19 Koko dimɛ mbeyaka dia nkumekanga k’Edjibito hatetawɔ dia nyu ntshɔ, naka nde hatshutshuyami la wolo.+ 20 Ɔnkɔnɛ, dimi layohomba nsembola lonya lami ko nkɔmɔla ase Edjibito la akambo wa diambo wayomosala lo wodja akɔ. Oma laasɔ kayondonyokimɔ.+

6 Ko Jehowa akatɛ Mɔsɛ ate: “Wɛ ayɛna kɛnɛ kayomosalɛ Farawɔ.+ Lonya la wolo layowotshutshuya dia nde mbakimɔ ndo lonya la wolo layowotshutshuya dia nde mbatondja oma lo wodja ande.”+

8 Ko wakelɛ Mɔsɛ nde la Arɔna dia vɔ nkalola le Farawɔ ko nde akawatɛ ate: “Nyotshu, nyotokambe Jehowa Nzambi kanyu. Ko waa na mɛtɛ watatshu?” 9 Mɔsɛ akate ate: “Sho tayotshɔ kaamɛ la anaso w’akɛnda, esombe aso, anaso w’apami, anaso wa wamato, ɛkɔkɔ aso ndo ngɔmbɛ yaso,+ nɛ dia tayotosalɛ Jehowa fɛtɛ.”+ 10 Farawɔ akawatɛ ate: “Naka dimi nyokimɔ dia nyu ntshɔ kaamɛ la ananyu, kete wate mɛtɛ Jehowa ekɔ kaamɛ la nyu!+ Mɛnamaka hwe dia nyekɔ lo nanga nsala dui dimɔtshi dia kɔlɔ. 11 Keema! Apami anyu ato mbakoka ntshɔ dia tokambɛ Jehowa, nɛ dia kɛsɔ mbakanyalɔmbɛ.” Ko wakaatondja oma lale Farawɔ.