin ne:
  
  Sha kwagh u avur ne a ôr yô, ka nyi se er ve se tese ser se mba a iwuese?

Er Nan I Doo u Ú Tsegha Iyol You shi U Er Batisema?

U Fatyô u Lun Uma Gbem sha Won shi a Saan We Iyol!—Nenge Kwagh u Bibilo i Ôr Yô.
- 1. Ka nyi ka i na ve or tsegha iyol i nana?
  
  Ka dooshima ka a mgbegha se u tseghan iyol yase sha ci u Yehova ye. (1 Yohane 4:10, 19) Bibilo kaa a vese ér: “Yehova Aôndo wou a̱ doo u ishima kpee je, a ishima you cii man a uma wou cii man a mhen wou cii man a agee a ou cii.” (Marku 12:30) Ka se tese ser Aôndo doo se ishima sha kwaghôron tseegh ga, kpa kua sha ieren yase kpaa. Er nomsoor man kwase u ve soo ayol a ve ka ve er ivese nahan, kape se kpa Yehova ka una doo se ishima ve dooshima la a mgbegha se, se tsegha iyol yase sha ci na shi se er batisema je la.