3 Ko Mɔsɛ akatɛ wodja ate: “Nyohɔke lushi lɔnɛ lambonyotomba oma l’Edjibito,+ oma lo luudu la lɔhɔmbɔ, nɛ dia la lonya la wolo kambonyotondja Jehowa oma lo dihole nɛ.+ Ɔnkɔnɛ tanyɔlɛke ndooko ɛngɔ kele la wodoya.

8 Kanyote ananyu lushi lakɔ nyate: ‘Tekɔ lo nsala fɛtɛ kɛnɛ l’ɔtɛ wa kɛnɛ kakatosalɛ Jehowa etena kakatatombe oma l’Edjibito.’+

9 “Nyonge la yambalo ndo nyoyalame dimɛna* diaha nyu mbohɛ akambo wakanyɛnyi la washo anyu ndo diaha vɔ mimɔ oma l’etema anyu lo nshi tshɛ ya lɔsɛnɔ lanyu. Kanyowaewoyake ananyu ndo ekana anyu.+

20 “Lo nshi yayaye, naka ananyu wambonyombola vate: ‘Naa kitshimudi ya waohwelo, wadjango ndo tɛdikɔ ta dombo takanyodjangɛ Jehowa Nzambi kaso?’ 21 Ko nyu mbutɛ ananyu nyate: ‘Taki mfumbe ya Farawɔ l’Edjibito, koko Jehowa akatotondja oma l’Edjibito la lonya la wolo. 22 Ɔnkɔnɛ, Jehowa akasale tolembetelo ndo ahindo wa weke ndo walanya lo Edjibito,+ le Farawɔ ndo le ase luudu lande tshɛ lo washo aso.+