49 Dia mbɛdia luudu lakɔ oma lo mindo* tshɛ, nde ayɔsa tofudu 2, tshenyi ya shongo y’olondo, ɛtshi ka dihɔndɔ dia beela k’efula ndo diyo dia izɔpɛ.+ 50 Nde ayodiaka fudu kɛmɔtshi lo ɛngɔ ka diwomba kele la ashi wakawatahola oma lo lushi lakɛla. 51 Oma laasɔ, nde ayɔsa tshenyi ya shongo y’olondo, diyo dia izɔpɛ, ɛtshi ka dihɔndɔ dia beela k’efula ndo fudu kasɛna, ko nde dindja diangɔ sɔ tshɛ lo dikila dia fudu kakandadiaki laadiko dia ashi wakawatahola oma lo lushi lakɛla, ko nde mɔnga dikila diakɔ otsha lo luudu lakɔ mbala 7.+ 52 Nde ayɛdia luudu lakɔ oma lo mindo* tshɛ la dikila dia fudu kakɔ, ashi wakawatahola oma lo lushi lakɛla, fudu kasɛna, tshenyi ya shongo y’olondo, diyo dia izɔpɛ ndo yɛtshi ya dihɔndɔ dia beela k’efula. 53 Oma laasɔ, nde ayokimɔ fudu kasɛna l’andja w’osomba l’oswe ndo ayɛdia luudu lakɔ, ko lɔ layonga pudipudi.

6 Ɔlɔmbɛdi kɔshi tshenyi ya shongo y’olondo, diyo dia izɔpɛ+ ndo dihɔndɔ dia beela k’efula ko nde mbidja lo dja yatshumbama ngɔmbɛ.

9 “‘Onto lele pudipudi katshumanya otoko wa ngɔmbɛ+ kakɔ ko nde tokitsha l’andja wa mpango lo dihole dia pudipudi. Olui w’ase Isariyɛlɛ pombaka nama otoko akɔ dia ndjɔlɔngɔsɔla ashi wayokambemaka lo wɛdiamelo.+ Ɔsɔ ekɔ olambo wa pɛkato.