7 nde hasɔkisha onto ɔmɔtshi,+ koko nde kaloyaka kɛnɛ kakawosha onto lokolende dibasa ɔkɔlɛ;+ nde have onto,+ koko nde mbishaka ɔnɛ lele la ndjala+ mbo ya ndɛ yande ndo kombaka ɔnɛ lele otakataka dihɔndɔ;+ 8 nde hasɔndjana diangɔ la wahɔ kana falanga la wahɔ w’efula,+ koko nde hasale akambo la shɔnɔdi;+ nde sambolaka la losembwe la mɛtɛ lam’asa onto la wonyande;+

15 Naka ɔnangɛso kana kadiyɛso kɛmɔtshi bu la ahɔndɔ* ndo bu la diangɔ diakokande ndɛ lushi la lushi, 16 ko ɔmɔtshi l’atei anyu mbotɛ ɔnɛ: “Tshɔka la ki, toke dja ndo tole dimɛna,” koko hanyowosha kɛnɛ kele ohomba lo demba diande, wahɔ akɔna wele la dikambo sɔ?+

17 Koko onto tshɛ lele la diangɔ dia l’emunyi dia l’andja ɔnɛ, ko nde mɛnaka ɔnango ele lo dihombo, koko halange mbooka kɛtshi, onde sho koka mbuta dia ngandji ka Nzambi kekɔ le nde?+