17 Ko Elisha akatatɛ nɔmba ate: “Jehowa le, lam’alangayɛ, dihola washo ande kele nde ɛnyi.”+ Aha la ntshimbatshimba, Jehowa akadihola washo w’okimanyedi akɔ, ɛnyinde ko lɛkɛ l’akona lambololanɛ la mfalasa ndo la pusupusu ya ta ya dja+ yodingi Elisha.+

10 Nyewɔ dia mɔnyɔla ɔmɔtshi l’atei w’anto wa totshitshɛ anɛ, nɛ dia dimi lambonyotɛ nte andjelo awɔ wa l’olongo mendaka nshi tshɛ elungi ka Papa lele l’olongo.+