31 Oma laasɔ, nde akatɛ Jɛrɔbɔama ate:

“Ɔsa bɛtshi 10 dikambo diayɛ, nɛ dia Jehowa Nzambi k’Isariyɛlɛ kata ate: ‘Dimi layanga minya diolelo oma l’anya wa Sɔlɔmɔna ndo layokosha waoho 10.+

32 Jɛrɔbɔama akashikikɛ nto fɛtɛ kɛmɔtshi lo ngɔndɔ ka 8 nshi 15 oko fɛtɛ kakasalemaka la Juda.+ Lo elambwelo kakandasale la Bɛtɛlɛ,+ nde akalambolɛka tana ta ngɔmbɛ takandasale elambo, ndo nde akadje ɛlɔmbɛdi la Bɛtɛlɛ dikambo di’ahole wa la diko wakandasale.

10 Diakɔ diele, dimi layanga mbela mpokoso lo luudu la Jɛrɔbɔama ndo dimi layanga nshila* apami tshɛ* wa laka Jɛrɔbɔama oshiki, mbidja ndo wanɛ waha l’ekimanyielo ndo wele wɔdu lo Isariyɛlɛ; ndo dimi layɔmba luudu la Jɛrɔbɔama,+ oko watɔmbaka onto tumi polo ndo yɔ tshɛ yambomɔ!

14 Ase Lɛwi wakatshike ahole awɔ+ wa ndeshaka dongalonga ndo diangɔ diawɔ, ko wakaye la Juda ndo la Jɛrusalɛma, nɛ dia Jɛrɔbɔama nde l’anande wakaashimbe diaha vɔ kambɛ Jehowa+ oko ɛlɔmbɛdi.

3 Ko Abidja akatshu l’asɔlayi wa wolo, andɔshi wa ta wakalowanyema* nunu nkama nyɛi (400 000). Jɛrɔbɔama nde lawɔ kaamɛ l’apami wakalowanyema,*+ andɔshi wa ta wa wolo nunu nkama enanɛi (800 000) wakatɔlɔngama dia ndɔ la nde.

20 Lo nshi ya Abidja, Jɛrɔbɔama komonga la wolo waki la nde ntondo; oma laasɔ Jehowa akɔɔkɔmɔla ko nde akavu.+