• Isaya 44:23
    Bible—Ekadimwelo k’andja w’oyoyo

    • 23 Nyode ekoko w’ɔngɛnɔngɛnɔ, nyu olongo,

      Nɛ dia Jehowa ambosala dikambo!

      Nyode ekoko w’otshumba, nyu ɛhɔngɔ wa nkɛtɛ!

      Nyode ekoko w’ɔngɛnɔngɛnɔ nyu akona,+

      Nyu ekonda ndo esongo anyu tshɛ!

      Nɛ dia Jehowa ambotshungola Jakɔbɔ,

      Ndo nde ambɛnya lɔnɛnɛ lande lo Isariyɛlɛ.”+

  • Isaya 61:3
    Bible—Ekadimwelo k’andja w’oyoyo

    •  3 Dia nkotsha ehomba wa wanɛ walela l’ɔtɛ wa Siɔna,

      Dia mbasha kitambala lo dihole dia otoko,

      Esɔ k’ɔngɛnɔngɛnɔ lo dihole dia delo,

      Dihɔndɔ dia lotombo lo dihole dia yimba y’okananu.

      Ndo vɔ wayelamɛ esongo wa weke wa losembwe,

      Ekambɔ ka Jehowa, dia mbotombola.*+

  • Jɛrɛmiya 31:13
    Bible—Ekadimwelo k’andja w’oyoyo

    • 13 “L’etena kɛsɔ, osekaseka w’emuma ayɔnɔ lokombe la ɔngɛnɔngɛnɔ,

      Ɛlɔngɔ w’apami vɔ lawɔ ndo esombe w’anto kaamɛ.+

      Dimi layokadimola delo diawɔ ɔngɛnɔngɛnɔ.+

      Dimi layowasamba ndo layowasha ɔngɛnɔngɛnɔ lo dihole dia lɔkɔnyɔ lawɔ.+