• Osambo 70:1-5
    Bible—Ekadimwelo k’andja w’oyoyo

    • 70 Nzambi le, onshimbee;

      Jehowa le, samanya dia ndjonkimanyiya.+

       2 Wanɛ wayanga lɔsɛnɔ* lami

      Washame nsɔnyi ndo walɔmbɔ.

      Wanɛ wangɛnangɛna lo mpokoso kami

      Wakalole ɛkɔngɔkɔngɔ la nsɔnyi.

       3 Wanɛ wata vate: “Aah! Aah!”

      Wakalole ɛkɔngɔkɔngɔ la nsɔnyi.

       4 Koko wanɛ wakoyanga

      Wonge la ɔlɔ ndo wangɛnɛngɛnɛ le yɛ.+

      Wanɛ walanga etsha ayɛ wa panda watake tena tshɛ vate:

      “Nzambi atombɔme!”

       5 Koko dimi bu la ekimanyielo ndo lekɔ ose wola;+

      Nzambi le, osamanya lo wahɔ ami.+

      Wɛ kele okimanyedi ami ndo ombitshi ami;+

      Jehowa le, totshimbatshimbake.+