23 “Eenda! Osekaseka w’emuma ayotshɔ diemi ndo ayota ɔna pami, wayowɔlɛ Emanuwɛlɛ,”+ kitshimudi ate “Nzambi ekɔ la so.”+

30 Ko ondjelo akawotɛ ate: “Tokake wɔma, Mariya. Wɛ ambohomɔ lokolo l’ɔlɔ lo washo wa Nzambi. 31 Eenda, wɛ ayotshɔ diemi,* ayota ɔna pami,+ kowɔlɛ ɔnɛ Yeso.+ 32 Nde ayoyala woke,+ wayowelɛ vate Ɔna aki Ɔnɛ-Laheme-Tshɛ+ ndo Jehowa* Nzambi ayowosha kiti ka lowandji ka Davidɛ she,+ 33 ko nde ayonga Nkumekanga lo luudu la Jakɔbɔ pondjo pondjo ndo Diolelo+ diande hadiotonga l’ekomelo.”

34 Ko Mariya akambola ondjelo ate: “Woho akɔna wayosalema dikambo sɔ, lam’ele dimi lateyanaka la pami?”+ 35 Ondjelo akookadimola ate: “Nyuma k’ekila kayoya le yɛ+ ndo wolo wa Ɔnɛ-Laheme-Tshɛ wayokokomba. Diakɔ diele ɔna layotɔ ayelamɛ ɔnɛ ekila,+ Ɔna Nzambi.+