20 Jehowa akatɛ Arɔna ate: “Wɛ hatonga la etenyi k’okitɔ ndo wɛ hatonga la ɛtshi ka nkɛtɛ lo wodja w’Isariyɛlɛ. Dimi kele yema yayɛ+ ndo etenyi kayɛ k’okitɔ l’atei w’ase Isariyɛlɛ.+

24 Nɛ dia dimi lambosha ase Lɛwi etenyi ka dikumi kakimɔ ase Isariyɛlɛ dikambo dia Jehowa oko etenyi kawɔ k’okitɔ. Diakɔ diakamate nte: ‘Vɔ hawohombe nkondja etenyi k’okitɔ+ l’atei w’ase Isariyɛlɛ.’”

9 Diakɔ diele ase Lɛwi hawolongodi yema yawɔ kana etenyi k’okitɔ kaamɛ l’anangɛwɔ. Jehowa kele etenyi kawɔ k’okitɔ, oko wakawatɛ Jehowa Nzambi kanyu.+

28 “Lo ekomelo k’ɛnɔnyi 3 tshɛ, wɛ pombaka mbelaka etenyi ka dikumi k’otondo k’oma lo diangɔ diayɛ dia l’ɔnɔnyi ɔsɔ, ko wɛ kikitsha l’etei ka esomba anyu.+ 29 Oma laasɔ, ose Lɛwi lele bu la yema yande ndo lele bu la etenyi k’okitɔ kaamɛ la yɛ, ɔngɛndangɛnda, ɔna etshike* ndo wadi aki odo lodjashi lo esomba anyu ayoya ndo ayoyɔlɛ ko ndota,+ dia Jehowa Nzambi kanyu nyɔtshɔkɔla lo kɛnɛ tshɛ kasalanyu.+

14 Paka dioho di’ase Lɛwi to kakinde kombisha etenyi k’okitɔ.+ Elambo watshumbama lo dja dikambo dia Jehowa Nzambi k’Isariyɛlɛ mbele etenyi kawɔ k’okitɔ,+ oko wakandaalake.+