23 L’ɔkɔngɔ w’etena k’otale,* nkumekanga k’Edjibito akavu,+ koko ase Isariyɛlɛ wakatetemala nkuma akumu l’ɔtɛ wa lɔhɔmbɔ, wakakawanaka, ndo alelo awɔ wa nyanga ekimanyielo l’ɔtɛ wa shɔkɔ ya lɔhɔmbɔ wakadɛka polo le Nzambi ka mɛtɛ.+ 24 L’edjedja ka wonya, Nzambi akayoka akumu awɔ+ ko Nzambi akohɔ sheke yakandadje la Abrahama, Isaka ndo Jakɔbɔ.+ 25 Ko Nzambi akadje ase Isariyɛlɛ yimba ndo nde akɛnyi asui awɔ.

7 Jehowa akakotsha ate: “Dimi mɛtɛ lambɛna asui wa wodja ami wele l’Edjibito ndo lamboka alelo walelawɔ l’ɔtɛ waakandjawɔ elimu la wolo. Dimi mbeyaka dimɛna dia wekɔ lo nsowa efula.+